| e-texts navigator |
| Wylie |
162b1 རྒྱབ་ཏུ་གཤིན་རྗེ་རྣམ་པར་བསམ་པར་བྱ་སྟེ། ལག་པ་ཐོ་བ་ཐོགས་པ་བསྒྲུབ་བྱའི་སྐྲ་བཟུང་བ་དེ་ལ་མ་ཧེའི་གདོང་ཅན་གྱིས་བཀའ་བསྒོ་སྟེ། ཁ་ལྷོ་རུ་བལྟས་ནས་སོང་བར་བསམ་པར་བྱ་སྟེ། རྩེ་གཅིག་པའི་སྦྱོར་བས་བསམ་པར་བྱས་ན། རྩེ་གཅིག་པའི་སྦྱོར་བ་དེས་ཞག
162b2 བདུན་གྱིས་སྐྲོད་པར་འགྱུར་རོ། །དེ་ནས་འགུགས་པར་བྱེད་པར་འདོད་ན་ཡི་གེ་ཡ~ཾ་ལས་བྱུང་བའི་རླུང་གི་དཀྱིལ་འཁོར། དེའི་སྟེང་དུ་ཨ་ལས་བྱུང་བའི་ཟླ་བའི་དཀྱིལ་འཁོར་དེའི་སྟེང་དུ་གཤིན་རྗེའི་གཟུགས་ལྕགས་ཀྱུ་དང་ཞགས་པ་ལག་ཏུ་ཐོགས་པ་རྣམ་པར་བསམ་མོ། །
162b3 མ་ཧེའི་གདོང་པའི་རྣལ་འབྱོར་ལ་གནས་པས་དེ་ལ་བཀའ་བསྒོ་བ། གཤིན་རྗེ་སོང་ལ་ཡུལ་ཆེ་གེ་མོ་ནས་བུ་མོ་ཆེ་གེ་མོ་མྱུར་བར་ཁུག་ཅིག་།དེ་སྐད་བསྐུལ་བས་ཡ~ཾ་གི་རྣམ་པར་བསྐྱོད་དེ་སོང་བར་རྣམ་པར་བསམ་པར་བྱའོ། །བསམ་གཏན་འདིའི་རབ་ཏུ་སྦྱོར་བ་ལ་གནས་པའི
162b4 སྔགས་པས་ཁམས་གསུམ་དུ་གཏོགས་པའི་བུད་མེད་བཀུག་ལ་རོལ་པར་བྱའོ། །ཇི་ལྟར་བསམ་པ་བརྟན་པར་གྱུར་ན་འདིའི་རབ་ཏུ་སྦྱོར་བས་དེ་དག་བྱའི་གཞན་གྱིས་མི་བྱའོ། །དེ་ནས་སྦྲུལ་གྱིས་ཟིན་པ་བླང་བའི་རབ་ཏུ་བྱེད་པ་གསུངས་ཏེ། རང་གི་སྙིང་གར་པདྨ་དཀར
162b5 པོ་འདབ་མ་བརྒྱད་པ་རྣམ་པར་བསམ་མོ། །དེའི་སྟེང་དུ་དབྱངས་ཡིག་གསུམ་པ་འདབ་མར་ཕཊ་བརྒྱད་རྣམ་པར་བསམ་མོ། །དེ་ཡིས་ནི་འོག་གི་ཀླུའི་གཟུགས་རྣམ་པར་བསམ་པར་བྱ་སྟེ། དེའི་སྤྱི་བོར་ཡི་གེ་ཨི་ཁ་དོག་དཀར་པོ་ལས་བདུད་རྩི་འཛག་པ་བསམ་པར་བྱའོ། །ཀླུ
162b6 དེའི་མིག་རྣམས་ནས་བདུད་རྩི་འཕྲོས་ནས་བསྒྲུབ་བྱ་དེའི་ལུས་ལ་ཐིམ་པར་བསམ་པར་བྱ་སྟེ། བསམ་གཏན་འདིའི་སྦྱོར་བས་ཁམས་གསུམ་ཡོངས་སུ་གང་བའི་དུག་ཀྱང་མེད་པར་འགྱུར་རོ། །དུག་ཁུར་སྟོང་ཡང་ཟ་ནུས་སོ། །དེ་ནས་ཞུ་བའི་བསམ་གཏན་གྱི་རབ་ཏུ་སྦྱོར་བ
162b7 འབྱུང་སྟེ། བསྒྲུབ་བྱ་མདུན་དུ་བསམ་སྟེ། དེའི་རྐང་པ་གཉིས་ལ་ཡི་གེ་ཡ~ཾ་ལས་གྱུར་པའི་རླུང་གི་དཀྱིལ་འཁོར་བསམ་པར་བྱ། དེའི་སྟེང་དུ་གསང་བའི་གནས་སུ་མེའི་དཀྱིལ་འཁོར་གྲུ་གསུམ་ཁ་དོག་དམར་པོ་རཾ་གྱིས་བྱིན་གྱིས་བརླབས་པ་བསམ་པར་བྱའོ། །དེའི་སྟེང་དུ་སྙིང
iiif viewer powered by OpenSeadragon
