| e-texts navigator |
| Wylie |
157a1 དང་པོར་རྣམ་པར་སྣང་མཛད་སྦྱིན། །ཡ་ཚོགས་བརྒྱད་པའི་ས་བོན་ལ། །དབྱངས་ཡིག་དྲུག་པ་དང་ལྡན་ལ། །སྤྱི་བོ་རུ་ནི་ཐིག་ལེས་བརྒྱན། །ལྔ་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོའོ། །འདི་ནི་མ་ཧེ་གདོང་ཅན་གྱི། །སྙིང་པོའི
157a2 སྔགས་སུ་རབ་ཏུ་གྲགས། །ཡི་གེ་རེ་རེ་འབུམ་བཟླས་ན། །འཇིག་རྟེན་གསུམ་གྱི་ལས་ནི་གང་། །ཅི་ཡང་རུང་བ་ཐམས་ཅད་བྱེད། །སྔགས་བཏུ་བའི་ཆོ་གའི་དུས་འདིར་མཆོད་པར་བྱའོ། །འདི་ནི་འཇམ་དཔལ་ཞེས་བྱ་བ་དཔལ་རྡོ་རྗེ་འཇིགས་བྱེད་ཆེན
157a3 པོའི་རྣལ་འབྱོར་གྱི་རྒྱུད་ལས་སྔགས་བཏུ་བ་བསྟན་པའི་རྟོག་པ་སྟེ་གསུམ་པའོ། ། །།དེ་ནས་རྡོ་རྗེ་འཇིགས་བྱེད་ཀྱི་སྒྲུབ་པ་ཡང་དག་པར་བཤད་དེ། ཆོས་ཐམས་ཅད་ལ་བདག་མེད་པ་སྔོན་དུ་འགྲོ་བས་ལྷར་དམིགས་པར་བྱ་སྟེ། དང་པོར་རེ་ཞིག་རང་བཞིན
157a4 གྱིས་དག་པའི་སྔགས་བརྗོད་པས། ཆོས་ཐམས་ཅད་བདག་མེད་པའི་ངོ་བོར་བྱས་ནས་ནམ་མཁའི་དཀྱིལ་དུ་ཡ~ཾ་གི་རྣམ་པ་ལས་གྲུབ་པའི་རླུང་གི་དཀྱིལ་འཁོར་མདོག་དུ་བའི་རྣམ་པ་བསམ་མོ། དེའི་སྟེང་དུ་དང་པོའི་དབྱངས་ཡིག་ལས་གྱུར་པའི་ཟླ་བའི་དཀྱིལ་འཁོར
157a5 དམིགས་ཏེ། དེའི་སྟེང་དུ་དྷཱིཿའི་རྣམ་པ་ལས་འཇམ་དཔལ་གཞོན་ནུའི་གཟུགས་སུ་གྱུར་པར་བསམ་པར་བྱའོ། །དེར་ཨའི་རྣམ་པ་ལས་གྲུབ་པའི་ཉི་མའི་དཀྱིལ་འཁོར་བསམ་སྟེ། ཉི་མའི་དཀྱིལ་འཁོར་དེ་ལས་འོད་ཟེར་འཕྲོས་པས་ཕྱོགས་བཅུ་ན་བཞུགས་པའི་དེ
157a6 བཞིན་གཤེགས་པ་རྣམས་དང་བྱང་ཆུབ་སེམས་དཔའ་དང་རིག་པའི་ལྷ་མོ་དང་ཁྲོ་བོ་ལ་སོགས་པ་ཤིན་ཏུ་བསྐུལ་ཏེ། ཡང་འོངས་ནས་ཉི་མའི་དཀྱིལ་འཁོར་ལ་བཞུགས་པར་བསམ་མོ། །དེ་ནས་ཡང་འཇམ་དཔལ་དང་དེ་བཞིན་གཤེགས་པ་ལ་སོགས་པ་དེ་རྣམས་གཅིག་ཏུ་གྱུར
157a7 ནས། ཉི་མའི་དཀྱིལ་འཁོར་དུ་བསམ་པར་བྱའོ། །འོད་ཟེར་འབར་བའི་རྣམ་པས་དཔག་ཚད་སྟོང་ཕྲག་བརྒྱར་ཁྱབ་པར་གསལ་བར་བྱའོ། །དེའི་སྟེང་དུ་ཧཱུ~ཾ་མདོག་ནག་པོ་འོད་ཟེར་ལྔ་དང་ཡང་དག་པར་ལྡན་པར་བསམ་སྟེ། ཧཱུ~ཾ་དེ་ལས་འོད་ཟེར་གྱི་རྣམ་པར་འཕྲོས་པས
iiif viewer powered by OpenSeadragon
