| e-texts navigator |
| Wylie |
169a1 གུར་གུམ་གི་ཝང་དྲི་རྣམས་ཀྱིས། །མཆོད་རྟེན་རིམ་པ་ལྔར་ལྡན་ཞིང་། །གདུགས་དང་འཁོར་ལོ་ལྡན་པར་བྱ། །སྒྲུབ་པ་པོ་ཡི་མིང་དང་རུས། །དེ་ཡི་བུམ་པའི་ནང་དུ་བྲི། །ཡེ་དྷརྨཱ་ལ་སོགས་པ་ཡི། །སྔགས་ཀྱིས་གཡོན་ནས་བསྐོར་བར་བྲི། །ཅིག་ཤོས་གཡས་ནས་གཡོན་དུ་བྲི། །
169a2 དེ་ལ་སྤེལ་ཚིག་མང་པའམ། །ཡང་ན་འཁོར་ལོའི་བར་དུ་གཞག་།འཁོར་ལོ་ཀུན་ལ་ཁ་སྦྱོར་གནད། །རབ་ཏུ་གནས་པར་བྱས་ནས་ཀྱང་། །ལུས་སམ་མགུལ་ལམ་གང་བདེར་གཞག་།དེས་ནི་གདོན་དང་བྱད་སྟིམས་དང་། །རིམས་དང་ཡམས་རྣམས་སེལ་བར་བྱེད། །གང་ཞིག་ཡུལ་རྣམས
169a3 གཞོམ་འདོད་ན། །ཧུ~ཾ་གི་ས་བོན་དང་ལྡན་པར། །མིང་ཡིག་ཙམ་པོ་བྲི་བར་བྱ། །སོ་ཕག་ཕྱེ་མ་ལྡོང་རོས་དང་། །བ་བླ་མ་ཧེའི་ཁྲག་གིས་བརྫིས། །ཟླ་གམ་གཉིས་པའི་གཟུགས་བྱས་ཏེ། །བར་དུ་གང་འདོད་བསྒྲུབ་བྱ་ཡི། །གཟུགས་བརྙན་སོར་བརྒྱད་པ་ཡི་ཚད། །བྱས་ལ་གན་རྐྱལ་དུ་གཞག་ལ། །
169a4 མ་ཧེ་གདོང་གི་སྦྱོར་བ་ཡིས། །ཁྲི་ཕྲག་གཅིག་ཏུ་སྔགས་བཟླས་ནས། །དུམ་བུ་དུམ་བུར་གཏུབས་བྱས་ཏེ། །ཆུ་བོའི་གཞུང་དུ་དོར་བྱས་ན། །སྐད་ཅིག་དེ་ལ་དེ་དབང་འགྱུར། །བྱ་རོག་འུག་པའི་གཟུགས་བྱས་ཏེ། །མ་ནུ་མ་ལི་རོ་ཙ་ནས། །ཁྱོ་ཤུག་བསྒྲུབ་བྱའི་མིང་བྲིས་ཏེ། །གཤིན་རྗེའི་ཕྱོགས་བལྟས
169a5 གསང་སྔགས་གདོན། །རྐང་པ་གཡོན་པས་མནན་ནས་ནི། །མི་ཡི་རྗེ་ངར་ཕུར་པས་གདབ། །སྐད་ཅིག་ཙམ་ལ་དེ་དག་དབྱེ། །དེ་ནས་འདིར་ནི་བསད་པ་ཡི། །ཆོ་གའི་རིམ་པ་བཤད་པར་བྱ། །ཞལ་དྲུག་ཕྱག་དྲུག་ཞབས་དྲུག་གམ། །ཡང་ན་ཞལ་གཅིག་ཕྱག་བཞིའམ། །ཞལ་གཅིག་ཕྱག་གཉིས
169a6 པ་ཡང་རུང་། །མ་ཧེའི་གདོང་གི་སྦྱོར་བ་ཡིས། །ཁྲག་རྣམས་སྣ་ཚོགས་ཐ་དད་དང་། །བསྒྲུབ་བྱའི་རྗེས་དང་དུག་གི་རིགས། །རྟ་དང་མ་ཧེ་བོང་བུའི་ཆུས། །སྦྲུས་པའི་བསྒྲུབ་བྱའི་ལིང་ག་བྱ། །ལུས་ལ་ཚེར་མས་གཟུགས་བྱ་ཞིང་། །ཏིལ་མར་གྱིས་ཀྱང་བསྐུ་བར་བྱ། །ཡང་ནི་ཤིང་ལོ་གྲོ་གའམ། །
169a7 དུར་ཁྲོད་རས་སམ་ཤུན་པ་ལ། །རང་ཉིད་གཅེར་བུ་སྐྲ་བཤིག་ནས། །ལུས་ནི་ཐལ་བས་བྱུགས་བྱས་ཏེ། །མངོན་སུམ་ཁྲོས་ནས་ཤ་ཆེན་བཟའ། །རབ་ཏུ་ཞིམ་པའི་ཆང་འཐུང་ཞིང་། །ནག་པོའི་ཆོས་ཀྱི་མཚན་ཕྱེད་དུས། །འཁོར་ལོ་བྲི་བ་བརྩམ་པར་བྱ། །ལེ་ཚེ་བཅུ་གཉིས་འཁོར་ལོ་ནི། །ཧཱུ~ཾ
iiif viewer powered by OpenSeadragon
