| e-texts navigator |
| Wylie |
16a1 བཀའ་བསྒོ་བ་སྟེ། ཀྱེ་གསང་སྔགས་དང་རིག་སྔགས་དང་གཟུངས་སྔགས་ཀུན་གྱི་བདག་པོ་ཞི་བས་མི་འདུལ་བའི་སེམས་ཅན་ལ་ཐམས་ཅད་ཁྲོས་པའི་ཚུལ་གྱིས་གདུལ་བར་གྱིས་ཤིག་ཅེས་བཀའ་སྩལ་ཏོ། །ོཾ་བཛྲ་པཱ་ཎི་ཀྲོ་དྷ་ཀྲོ་དྷ་ཧཱུ~ཾ་ཧཱུ~ཾ་ཞེས་ཆེད་དུ
16a2 བརྗོད་པ་ལན་གསུམ་ཆེད་དུ་བརྗོད་པ་ལས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་མཆེ་བ་གཙིགས་ཤིང་འཚམ་པ། མིག་མེ་མདག་གི་ཕུང་པོ་ལྟར་འབར་བ། དབུགས་དུར་ཁྲོད་ཀྱི་མེ་ལྕེ་ལྟར་འབར་བ། འཇིགས་པའི་ང་རོ་བསྐལ་བའི་དུས
16a3 མཐའ་ལྟར་སྒྲོགས་པ་ལག་པ་དང་རྐང་པ་ཀླུའི་རྒྱལ་པོ་ནོར་བུ་དང་ནོར་རྒྱས་ཀྱི་བུས་བརྒྱན་པ། ཀླུའི་རྒྱལ་པོ་ནག་པོ་དང་ཉེ་གནག་ནག་པོས་སེ་རལ་ཁར་བརྒྱན་པ། ཀླུའི་རྒྱལ་པོ་དགའ་བོ་དང་ཉེ་དགའ་བོ་འབར་བས་རྣ་ཆ་བྱས་པ། སྦྲུལ་གདུག་པ་འབར་བ་ཟ་བ། བཞིན
16a4 རྒྱས་པ། སྨིན་མ་སེར་ནག་དཔྲལ་བ་ལ་བསྡུས་པ། གཤིན་རྗེའི་ཆ་བྱད་ཅན། ལྕེ་གློག་ལྟར་འགྱུ་བ། གསུས་པོ་ཆེ་སྦྲུལ་ཟ་བ། ལག་པའི་ཐལ་མོ་བརྡབས་པའི་སྒྲས་འཇིགས་པར་བྱེད་པ། ཀླུའི་རྒྱལ་པོ་འདབ་སྐ་རགས་སུ་བཅིངས་པ། ཨ་ལ་ལ་ཞེས་འཇིགས
16a5 པར་བྱེད་པ། སྐྲག་པར་བྱེད་པ། རྒྱ་མཚོའི་ཟབས་སུ་དཔག་ཚད་བརྒྱད་ཁྲི་ཡོད་པ་རྐང་པའི་པུས་མོ་ཙམ་དུ་ཕྱིན་པ། དབང་པོ་དང་ཉི་མ་ཕྲག་པ་ལ་ཁུར་བ། ཀླུ་ཐམས་ཅད་རླག་པར་བྱེད་པ། ཧ་ལའི་གད་རྒྱངས་ཆེན་པོས་དགོད་པས་ཀུན་ཏུ་འཁྲུག་པར་བྱེད་པ། ཁམས
16a6 གསུམ་འཇིགས་ཤིང་སྐྲག་པར་བྱེད་པ། ཀླུ་རྣམས་འཆི་བར་བྱེད་པ་ཞིག་བྱུང་སྟེ། རང་གི་གཟུངས་སྔགས་འདི་ཆེད་དུ་བརྗོད་དོ། །ཏདྱ་ཐཱ། བྷོ་བྷོ་པཱ་ན་ནཱ་ག་ཨ་དྷི་བ་ཏ་ཡེ། ཨི་ནད་ནཱི་ལཱམ་བ་ར་དྷ་ར་ཤ་རཱི་རམ། བཛྲ་པཱ་ཎི་ཧྲྀ་ད་ཡ~ཾ། ཡཿས་མཱ་ཏི་ཀྲ་མ་ཐ། མཱ་ཀུ་ལ
16a7 ཨུད་སཱ་ད་ན~ཾ་བྷ་བི་ཥྱཾ་ཏི། ཏདྱ་ཐཱ། བུད་དྷ་བུད་དྷ་བི་བུད་དྷ་བི་བུད་དྷ། མཱ་ཏི་ཀྲ་མ་ཐ། ཧ་ར་ཧ་ར་ནཱ་གཱ་ནཱ~ཾ། པྲ་ཧ་ར་པྲ་ཧ་ར་ནཱ་གཱ་ནཱ~ཾ། ཙྪི་ད་ཙྪི་ད་ནཱ་ག་ཧྲྀ་ད་ཡཱ་ནི། བྷིན་ད་བྷིན་ད་ནཱ་ག་མརྨཱ་ཎི། བི་ཤཱིཪྻནྟུ་ནཱ་ག་ཤ་རཱི་རཾ། བི་སྥོ་ཊ་ཡ་ནཱ་ག་ན་ཡ་ནཱ་ནི། ཏདྱ་ཐཱ་ཧཱུ~ཾ་ཕཊ།
iiif viewer powered by OpenSeadragon
