| e-texts navigator |
| Wylie |
168b1 བོ་འཆང་ལ་རབ་དགའ་ཞིང་། །ཤ་ཆེན་རྟག་ཏུ་མུར་བྱེད་ན། །ལས་རྣམས་དེ་ཡིས་མྱུར་དུ་འགྲུབ། །སྐུ་ནི་དུ་མ་འཕྲོ་བྱེད་ཅིང་། །སྐུ་ལ་སྐུ་རྣམས་ངེས་ཐིམ་བྱེད། །ཐམས་ཅད་སྒྱུ་མ་ཉིད་ཤེས་པས། །འཇིག་རྟེན་རྣམས་སུ་ཡིད་སད་བྱེད། །ཁོང་སྟོང་རྩ་ནི་ཀ་བ་སྟེ། །རྒྱུན་དུ་བྱང་ཆུབ་སེམས
168b2 འཛག་བྱེད། །ཆུ་སྐྱེས་དམར་པོ་ཁ་སྦྱར་གཉིས། །ཡན་ལག་གཉིས་ཀྱིས་ལེགས་པར་བཅུན། །ཤེས་པ་འཕེལ་བ་མེ་དང་རླུང་། །ཉི་མ་ཟླ་བ་ཐབས་ལྡན་དང་། །ཤེས་རབ་ལྡན་པར་ཤེས་པར་བྱ། །གཉིས་པོ་དེ་ཉིད་རྣམ་སྤངས་ན། །ཁོང་དུ་ཆུད་པར་མི་འགྱུར་རོ། །ཆུ་སྐྱེས་ཁ་སྦྱོར་ལ་བརྟེན་ཏེ། །
168b3 གསུམ་གནས་པ་ཡི་ཏིང་འཛིན་ལ། །རྡོ་རྗེ་ཆོས་ཀྱིས་རྒྱས་བཏབ་པའི། །ཐབས་དང་ཤེས་རབ་གྲོལ་བའི་རྒྱུ། །བློ་ལྡན་འབད་པས་ཤེས་པར་འགྱུར། །དེ་ཕྱིར་དེ་ལ་བརྩོན་པར་བྱ། །ཆོས་རྣམས་ཆོས་ཉིད་དབྱེར་མེད་པས། །སྟོང་པ་ཉིད་ཀྱི་ཡེ་ཤེས་ཆེ། །མི་ཤིགས་རྟོག་བྲལ་མཚན་མ་མེད། །བདེ་ཆེན
168b4 ཡེ་ཤེས་རྡོ་རྗེའི་སྐུར། །ཡེ་ཤེས་མི་རྟོག་རྟོག་པ་བྲལ། །རྟོག་པའི་མཚན་མ་ཐམས་ཅད་སྲེག་།སྤྲོས་པའི་མཚན་མ་མཐའ་དག་ནི། །ཇི་སྙེད་སྒྱུ་མའི་རྣམ་པ་ཤེས། །དེ་ཉིད་ཤེས་ནས་གྲོལ་བའོ། །མི་ཤེས་པས་ནི་ཕྱིར་ཞིང་འཁོར། །འཇིག་རྟེན་སྐྱེ་བོ་བློ་ལྡན་འགས། །ངེས་པར་རྟོག་པ་ཐབས་ཀྱི
168b5 མཆོག་། སྡུག་བསྔལ་ཆེན་པོ་རབ་འཇིགས་ནས། །བདེ་བ་འདོད་པས་ནན་ཏན་བྱ། །དཔལ་རྡོ་རྗེ་འཇིགས་བྱེད་ཀྱི་རྟོག་པའི་རྒྱུད་ཀྱི་རྒྱལ་པོ་ལས། །ཐབས་དང་ཤེས་རབ་ཀྱི་བསམ་གཏན་བསྟན་པའི་ལེའུ་སྟེ་དང་པོའོ།། །།དེ་ནས་ཡང་དག་བཤད་བྱ་བ། །སྔགས་གྲུབ་པ་ལས་བྱུང་བ་ཡི། །ལས
168b6 རྣམས་འདིར་ནི་ཤེས་བྱ་སྟེ། །དེར་ནི་ལྷ་ཡི་སྐུ་ཡང་སྦྱར། །ཞི་སོགས་བཟླས་པའི་རིམ་པ་ལ། །རྡོ་རྗེའི་དབུས་སུ་རྡོ་རྗེ་ནི། །ཉི་ཟླ་ལ་བརྟེན་ཡི་གེ་ཡི། །ཕྲེང་བ་ཁ་དོག་ལྔར་ཤེས་པ། །སྐྱེན་བུལ་སྤངས་ནས་བཀླག་པ་ནི། །མཁས་པས་བཟླས་པའི་རིམ་པའོ། །དྲག་པོའི་ལས་རྣམས་སྒྲུབ་པ་ལ། །
168b7 ཉོན་མོངས་གཅོད་པའི་འཁོར་ལོ་ནི། །སེར་པོ་རྩེ་རྩིབས་བཅུ་བ་ལ། །འོད་ཟེར་སྣ་ཚོགས་འཕྲོ་བ་བསམ། །ཞི་བར་འདོད་པའི་སྐྱེས་བུ་དེས། །སེམས་ནི་ཡང་དག་མཉམ་གཞག་ནས། །སྔགས་ཀྱི་འོད་ཀྱང་འགྲོ་གཞན་ལ། །ཕན་པའི་ཡིད་དང་ལྡན་པར་བྱ། །གྲོ་ག་རས་དང་ཤིང་ཤུན་ལ། །
iiif viewer powered by OpenSeadragon
