| e-texts navigator |
| Wylie |
167b1 དེ་ལ་དངོས་གྲུབ་རིང་བར་བཤད། །བླ་མས་མན་ངག་སྦས་བྱས་ཀྱང་། །སློབ་མ་ཡིད་གཉིས་མི་ཟ་ཞིང་། །བླ་མའི་མན་ངག་དམ་པ་ཞེས། །གཅེས་སྤྲས་བྱས་ན་འགྲུབ་པར་ངེས། །དེ་ཡི་ཕྱིར་ན་སྔགས་པ་ཡིས། །རང་གི་ཡིད་གཉིས་སྤང་བའི་ཕྱིར། །བླ་མ་མཉེས་པར་བྱ་བ་གཅེས། །
167b2 བསྙེན་བཀུར་བྱས་ན་ནུས་མཐུ་ཆེ། །གསང་སྟེ་བརྗོད་པས་བར་ཆད་མེད། །ཡོན་ཆེན་ཕུལ་བ་བྱས་པས་ནི། །རང་སེམས་རིན་ཆེན་རྣམ་གཉིས་འགྱུར། །རིན་ཆེན་གཉིས་ལས་གྲུབ་པ་འབྱུང་། །དཀོན་པར་གྱུར་པས་བསྔགས་པ་བརྗོད། །བསྔགས་ན་ཡོན་ཏན་འབྱུང་འགྱུར་ཏེ། །
167b3 བསྔགས་པ་དག་ནི་མ་བྱས་ན། །ཇི་ལྟར་ཡིད་བཞིན་ནོར་བུ་ཡང་། །གང་གིས་བསྔགས་པ་མ་བྱས་པ། །དེ་ལ་འདོད་དོན་མི་སྟེར་རོ། །དད་པ་སངས་རྒྱས་དད་བ་ཆོས། །དད་པ་དགེ་འདུན་དད་པ་མ། །དད་པ་བླ་མ་དད་པ་ཕ། །དད་པ་ལམ་ཆེན་དད་པ་གྲུ། །དད་པ་ཡིད་བཞིན
167b4 ནོར་བུ་སྟེ། །དད་པ་གསང་སྔགས་དངོས་གྲུབ་ཉིད། །དད་པ་བསོད་ནམས་ནོར་ཉིད་དེ། །དེ་ཡི་ཕྱིར་ན་སྔགས་པ་ཡིས། །རང་སེམས་དད་པ་བསྐྱེད་པའི་ཕྱིར། །གཞན་ལ་གུས་པས་མཆོག་ཏུ་བཀུར། །དཔལ་གཤིན་རྗེའི་གཤེད་ནག་པོའི་འཁོར་ལོ་བསྐོར་བའི་ཆོ་ག་ལས། །ལས
167b5 ཀྱི་རྒྱུད་དང་གྲོགས་བསྟེན་པའི་རྟོག་པ་སྟེ་གསུམ་པའོ། ། །།དཔལ་གཤིན་རྗེའི་གཤེད་ནག་པོའི་རྒྱུད་རྟོག་པ་གསུམ་པ་རྫོགས་སོ།། @##། །རྒྱ་གར་སྐད་དུ། ཤྲཱི་བཛྲ་བྷཻ་ར་བ་ཀལྤ་ཏནྟྲ་རཱ་ཛ། བོད་སྐད་དུ། དཔལ་རྡོ་རྗེ་འཇིགས་བྱེད་ཀྱི་རྟོག་པའི
167b6 རྒྱུད་ཀྱི་རྒྱལ་པོ། ངག་གི་དབང་ཕྱུག་ལ་ཕྱག་འཚལ་ལོ། །དེ་ནས་འདིར་ནི་བཤད་བྱ་བ། །ཇི་ལྟར་འགྲོ་རྣམས་ཟད་བྱེད་ཅིང་། །སྡུག་བསྔལ་རྣམ་ཐར་བྱེད་པ་ཡི། །སྒྲུབ་པའི་ཐབས་ཆེན་མཆོག་གྱུར་པ། །གསང་སྔགས་དེ་ལས་འབྱུང་བར་འགྱུར། །དང་པོར་རྣམ་པར་སྣང་མཛད་དེ། །དེ་དང་ཉེ་བར་ངག
167b7 དབང་ཕྱུག་། རྡོ་རྗེས་འཁོར་ལོ་སྒྱུར་བའོ། །གདོན་གྱི་བདག་དང་འབྱུང་པོའི་རྗེ། །མི་ཡི་ས་བོན་གཉིས་ལྡན་བྱ། །མཆོད་རྟེན་སྲེག་བྱེད་མཐའ་དང་བཅས། །གཞན་དུ་ཤེས་པར་མི་འགྱུར་ཏེ། །རྡོ་རྗེ་ཅན་གྱི་མཁའ་ལ་གནས། །ཡི་གེ་འབུམ་ཕྲག་ཁྲི་བརྗོད་ན། །ཉམས་པ་ཐམས་ཅད་སེལ་བྱེད་ཅིང་། །
iiif viewer powered by OpenSeadragon
