| e-texts navigator |
| Wylie |
168a1 ཞི་དང་རྒྱས་དང་དབང་མངོན་སྤྱོད། །གསོད་དང་སྐྲོད་དགུག་དབྱེ་དང་། །དམན་པར་བྱེད་དང་རྒྱལ་སྲིད་སོགས། །ཐོབ་པ་ཉིད་ལ་ཐེ་ཚོམ་མེད། །དུར་ཁྲོད་ཚང་ཚིང་ཁྲོན་ངོགས་རྩུབ། །ཤིང་གཅིག་ཁང་སྟོང་མཚན་གཅིག་དབེན། །གང་འདོད་གནས་སུ་བསམ་གཏན་བརྩམ། །
168a2 དེ་ནས་བཅོམ་ལྡན་འདས་འཕྲུལ་བ་ཐམས་ཅད་ལ་ཁྱབ་པ་མེ་ལོང་ལྟ་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །སྐུ་དང་ཡེ་ཤེས་ཐམས་ཅད་ལ་ཁྱབ་པར་བྱ་བའི་ཕྱིར། །སྐུ་མདོག་དཀར་པོ་ཞལ་ལྔ་དང་ལྡན་པར་བྱས་ནས། །འཇིག་རྟེན་པ་ཐམས་ཅད་ལ་གཟིགས་ནས། །རང་གི་རིགས་ཀྱི
168a3 ཡི་གེ་ཉིད་བརྗོད་པས། སྐུ་དང་གསུང་དང་ཐུགས་དང་ཡོན་ཏན་དང་། ཕྲིན་ལས་དང་། ཡེ་ཤེས་ཀྱང་གཅིག་གི་ངོ་བོར་སྤྲུལ་པའི་སྐུར་གྱུར་ཏོ། །ཀྱེ་མ་བཅོམ་ལྡན་རྡོ་རྗེ་ཆེ། །དོན་རྣམས་བསྐྱེད་པ་ཡང་ཉིད་དོ། །མཁའ་དཀྱིལ་འོད་ཀྱིས་འགེངས་འགྱུར་བ། །སླར་ཞིང་ཁ་དོག་ལྔ་ལྡན་པ། །
168a4 ས་བོན་སྔགས་ཀྱིས་བསྐུལ་བ་ཡི། །འོད་ཀྱི་རྩེ་ཕྲག་ཐུབ་པའི་སྐུ། །ཀུན་ཀྱང་སངས་རྒྱས་གནས་ལས་སྐྱེས། །རང་ལ་ཞུགས་པས་སྐུ་རྫོགས་འགྱུར། །ཞལ་དྲུག་ཁྲོ་གཉེར་རབ་བརྗིད་པ། །མ་ཧེའི་ཞལ་ལྡན་སྟེང་གནས་པ། །འཇམ་དཔལ་ཞལ་ནི་འཛུམ་བཅས་བཞུགས། །ལྷག
168a5 མ་དམར་དང་སེར་དང་སྔོ། །དུ་བའི་མདོག་མཚུངས་གྱེན་སྐྲར་ལྡན། །ཐོད་པ་སྐམ་རློན་རྒྱུ་མ་སྦྲུལ། །རུས་པ་རྡོ་རྗེའི་ཕྲེང་བས་བརྒྱན། །གླང་ཆེན་སྟག་ལྤགས་གྱོན་ནས་ནི། །ཧཱུ~ཾ་ཕཊ་གླུར་ལེན་མོ་ཅན། །ནམ་མཁའི་ལུས་ཅན་ཁྲོ་བོའི་སྤྲིན། །ཡང་དང་ཡང་དུ་སྤྲོ་བྱེད་པའི། །ཕྱག་དྲུག་རབ
168a6 ཏུ་བརྗིད་པ་སྟེ། །དབྱུག་པ་ཐོ་བ་གཏུན་ཤིང་དག་།གཡས་པའི་ཕྱག་གིས་རིམ་བཞིན་འཛིན། །དགྲ་སྟ་དང་ནི་ལྕགས་ཀྱུ་དང་། །ཞགས་པ་གཡོན་པའི་ཕྱག་གིས་འཛིན། །པདྨ་ཉི་མ་མ་ཧེ་དང་། །གཤིན་རྗེའི་སྟེང་ན་འགྱིང་བག་ཅན། །ཞབས་དྲུག་གཡོན་བརྐྱང་གར་གྱིས་གནས། །འཇིག
168a7 རྟེན་བདག་པོ་མཐར་མཛད་པའོ། །དེ་ལྟར་གང་ཞིག་དད་པ་དང་། །བློ་ལྡན་གཡོ་སྒྱུ་རབ་སྤངས་ཤིང་། །ལེགས་པར་དབང་རྣམས་ཐོབ་བྱས་ནས། །རྡོ་རྗེ་སློབ་དཔོན་མཉེས་བྱེད་པས། །ཡང་ནས་ཡང་དུ་དྲན་བྱེད་ན། །བརྟན་པ་ཆེན་པོ་ཐོབ་པར་འགྱུར། །ལྷ་ཡི་དགེ་འདུན་ང་ལ་ཉོན། །དཔའ
iiif viewer powered by OpenSeadragon
