| e-texts navigator |
| Wylie |
159b1 པ་ཆེན་པོ་བྱེད་པ། སྲིན་པོ་དང་། ཞིང་སྐྱོང་བ་དང་། རོ་ལངས་དང་ལྡན་པ་སྐྱེས་བུ་མདུང་རྩེར་བཙུགས་པའི་གཟུགས་དེར་མཐོང་བར་བྱའོ། །ནྱ་གྲོ་དྷའི་ཤིང་དག་གི་སྟེང་དུ་སྐྱེས་བུ་འཕྱང་བ་བྲི་བར་བྱ། སྐྱེས་བུ་བསྲེགས་བཞིན་པ་ཡང་བྲི། མདུང་གིས་ཕུག་པའི་སྐྱེས་བུ་ཡང
159b2 བྲི། བྱ་སྣ་ཚོགས་དང་། བྱ་རོག་དང་། ཁྱི་དང་། ཅེ་སྤྱང་དག་ཧ་ཧ་འབྱིན་པ་བྲི། སྒྲུབ་པ་པོ་རྣམས་ཀྱང་བྲི་སྟེ། བཅོམ་ལྡན་འདས་ལ་རྩེ་གཅིག་ཏུ་ལྟ་བ་གཅེར་བུ་སྐྲ་བཤིག་པ། ཕྱག་རྒྱ་ལྔས་བརྒྱན་པ། ཅང་ཏེའུ་དང་། ཐོད་པ་དང་། ཁ་ཏྭཱ~ཾ་ག་འཛིན་པ། ཐོད་པས
159b3 སྤྱི་བོར་བརྒྱན་པ་དགོད་ཅིང་དུར་ཁྲོད་དེར་འཇུག་པ་བྲི། འདི་ནི་གསང་བའི་བྲིས་སྐུ་སྟེ། གནས་གཅིག་ཏུ་ལེགས་པར་གཞག་ལ་ཤ་ཆེན་གྱི་སྤོས་དབུལ། དེའི་མདུན་དུ་དུང་ཆེན་གྱི་ཕྲེང་བས་བཟླས་པ་བྱ། སྔགས་པ་མཉམ་པར་གཞག་པས་དུས་གསུམ་དུ་འབད
159b4 ལ་བྲིས་སྐུ་བསྲུང་ངོ་། །གཞན་གང་ཡང་མི་གཞག་གོ་གཞན་གང་གི་མདུན་དུ་ཡང་མི་དགྲམ་མོ། །ཀློག་པ་དང་། བཏུང་བ་དང་། བཟའ་བ་དང་། སྟོན་མོ་ནི་ཤ་ཆེན་རྟག་ཏུ་མཚན་མ་བཟའོ། །གལ་ཏེ་མཆོག་གི་དངོས་གྲུབ་འདོད་ན་དུས་གསུམ་དུ་རྣམ་པར
159b5 སྣང་མཛད་དང་ཁྲག་གི་སྤོས་བྲིས་སྐུའི་མདུན་དུ་དབུལ་ལོ། །འདི་ནི་འཇམ་དཔལ་ཞེས་བྱ་བ། རྡོ་རྗེ་འཇིགས་བྱེད་ཆེན་པོ་རྣལ་འབྱོར་ཀྱི་རྒྱུད་ལས་བྲིས་སྐུའི་ཆོ་གའི་རྟོག་པ་སྟེ་ལྔ་པའོ།། །།དེ་ནས་སྦྱིན་སྲེག་གི་ལས་ཀྱི་ཆོ་ག་གསུངས་པ། ཇི་ལྟར་སྔོན
159b6 གྱི་རིམ་པ་སྟེ། དང་པོར་རེ་ཞིག་སྔགས་པ་དབེན་པའི་གནས་སུ་ཕྱིན་ལ། མཚན་ཕྱེད་ན་སྦྱིན་སྲེག་གི་ལས་ཀུན་བྱས་ཏེ། གོང་དུ་གསུངས་པའི་ལྷའི་རྣལ་འབྱོར་ལ་གནས་པས་ལས་ཐམས་ཅད་བྱའོ། །དེ་ལ་ལས་ནི་འདི་རྣམས་ཡིན་ནོ། །གལ་ཏེ་གསད
159b7 པར་འདོད་ན་དེར་མིའི་རུས་པ་དང་། རྣམ་པར་སྣང་མཛད་དང་། བོང་བུའི་སྦངས་དང་། ཁྱིའི་སྦངས་དང་། ཚེར་མ་དང་། སྐྲ་དང་། སེན་མོ་དང་། དེ་དག་ཐམས་ཅད་ཚ་བའི་མར་ཁུས་སྦྲུས་ལ། མ་ཧེའི་ཞལ་གྱི་སྦྱོར་བས་ཤིན་ཏུ་མཉམ་པར་གཞག་ལ།
iiif viewer powered by OpenSeadragon
