| e-texts navigator |
| Wylie |
163b1 བཟླས་པ་དང་། སྨྲ་བ་གཞན་སུ་ལ་ཡང་འགའ་ཙམ་ཡང་མི་སྨྲ། གལ་ཏེ་སྨྲས་ན་དཔལ་རྡོ་རྗེ་འཇིགས་བྱེད་དང་། གཞན་ཡང་རྣལ་འབྱོར་མ་རྣམས་དང་། མཁའ་འགྲོ་མ་རྣམས་ཀྱིས་ཟའོ། །དམ་ཚིག་ཉམས་པར་འགྱུར་བས། དེའི་ཕྱིར་སྔགས་པས་སུ་ལ
163b2 ཡང་མི་སྦྱིན་ནོ། །དེ་ནས་དམ་ཚིག་མཉམ་པ་དང་། རྣམ་པར་རྟོག་པ་མེད་པ་དང་། དམ་པའི་བརྟུལ་ཞུགས་ཅན་དཔའ་བོ་བླ་མ་ལ་གུས་པ་དུལ་བ་ཅན། དེ་བཞིན་གཤེགས་པའི་བསྟན་པ་ལ་ངེས་པར་འཛིན་པ། རྒྱུད་སྦས་པ། མི་ཁྲོ་བ་སྙིང་རྗེ་དང་ལྡན་པ། བཟླས
163b3 པ་དང་བསམ་གཏན་ལ་ཕྱོགས་པ། རྣམ་པར་སྨིན་པ་ལ་འཇོམ་པ། འདི་ལྟ་བུའི་ཡོན་ཏན་ཁྱད་པར་ཅན་ནི་སློབ་མ་བཟང་པོ་སྟེ། དཀྱིལ་འཁོར་དམ་པ་དཔལ་རྡོ་རྗེ་འཇིགས་བྱེད་ཆེན་པོ་ལ་མཆོག་ཏུ་གུས་པ། སྙིང་རྗེ་ཆེན་པོས་ཡིད་བརླན་པ། རྣམ་པར་རྟོག་པ་མེད་པ།
163b4 མཆོག་ཏུ་བླ་མ་ལ་གུས་པ། རབ་ཏུ་བརྟག་པ་ལ་ཤིན་ཏུ་རྣམ་པར་བསམས་ཏེ། བླ་མས་དེ་ལྟ་བུའི་སློབ་མ་ལ་དཔལ་རྡོ་རྗེ་འཇིགས་བྱེད་ཆེན་པོའི་རྒྱུད་སྦྱིན་ནོ། །སྔགས་པས་གཞན་ལ་བྱིན་ན་དེ་དང་སློབ་མར་བཅས་ནས་དམྱལ་བར་འགྲོ་བར་ཐེ་ཚོམ་མེད་དོ། །འཇིག
163b5 རྟེན་འདིར་ནི་འཇིགས་པ་ཆེན་པོར་འགྱུར་རོ། །འཇིག་རྟེན་ཕ་རོལ་ཏུ་ནི་དམྱལ་བར་འགྲོའོ། །དམ་ཚིག་ཀྱང་ཉམས་པར་འགྱུར་རོ། །འདི་ནི་འཇམ་དཔལ་ཞེས་བྱ་བ། དཔལ་རྡོ་རྗེ་འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས་བསམ་གཏན་གྱི་ལས་བསྒྲུབ་པ
163b6 བརྟག་པའི་རྟོག་པ་སྟེ་བདུན་པའོ། ། །།དཔལ་རྡོ་རྗེ་འཇིགས་བྱེད་ཆེན་པོའི་འཁོར་ལོའི་རྒྱུད་འབུམ་པ་ནས་བཏུས་ནས་ཕྱུང་བ་རྟོག་པའི་ཕྱོགས་བཀླགས་པས་འགྲུབ་པ། དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་གྱི་དངོས་གྲུབ་འགྲུབ་པའི་རྟོག་པ་རྫོགས
163b7 སོ། ། །།དཔལ་ཨོ་ཌྱན་གྱི་གནས་ཆེན་པོ་ནས་དཔལ་འཇམ་དཔལ་གྱི་རྒྱུད་ལས་ཕྱུང་བ་རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་འཇིགས་བྱེད་ཆེན་པོ་ཞེས་བྱ་བ། བླ་མ་དམ་པའི་དཀྱིལ་འཁོར་ཆེན་པོའི་སློབ་དཔོན་དཔལ་ལཱ་ལི་ཏ་བཛྲས་བཏོན་ནས་མཛད་པ་རྫོགས
iiif viewer powered by OpenSeadragon
