| e-texts navigator |
| Wylie |
156b1 རླུང་གི་ས་བོན་དང་། །གཉིས་པ་ཡི་ནི་དང་པོ་དང་། །དེ་ནི་གཉིས་འགྱུར་ལྡན་པར་བྱ། །བཞི་པ་ཡི་ནི་ལྔ་པ་ལ། །དབྱངས་ཡིག་གསུམ་པ་དང་ལྡན་པ། །དེ་ནས་མེ་ཡི་ས་བོན་དང་། །ལྔ་པ་ཡི་ནི་ལྔ་པ་དང་། །དེ་ནས་རླུང་གི་ས་བོན་སྦྱིན། དང་པོར་རྣམ་པར
156b2 སྣང་མཛད་སྦྱིན། །མཆོག་གི་དབང་ཕྱུག་དང་སྦྱར་བ། །ལྔ་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོ་ནི། །མཁས་པས་ལན་གཉིས་བརྗོད་པར་བྱ། །འདི་ནི་འཇམ་དཔལ་ཞེས་བྱ་བའི། །འཇིགས་བྱེད་ཆེན་པོ་རྒྱུད་འཁོར་ལོ། །མ་ཧེ་གདོང་ཅན་རྩ
156b3 སྔགས་ཏེ། །འབུམ་བཟླས་པ་ཡིས་ལས་ཀུན་བྱེད། །འདི་ནི་སྔགས་ཀྱི་རྒྱལ་པོ་སྟེ། །མ་བྱུང་འབྱུང་བར་མི་འགྱུར་རོ། །བདུད་པ་ཡི་ནི་བཞི་པ་ལ། །དབྱངས་ཡིག་བཞི་པ་དང་ལྡན་པ། །མེ་ཡི་ས་བོན་འོག་ཏུ་སྦྱིན། །དེ་ནས་མངའ་བདག་བཅུ་དྲུག་མཐའ། །
156b4 བདུན་པ་ཡི་ནི་གཉིས་པ་ལ། །དབྱངས་ཡིག་བཞི་པ་དང་ལྡན་ཞིང་། །གསུམ་པ་ཡི་ནི་དང་པོ་ལ། །འོག་ཏུ་མེ་ཡི་ས་བོན་གདགས། །མངའ་བདག་བཅུ་དྲུག་མཐའ་མ་སྟེ། །དྲུག་པ་ཡི་ནི་བཞི་པ་ལ། །དབྱངས་ཡིག་གསུམ་པ་དང་ལྡན་པ། །དང་པོ་ཡི་ཡང་དང་པོ
156b5 དང་། །དབྱངས་ཡིག་བདུན་པ་དང་ལྡན་པ། །འོག་ཏུ་མེ་ཡི་ས་བོན་སྦྱིན། །བཞི་པ་ཡི་ནི་དང་པོ་ལ། །དབྱངས་ཡིག་གཉིས་པ་དང་ལྡན་པ། །བཞི་པ་ཡི་ནི་ལྔ་པ་ནི། །མཁས་པ་ཡིས་ནི་ལན་གཉིས་བརྗོད། །དང་པོར་རྣམ་པར་སྣང་མཛད་སྦྱིན། །ཡ་ཚོགས
156b6 བརྒྱད་པའི་ས་བོན་ལ། །དབྱངས་ཡིག་དྲུག་པ་དང་ལྡན་ལ། །སྤྱི་བོ་རུ་ནི་ཐིག་ལེས་བརྒྱན། །ལྔ་པ་ཡི་ནི་གཉིས་པ་དང་། །གསུམ་པ་ཡི་ནི་དང་པོའོ། །འདི་ནི་སྔགས་ཀྱི་རྒྱལ་པོ་སྟེ། །མ་ཧེའི་གདོང་ཅན་སྦྱོར་བ་ཡིན། །ཐམས་ཅད་ལས་ནི་བྱེད་པའོ། །
156b7 ལས་ཀྱི་སྔགས་སུ་གྲགས་པ་སྟེ། །སུམ་འབུམ་བཟླས་ན་ལས་ཀུན་བྱེད། །དྲུག་པ་ཡི་ནི་དང་པོ་དང་། །ལྔ་པ་ཡི་ཡང་ལྔ་པ་ལ། །དབྱངས་ཡིག་གཉིས་པ་དང་ལྡན་པ། །བཞི་པ་ཡི་ནི་དང་པོ་སྟེ། །དེ་ཡི་ལྔ་པ་ཀླད་དུ་གཞག་།དང་པོ་ཡི་ནི་དང་པོ་དང་། །
iiif viewer powered by OpenSeadragon
