| e-texts navigator |
| Wylie |
169b1 དང་ཧྲཱིཿཥྚྲཱིཿདབུས་སུ་དགོད། །ཎ་ཡོ་ནི་ར་རྩིབས་མཆན་ལ། །ཡུངས་ཀར་ཏིལ་དང་སྐགས་ཁུ་དང་། །རྟ་དང་མ་ཧེ་ར་ཁྱི་ཁྲག་།བྱ་རོག་འུག་པའི་སྒྲོ་ཡིས་བྲི། །ཡི་གེ་ཡ་ཡི་ལྟོ་བར་ཡང་། །མིང་དང་རུས་སུ་ལྡན་པར་བྲི། །ཕྱོགས་བཞིར་ཡི་གེ་བཅུ་པ་ནི། །མིང་དང་བཅས་པ་བྲི་བར་བྱ། །བརྒྱད་པོ་དག
169b2 ལ་རིམ་པ་བཞིན། །ཡི་གེ་འདི་དག་བྲི་བར་བྱ། །ོ~ཾ་མུ་ས་ལེ་ཙུརྞ་ར་ག་ཙ་ར་ན་ཙུ་ཤ་ན་ཧཱུ~ཾ་ཧཱུ~ཾ་ཧཱུ~ཾ་ཕཊ་ཕཊ་ཕཊ། ཡི་གེ་ཡ་ལ་བསྐོར་ནས་ནི། །བསྒྲུབ་བྱ་གཟུགས་དང་ལྡན་པར་བྲི། །དེ་ཡི་མུ་ཁྱུད་དག་ལ་ནི། །ཡི་གེ་བཅུ་པ་མིང་བཅས་བྲི། །ཕྱོགས་བཞིར་རྩེ་གསུམ་རྡོ་རྗེས་མཚན། །དེ་བཞིན་རྫས་རྣམས
169b3 མ་ལུས་པས། །འཁོར་ལོ་ལྟོ་བར་ལྡན་པ་བྲི། །གཤིན་རྗེའི་གཟུགས་ནི་རལ་གྲི་དང་། །དབྱུག་པ་འཛིན་པ་བྲིས་ནས་ནི། །དེ་དང་དེ་གཉིས་ལྟོ་སྦྱར་ལ། །མཚན་ངན་ཐོད་པའི་ནང་དུ་གཞུག་།ཚ་གསུམ་སྐེ་ཚེ་དུག་མུ་ཟི། །རོ་ཉེས་བཀང་ནས་དཀྱིལ་འཁོར་ནི། །གྲུ་གསུམ་དབུས་སུ་གཞག་པར་བྱ། །
169b4 ཡུངས་དང་བྲ་བོ་སཱ་ལུ་ནག་།ཛ་བྷི་བྲ་བོ་སོགས་རྣམས་ལ། །གསང་སྔགས་རྒྱལ་པོ་བརྗོད་བྱས་ཏེ། །དྲོའམ་དུ་བ་འཐུལ་བར་དུ། །རིམས་དང་རིམས་ཀྱི་ཁྲག་རྣམས་ནི། །མ་ལུས་ཟད་པར་འཐུང་བ་ཡིས། །མ་ཡེངས་པར་ནི་བསམ་གཏན་བྱ། །ཡང་ན་བསྒྲུབ་བྱ་ཟ་བར་མཐོང་། །ཤིང་གཅིག་རྩར་ནི
169b5 རེངས་པ་དང་། །མལ་གྱི་འོག་ཏུ་ཞ་ཞིང་ལྐུགས། །ཆུ་མདོར་འབྱེད་ཅིང་རི་རྩེར་བསྐྲད། །གསད་པ་མེ་ཐབ་འོག་ཏུ་སྦ། །དགུག་པ་ལ་ནི་སྒོ་ཁང་འོག་།ལྷ་འམ་འཁོར་ལོ་སྒྱུར་བའོ། །བདེ་གནས་རྣམས་ཀྱིས་དབང་དུ་འགྱུར། །མར་ཁུ་ཆེན་པོ་ཐོད་པ་ཡི། །ནང་དུ་བླུགས་ནས་བསྐོལ་བྱས་ཏེ། །བཞར་བས
169b6 མིག་ལ་བྱུག་བྱེད་ན། །མངོན་ཤེས་དེ་ཉིད་མྱུར་དུ་འཐོབ། །རིགས་ལྡན་རྒྱལ་པོ་ལས་རྙེད་ཅིང་། །མདོག་ལྡན་ལང་ཚོ་གསར་བཀུག་ལ། །ཙནྡན་ལྡེ་གུ་མང་བྱས་ཏེ། །ལས་ཀྱི་སྦྱོར་བས་དེ་ཉིད་བཅིང་། །ཡང་ན་མེ་ལ་གདུང་བས་འགྲུབ། །ོ~ཾ་བཛྲ་ཀྲོ་དྷ་ཡ་མ་རཱ་ཛཿབཛྲ་ཀཱི་ལི་ཀཱི་ལ། ཧཱ་ན་ཧ་ན་མཱ་ར་ཡ་ཕཊ།
169b7 ཅེས་བྱའི་གསང་སྔགས་བརྗོད་བྱས་ལ། །རུས་པའི་ཕུར་བས་གདབ་པར་བྱ། །གསལ་ཤིང་ལ་བཙུགས་སྐྱེས་བུ་ཡི། །རྫས་ལ་བརྟེན་ཏེ་བསྒྲུབ་པར་བྱ། །ཏིལ་མར་བྱུགས་ལ་ཐོད་པས་བཞར། །མར་མེར་བྱས་པའི་དུད་པ་ཡིས། །མིག་རྣོན་དག་ནི་འགྲུབ་པར་འགྱུར། །གསང་སྔགས་རྒྱལ
iiif viewer powered by OpenSeadragon
