| e-texts navigator |
| Wylie |
158b1 རྭ་གཉིས་ཀྱི་བར་དུ་དབུས་ཀྱི་ཞལ་དམར་པོ་རབ་ཏུ་འཇིགས་པ་ཞལ་ནས་ཁྲག་འཛག་པ་བསམ་པར་བྱའོ། །སྟེང་དུ་འཇམ་དཔལ་གྱི་ཞལ་ཅུང་ཟད་སེར་བ་ཡུད་ཙམ་ཁྲོ་བ་བྱིས་པའི་རྒྱན་གྱིས་བརྒྱན་པ། སྤྱི་བོར་རལ་པ་ལྔ་དང་ལྡན་པ་རྣམ་པར་བསམས་ཏེ། ཞལ་རྣམས
158b2 ཐམས་ཅད་སྤྱན་གསུམ་པར་བསྒོམ་སྟེ། འདི་ལྟར་བདག་ཉིད་རྟག་ཏུ་རྩེ་གཅིག་ཏུ་དམིགས་སོ། །དེ་ཉིད་དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་དེ་བདག་ཉིད་ཡིན་པར་བསྒོམས་ནས། དཔའ་བོའི་གནས་ལ་གནས་པའི་རྣལ་འབྱོར་པས་དེ་ནས་ཕྱི་ནས་སྔགས་བཟླ
158b3 བར་བྱ་སྟེ། བཟླས་པའི་དུས་སུ་རང་གི་སྙིང་གར་ཉི་མའི་དཀྱིལ་འཁོར་བསམས་ཏེ། དེའི་སྟེང་དུ་རང་གི་སྔགས་ཀྱི་ཡི་གེ་དགོད་པར་བྱའོ། །འབར་བ་དང་ཕྱི་ནས་མ་ཡེངས་པའི་ཡིད་ཀྱིས་བཟླས་པ་བྱའོ། །སྦྱོར་བ་འདི་ལ་གནས་པའི་སྔགས་པ་ཡིས། །རྟག་ཏུ
158b4 འཇིགས་བྱེད་ལས་ཀུན་བྱ། །དུར་ཁྲོད་གནས་ལ་བསྒོམ་བྱ་ཞིང་། །རྟག་ཏུ་བདུད་རྩི་ལྔ་རྣམས་བཟའ། །དེ་ཡིས་བསྒྲུབ་ལས་བསྒྲུབ་གཞན་མེད། །གཞན་ཡང་མར་མེ་ཆེ་ཟ་ཞིང་། །མཚན་མོ་རྒྱུ་བའི་རྣལ་འབྱོར་པས། །སུམ་འབུམ་རྩ་བའི་སྔགས་བཟླས
158b5 བྱ། །འདི་ཟློས་པ་ཡི་སྔགས་པ་ཡིས། །ཐམས་ཅད་ལས་ནི་བྱེད་པར་འགྱུར། །འདི་ནི་འཇམ་དཔལ་ཞེས་བྱ་བ་དཔལ་རྡོ་རྗེ་འཇིགས་བྱེད་ཆེན་པོའི་རྒྱུད་ལས་བསྒོམ་པའི་རྟོག་པ་སྟེ་བཞི་པའོ།། །།དེ་ནས་དཔལ་འཇིགས་བྱེད་ཆེན་པོས་བསྟན་པའི་བྲིས
158b6 སྐུའི་ཆོ་ག་རབ་ཏུ་གསུངས་པ། དཔའ་བོའི་རས་སམ། རོ་ལ་བཀབ་པའི་རས་སམ། མེ་ཏོག་ཅན་གྱི་རས་སམ། བུ་སྐྱེས་པའི་རས་སམ། དེ་མ་རྙེད་ན། རས་གང་ཡང་རུང་བ་ལ། རི་མོ་མཁན་བཟང་པོ་རྣམ་རྟོག་མེད་པ། མི་ཁྲོ་བ། གཙང་བ།
158b7 མཁས་པ། ཡིད་གཞུངས་པ། དད་པ་དང་ལྡན་པ། བརྩེ་བ་ཅན། སྲེད་པ་དང་བྲལ་བ། འདི་ལྟར་ཡོན་ཏན་དང་ལྡན་པའོ། །དེ་ལྟ་བུའི་རི་མོ་མཁན་གྱི་ལག་པས་དཔའ་བོའི་རས་ལ་བྲི་བར་བྱའོ། །གལ་ཏེ་དངོས་གྲུབ་འདོད་པས་དཔའ་བོའི་ཡོན་སྦྱིན་ནོ། །དེ
iiif viewer powered by OpenSeadragon
