| e-texts navigator |
| Wylie |
162a1 དཀྱིལ་འཁོར་གྱི་དབུས་སུ་བསྒྲུབ་བྱ་ངུ་བར་བསམས་ལ། དེའི་མདུན་དུ་སྲིན་པོ་མང་པོ་བསམ་པར་བྱ་སྟེ། སྲིན་པོ་དེ་དག་ཐ་དད་པའི་ལུས་ཅན་མ་རུངས་པ། ཤིན་ཏུ་གཏུམ་པར་ཤ་ཟ་བ་དང་། ཁྲག་འཐུང་བར་རྣམ་པར་བསམ་པར་བྱའོ། །གཞན
162a2 ཡང་རྣམ་པ་སྣ་ཚོགས་པའི་བྱ་རྣམས་ཏེ། བྱ་རྒོད་དག་དང་། བྱ་རོག་དང་། འུག་པ་དང་། ཝ་རྣམས་དང་། ཁྱི་རྣམས་ཀྱིས་ཤ་ཟ་བ་དང་། ཁྲག་འཐུང་བར་རྣམ་པར་བསམ་པར་བྱ་སྟེ། བསམ་གཏན་འདིའི་རབ་ཏུ་སྦྱོར་བས་ཐེ་ཚོམ་མེད་པར་འཆིའོ། །དཔག་ཚད་བརྒྱན
162a3 གནས་པའི་སྐྱེས་བུ་ཡང་སེམས་ཀྱིས་བཟུང་བས་བསམ་གཏན་བརྩམ་མོ། །སྔགས་པས་བསམ་གཏན་བརྟན་པར་བྱའོ། །དེ་ནས་དབྲལ་བར་འདོད་ན་མ་ཧེའི་སྙིང་གར་བསྒྲུབ་བྱ་བསམ་པར་བྱ་སྟེ། བསྒྲུབ་བྱ་གཞན་རྟའི་སྙིང་གར་རྣམ་པར་བསམ་པར་བྱའོ། །རྟ་དང
162a4 མ་ཧེ་གཉིས་ཕན་ཚུན་འཐབ་པར་བྱེད་པར་བསམ་སྟེ། ཇི་སྲིད་དུ་རྟ་དང་མ་ཧེ་གཉིས་ཕྱེ་བར་མ་གྱུར་གྱི་བར་དུའོ། །ཕྱི་ནས་བསྒྲུབ་བྱ་དེ་གཉིས། རབ་ཏུ་མི་མཛའ་བར་བསམ་པར་བྱ་སྟེ། བསམས་པ་ཙམ་གྱིས་ཉི་མ་བདུན་གྱིས་ངེས་པར་འཐབ་པར་འགྱུར་ཏེ། གཞན་དུ་མ
162a5 ཡིན་ནོ། །དེ་ནས་བསྐྲད་པར་འདོད་ན་དེ་རུ་ཡ~ཾ་ལས་ཡོངས་སུ་གྱུར་བའི་རྔ་མོ་བསམ་པར་བྱ་སྟེ། ཡ~ཾ་དེའི་རྒྱབ་ཏུ་ཡ~ཾ་གི་རྣམ་པ་ལས་གྱུར་པའི་རླུང་གི་དཀྱིལ་འཁོར་ཟླ་བ་ཕྱེད་པའི་རྣམ་པར་བསམ་པར་བྱའོ། །དེའི་སྟེང་དུ་བསྒྲུབ་བྱ་གཅེར་བུ་སྐྲ་བཤིག་པ། བྲེད་པར་གྱུར་པར
162a6 བསམ་པར་བྱ་སྟེ། མ་ཧེའི་གདོང་ཅན་གྱི་སྦྱོར་བ་ལ་གནས་པས་དེའི་རྒྱབ་ཏུ་གཤིན་རྗེའི་གཟུགས་ལག་པ་གཡས་པས་དབྱུག་པ་འཛིན་པ་སྐྲ་བསིལ་བ་རྣམ་པར་བསམ་པར་བྱ་སྟེ། རྔ་མོ་དེ་ཁ་ལྷོར་བསྟན་ལ་གཏང་ངོ་། །དེའི་མིང་དང་བཅས་པར་གཤིན་རྗེའི་སྔགས་བརྗོད་པས
162a7 རྣམ་པར་བསམ་པར་བྱའོ། །རྣལ་འབྱོར་པས་འདི་བསམས་པ་ཙམ་གྱིས་ཞག་བདུན་ན་འདི་ལྟར་རྡོ་རྗེ་འཛིན་པ་ཡང་སྐྲོད་པར་འགྱུར་རོ། །གཞན་ཡང་བསམ་གཏན་གྱི་རབ་ཏུ་སྦྱོར་བ་ནི་བྱ་རོག་གམ། བྱ་རྒོད་ཀྱི་རྒྱབ་ཏུ་བསྒྲུབ་བྱ་སྐྲ་གྲོལ་བ་གཅེར་བུ་རྣམ་པར་བསམ་མོ། །དེའི
iiif viewer powered by OpenSeadragon
