| e-texts navigator |
| Wylie |
171b1 ལྡན་རྡོ་རྗེ་འཇིགས་མཛད་བྲི། །རྩ་བ་མ་ཧེ་ཁྲོས་པའི་ཞལ། །དེ་སྟེང་འཇམ་དཔལ་འཛུམ་པའི་ཞལ། །ལྷག་མ་དམར་དང་སེར་དང་སྔོ། །དུ་བའི་མདོག་མཚུངས་གྱེན་སྐྲ་ཅན། །རབ་ཏུ་བརྗིད་ཅིང་ཁྲོ་བོའི་ཞལ། །དྲུག་དང་ལྡན་པའི་སྐུ་ལུས་ཆེ། །ཐོད་པ་སྐམ་རློན་རྒྱུ་མ་སྦྲུལ། །
171b2 རུས་པ་རྡོ་རྗེ་ཕྲེང་བས་བརྒྱན། །གླང་ཆེན་སྟག་ལྤགས་གྱོན་ནས་ནི། །པདྨ་ཉི་མ་མ་ཧེ་ལ། །གཤིན་རྗེ་མནན་ནས་ཞབས་དྲུག་གིས། །གཡོན་བརྐྱང་གཡས་བསྐུམ་གར་གྱིས་འགྱིང་། །ཕྱག་དྲུག་གཡས་ཀྱི་དང་པོ་ན། །རྩེ་གཅིག་གཉིས་པ་ཐོ་བ་སྟེ། །གསུམ་པ་གཏུན
171b3 ཤིང་མཁའ་ལ་འཕྱར། །དགྲ་སྟ་ལྕགས་ཀྱུ་ཞགས་པ་ནི། །གཡོན་པའི་ཕྱག་གིས་འཛིན་པ་བྲི། །ནམ་མཁའི་མདོག་ཅན་ཐལ་བས་བྱུགས། །སྐུ་ལ་ཁྲོ་བོ་དུ་མ་འཕྲོ། །སྣ་ཚོགས་མཆོད་པའི་ལྷ་མོས་བསྐོར། །ལེགས་པར་དེ་ལྟར་བྲིས་པ་ཡི། །རྒྱབ་དང་ཕྱོགས་རྣམས
171b4 ཐམས་ཅད་དུ། །དུར་ཁྲོད་ཆེན་པོས་བསྐོར་བར་བྲི། །མགོ་རྡུམ་རྒྱུ་མ་མཁའ་ལ་ཁྱེར། །རྐང་རྡུམ་ལག་རྡུམ་རོ་ལངས་དང་། །ཝ་དང་སྤྱང་ཀི་གཏུམ་པོ་དང་། །མཁའ་འགྲོ་ཕོ་མོ་ཤ་ཟའི་ཚོགས། །བྱ་དང་གཅན་གཟན་སྣ་ཚོགས་བྲི། །སྐྱི་བུང་རབ་ཏུ་འཇིགས་བྲིས་ནས། །
171b5 དེར་ནི་སྒྲུབ་པ་པོ་ཡང་བྲི། །གྲི་ཐོད་བཟུང་ནས་ཤ་ཆེན་མུར། །གོས་ནག་གྱོན་ནས་ཁྲག་ཆེན་འཐུང་། །རྟ་དང་མ་ཧེ་རུས་པ་ཡི། །ཕྲེང་བ་བཟུང་ནས་གསང་སྔགས་འདོན། །བཅོམ་ལྡན་འདས་ལ་ལྟ་བར་བྲི། །དེ་ལྟར་བྲིས་ནས་ཆང་དང་ཁྲག་།ཤ་ཆེན་གོ་རོ་ཙ
171b6 ནས་མཆོད། །མཉམ་གཞག་ལྷ་ཡི་དགེ་འདུན་དེས། །དུས་གསུམ་རྒྱུན་དུ་མཆོད་བྱེད་ན། །རྡོ་རྗེ་འཛིན་པ་མྱུར་དུ་འཐོབ། །སྐུ་ནི་རབ་ཏུ་སྦ་ཞིང་གསང་། །ཕན་ཡོན་དམ་པ་འདི་ལས་འབྱུང་། །དཔལ་རྡོ་རྗེ་འཇིགས་བྱེད་ཀྱི་རྟོག་པའི་རྒྱུད་ཀྱི་རྒྱལ་པོ་ལས་བྲིས་སྐུའི་ལེའུ་སྟེ
171b7 གསུམ་པའོ། ། །།དེ་ནས་ཡང་དག་བཤད་བྱ་བ། །རྟོག་པ་མ་ལུས་ཟད་བྱེད་ཅིང་། །ལས་རྣམས་ཐམས་ཅད་གྲུབ་འདོད་པས། །བློ་ལྡན་སེར་སྣ་རྣམ་སྤངས་ཏེ། །རྟུལ་ཕོད་གཡེང་བ་རྣམ་སྤངས་ནས། །སྦྱིན་སྲེག་ལས་ལ་རབ་བརྩོན་བྱ། །མཚལ་དང་བ
iiif viewer powered by OpenSeadragon
