| e-texts navigator |
| Wylie |
16b1 ནཱ་ག་བི་དཱ་ར་ཎཱ་ཡ་ཕཊ། ནཱ་གོ་ཏ་སཱ་ད་ནཱ་ཡ་ཕཊ། ནཱི་ལཱམ་བ་ས་ནཱ་ཡ་ཕཊ། ཨ་བྲ་ཏི་ཧ་ཧ་བ་ལ་པ་རཀྲ་མཱ་ཡ་ཕཊ། ཀྲྀ་ཏཱན་ཏཱ་ཡ་ཕཊ། ཀྲྀ་ཏཱན་ཏ་རཱུ་པཱ་ཡ་ཕཊ། རོཥ་ཎཱ་ཡ་ཕཊ། ཏྭཱ་ས་ནཱ་ཡ་ཕཊ། ཀུ་སྨཱཾ་ཌོཏྶཱ་ད་ནཱ་ཡ་ཕཊ། པྲེ་ཏ་པི་ཤཱ་ཙ་བི་ནཱ་ཤ་ཀ་རཱ་ཡ་ཕཊ། ཡཀྵ
16b2 ཨ་བསྨཱ་ར་བིནཱ་ཤ་ཀ་རཱ་ཡ་ཕཊ། ཧ་ས་ཧ་ས། དཱ་ར་དཱ་ར། མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་ཡ། སརྦ་བིགྷྣཱ~ཾ་བི་ནཱ་ཤ་ཀ་རཱ་ཡ་ཕཊ། སརྦ་ཤ་ཏྲུ~ཾ། ས~ཾ་གྷ། བི་ནཱ་ཤ་ཀ་རཱ་ཡ་ཕཊ། ནཱི་ལཱཾ་བ་ར་དྷ་ར་བཛྲ་པཱ་ཎི་རཱ་ཛྙཱ་པ་ཡ་ཏི་སྭཱ་ཧཱ། དེ་སྐད་ཅེས་བཀའ་སྩལ་མ་ཐག་ཏུ་དྲེགས
16b3 པ་ཅན་ཕལ་པ་དག་རི་མོ་བཞིན་གཡོ་བ་མེད་པར་གྱུར་ཏེ། བརྒྱལ་རབ་ཏུ་བརྒྱལ་བ་ལས་ཕྱིར་དྲན་པ་སངས་ནས་འདི་སྐད་ཅེས་གསོལ་ཏོ། །ཀྱེ་གསང་བའི་བདག་པོ་ཁྱོད་ནི་ཐུགས་རྗེའི་མངའ་བདག་ཀུན་གྱི་མགོན་དང་སྐྱབས་སུ་གྱུར་པ་ལགས་ན་བདག་ཅག་གི་སྡུག་བསྔལ་འདི
16b4 ལས་ཐར་བར་མཛད་དུ་གསོལ་ཞེས་གསོལ་ཏོ། །དེ་ནས་དྲེགས་པ་ཅན་དེ་དག་དམ་ལ་བཏགས་ཏེ་དབང་བསྐུར་དམ་ཚིག་ཕོག་ནས་བྱང་ཆུབ་ཏུ་སེམས་བསྐྱེད་དོ། །དཔལ་རྡོ་རྗེ་གཏུམ་པོ་ཐམས་ཅད་གསང་བའི་རྒྱུད་ལས་དྲེགས་པ་ཅན་ཕལ་བ་བཏུལ་བའི་ལེའུ་སྟེ་གཉིས
16b5 པའོ། ། །།དེ་ནས་འཇིག་རྟེན་གྱི་དྲེགས་པ་ཅན་དག་ཤིན་ཏུ་ཡང་དྲེགས་པར་གྱུར་པ་དག་འདི་ལྟ་སྟེ། ཀླུ་རྒྱལ་རིགས་ཀྱི་རྒྱལ་པོ་རྒྱ་མཚོ་ཞེས་བྱ་བ་དང་། རྗེའུ་རིགས་ཀྱི་རྒྱལ་པོ་ཀུན་ནས་གདུགས་ཞེས་བྱ་བ་དང་། བྲམ་ཟེའི་རིགས་ཀྱི་རྒྱལ་པོ་ཆུ་ལྷ་ཞེས་བྱ
16b6 བ་དང་། གདོལ་པའི་རྒྱལ་པོ་ཤུ་ལ་པུ་ཀ་ར་ཞེས་བྱ་བ་དང་། བདུད་ཀྱི་རྒྱལ་པོ་སྐོས་རྗེ་དྲང་དཀར་དང་། གཟའ་རྒོད་ཆེན་པོ་དང་། དཀར་པོ་དུང་གི་ཐོར་ཚུགས་ཅན་དང་། བཙན་གྱི་རྒྱལ་པོ་དམར་པོ་སྲོག་ལེན་དང་། གཤིན་རྗེའི་རྒྱལ་པོ་རྨིག་པ་དང་། མ་མོའི་རྒྱལ
16b7 མོ་མཁའ་དབྱིངས་ཀྱི་ཡུམ་དང་། གཤིན་རྗེའི་སྲིང་མོ་ཕུང་བྱེད་རེ་བ་ཏི་ལ་སོགས་པ་དང་། ཤིན་ཏུ་དྲེགས་པ་ཅན་གྱིས་འཇིག་རྟེན་ཕུང་བར་བྱེད་པ་དག་མ་ཐུལ་བ་ལས་ལོངས་སྤྱོད་རྫོགས་པའི་སྐུ་ལྔས་ཀྱེ་གསང་བའི་བདག་པོ་དྲེགས་པ་ཕོ་མོ་དག་ཐུལ་བར་མ་གྱུར་ཏེ།
iiif viewer powered by OpenSeadragon
