| e-texts navigator |
| Wylie |
17b1 མཐིང་ནག་དང་། ཡ~ཾ་སྔོ་སྐྱ་དང་། ར~ཾ་ཁ~ཾ་དམར་ནག་དང་། སུ~ཾ་སེར་ནག་དང་། ར~ཾ་དམར་ནག་དང་། ཀེ~ཾ་དཀར་སྐྱ་དང་། སྣ་ཚོགས་པའི་བྷྲཱུ~ཾ་འཕྲོས་པར་གྱུར་ཏོ། །དེ་དག་གི་འཕྲོ་འདུ་ལས་གྲུ་གསུམ་མཐིང་ནག་ནམ་མཁའ་དང་། སྔོ་སྐྱ་རླུང་ཟླ་གམ་དང་། དམར
17b2 ནག་རཀ་ཏའི་རྒྱ་མཚོ་དང་། སེར་ནག་ཞིང་ཆེན་ས་གཞི་དང་། དཀར་སྐྱ་ཀེང་རུས་རི་རབ་དང་། སྣ་ཚོགས་རིན་པོ་ཆེའི་གཞལ་ཡས་ཁང་མཐིང་ནག་རྡོ་རྗེ་རྒྱ་གྲམ་ལས་ལྷུན་གྱིས་གྲུབ་པའི་དཀྱིལ་འཁོར་དུ་གྱུར་ཏོ། །ཆོས་ཉིད་མི་འགྱུར་ལྷུན་གྱིས་གྲུབ་པའི་ལྟེ་བ་མཐིང་ནག
17b3 ཟླུམ་པོ་ཕྲིན་ལས་རྣམ་པ་བཞིས་ལྷུན་གྱིས་གྲུབ་པའི་རྒྱ་གྲམ་གྱི་རྩེ་མོ་ཕྱོགས་བཅུར་འཕྲོ་བ། བར་མཚམས་རིན་པོ་ཆེ་སྣ་བཞི་ལས་ལྷུན་གྱིས་གྲུབ་པ། གྲུ་ཆད་རིན་པོ་ཆེ་ལྗང་གུར་སྣང་བ། སྒོ་བཞི་རིན་པོ་ཆེ་སྣ་བཞི་ཚད་མེད་པ་བཞིའི་ཕྲིན་ལས་སུ་སྣང་བ་སྣ་ཚོགས་ཀྱི་རྒྱན་རང
17b4 བཞིན་དུ་སྣང་བ་རང་བྱུང་བར་གྱུར་ཏོ། །དེ་ནས་ཧཱུ~ཾ་མཐིང་ནག་ཁྲོ་བོའི་ས་བོན་དེ་ལས་སྣ་ཚོགས་རྡོ་རྗེ་ཕྲ་མོའི་འོད་ཚ་ཚར་འཕྲོ་བ། རྡོ་རྗེ་ཕྲ་མོའི་འོད་ཟེར་ལས་རྡོ་རྗེ་ལྕགས་ཀྱུ་ཕྲ་མོ་བསམ་གྱིས་མི་ཁྱབ་པས་འཇིག་རྟེན་གྱི་དྲེགས་པ་ཅན་ཀུན་དང་། སྲོག་ལ་རྔམ་པའི་སྲིན་པོ་ཕོ
17b5 མོ་སྣ་ཚོགས་པ་བཀུག་སྟེ། གཞལ་ཡས་ཁང་གི་ཕྱི་རོལ་དུ་ཤིང་རྩ་བ་ནས་བསྒྱེལ་བ་བཞིན་དུ་གྱུར་ཏེ་རི་མོ་བཞིན་གཡོ་བ་མེད་པར་གྱུར་ཏོ། །མཐུའི་བྱིན་གྱིས་རླབས་ཀྱིས་འཁོར་ལོའི་ལྟེ་དབུས་སུ་རྡོ་བ་བསྐྱུར་བ་བཞིན་དུ་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱིས
17b6 ཀྱང་སྟི་ར་བ~ཾ་ཞེས་བརྗོད་པས་སྲིན་པོ་ཕོ་མོ་དྲན་པ་རྙེད་དེ་མདུན་དུ་གྱུར་ཏོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས་གཞལ་ཡས་ཁང་ལྷུན་གྱིས་གྲུབ་པའི་ལེའུ་སྟེ་བཞི་པའོ།། །།དེ་ནས་ཐུགས་རྗེ་ཁྲོས་པའི་ཧཱུ~ཾ་མཐིང་ནག་འོད་འབར་བ་ལས་དེ
17b7 བཞིན་གཤེགས་པ་ཀུན་གསུང་གཅིག་གིས་ཨ་བྷི་རོ་ཥ་ཎ་ཧཱུ~ཾ་ཞེས་གསུངས་པ་ལས་ཁྲོ་གཉེར་བསྡུས་ཤིང་ཞལ་བགྲད་པས་དུག་གསུམ་རྩད་ནས་གཅོད་པའི་མཆེ་བ་ཟུར་གསུམ་གཙིགས་པ། དེ་ལྟར་འབར་བའི་ཆ་བྱད་དུ་སྣང་བ་ཞིག་བྱུང་སྟེ། འཇིག་རྟེན་གྱི་ཁམས་ཆེན
iiif viewer powered by OpenSeadragon
