| e-texts navigator |
| Wylie |
159a1 ལ་ཆོ་ག་ནི་གསང་བའི་གནས་སུ་གནས་ལ། ཤིན་ཏུ་མཉམ་པར་གཞག་པས་བྲི་བར་བྱ་སྟེ། རི་མོ་མཁན་དང་སྒྲུབ་པ་པོས་མཐོང་བ་ལས། འཇིག་རྟེན་པ་གཞན་གྱིས་མི་མཐོང་བར་བྲི་བར་བྱ་སྟེ། ཞབས་བཅུ་དྲུག་པ། ཕྱག་སུམ་ཅུ་རྩ་བཞི་པ།
159a2 ཞལ་དགུ་པ། གཅེར་བུ་ཁ་དོག་ནག་པོ་གཡོན་བརྐྱང་བ། འཇིགས་པ་ཆེན་པོ་ཡང་འཇིགས་པར་བྱེད་པའི་རྣམ་པ་ཅན། མཚན་མ་གྱེན་དུ་འགྲེང་བའི་ཐང་ཀ་བྲི་བར་བྱའོ། །ཞལ་དང་པོ་མ་ཧེ། རྭའི་གཡས་སུ་ཞལ་གསུམ་པ་སྟེ། སྔོན་པོ་དང་། དམར
159a3 པོ་དང་སེར་པོ་ཤིན་ཏུ་ཁྲོས་པ་བྲི་བར་བྱའོ། །གཡོན་དུ་དཀར་པོ་དང་། དུད་ཁ་དང་། ནག་པོའོ། །དེ་གཉིས་ཀྱི་དབུས་སུ་རབ་ཏུ་དམར་བ་བྲི་བར་བྱའོ། །དེའི་སྟེང་དུ་འཇམ་དཔལ་གྱི་ཞལ་སེར་པོ་ཅུང་ཟད་ཁྲོ་བ་བྲི་བར་བྱའོ། །ཕྱག་གཡས་པར་གྲི་གུག་དང་། མཚོན་རྩེ་གཅིག་པ་དང་།
159a4 གཏུན་ཤིང་དང་། ཆུ་གྲི་དང་། རྡོ་རྗེ་རྩེ་གཅིག་པ་དང་། སྟ་རེ་དང་། མདུང་དང་། མདའ་དང་། ལྕགས་ཀྱུ་དང་། དབྱིག་ཐོ་དང་། ཁ་ཊྭཱ~ཾ་ག་དང་། འཁོར་ལོ་དང་། རྡོ་རྗེ་དང་། རྡོ་རྗེ་ཐོ་བ་དང་། རལ་གྲི་དང་། ཅང་ཏེའུའོ། །ཕྱག་གཡོན
159a5 པ་ན་ཐོད་པ་དང་། མགོ་བོ་དང་། ཕུབ་དང་། རྐང་པ་དང་། ཞགས་པ་དང་། གཞུ་དང་། རྒྱུ་མ་དང་། དྲིལ་བུ་དང་། ལག་པ་དང་། དུར་ཁྲོད་ཀྱི་རས་དང་། སྐྱེས་བུ་གསལ་ཤིང་གིས་ཕུག་པ་དང་། མེ་ཐབ་དང་། ཐོད་ཚལ་དང་། སྡིགས་མཛུབ་དང་། འཕན་རྩེ
159a6 གསུམ་པ་དང་། རླུང་གིས་བསྐྱོད་པའི་རས་སོ། །ཕྱག་གཉིས་ཀྱིས་གླང་པོ་ཆེའི་པགས་པ་རློན་པ་འཛིན་པ་བྲིའོ། །ཞབས་གཡས་པས་མི་དང་། མ་ཧེ་དང་། གླང་དང་། བོང་བུ་དང་། རྔ་མོ་དང་། ཁྱི་དང་། ལུག་དང་། ཝ་རྣམས་སོ། །ཞབས་གཡོན
159a7 པས་བྱ་རྒོད་དང་། འུག་པ་དང་། བྱ་རོག་དང་། ནེ་ཙོ་དང་། ཁྲ་དང་། བྱ་ཆེན་དང་། རི་སྐེགས་དང་། བཞད་རྣམས་སོ། འདི་ལྟ་བུར་འདུག་པའི་རྡོ་རྗེ་འཇིགས་བྱེད་ཆེན་པོ་བྲི་བར་བྱའོ། །དེའི་འོག་ཏུ་དུར་ཁྲོད་ཆེན་པོ་ཡང་བྲི་བར་བྱའོ། །འཇིགས
iiif viewer powered by OpenSeadragon
