| e-texts navigator |
| Wylie |
154b1 ཕྱིས་ཀྱིས་བཞར་ལ་དེར་གནས་པར་གཟུང་ངོ་། །མར་ཁུ་དེ་བླངས་ནས་ལྷ་ཆེན་པོའི་རྒྱལ་མཚན་གྱི་རས་བླངས་ལ་དེ་བསྲེགས་པའི་བར་གྱི་དུ་བའི་དྲེག་པ་དེ་དང་མར་ཁུ་དེ་གཅིག་ཏུ་བྱས་ལ་བསྐྲད་པར་འདོད་པ་དེའི་མཆིལ་ལྷམ་ལ་དེ་བསྐུའོ། །དེའི་ལག་པ་དང་རྐང་པ་གཉིས
154b2 ལ་ཡང་བྱུགས་ན་སྐད་ཅིག་གིས་དེ་སྐྲོད་དོ། །དེ་ནས་གཞན་ཡང་རབ་ཏུ་སྦྱོར་བ་གསུངས་པ་ནི་དུར་ཁྲོད་ཀྱི་རས་སམ། གྲོ་གའི་ལོ་མ་ལ་རླུང་གི་དཀྱིལ་འཁོར་བྱ་རོག་གི་ཁྲག་དང་བྱ་རོག་གི་སྒྲོའི་སྨྱུ་གུས་བྲི་བར་བྱ་སྟེ། རླུང་གི་དཀྱིལ་འཁོར་གྱི་དབུས་སུ་བསྒྲུབ་བྱའི་མིང་དང
154b3 སྤེལ་ཏེ་གཏོར་མ་ཟ་བའི་མགྲིན་པར་བཅིངས་ལ། བྱ་རོག་བཟུང་ནས་མ་ཧེའི་གདོང་པའི་སྦྱོར་བར་གནས་པས་ཁ་ལྷོར་བལྟས་ལ་འཕང་སྟེ། དེའི་སྐད་ཅིག་གིས་བྱ་རོག་བཞིན་ས་ཀུན་ཏུ་འཁོར་རོ། །གཞན་ཡང་བསྐྲད་པ་ནི་ཚ་བའི་མར་ཁུས་བསྐུས་ལ་ནིམ་པའི་ཤིང་ལས་གཏོར་མ
154b4 ཟ་བའི་ཚང་བླངས་ལ། ཚང་དེའི་ཤིང་ཕའི་ནགས་ཀྱི་ཤིང་མེས་བསྲེགས་པའི་ཐལ་བ་བླངས་ལ། གང་གི་མགོར་བླུགས་པ་དེ་སྐྲོད་པར་འགྱུར་རོ། །གཞན་ཡང་དབྱེ་བའི་རབ་ཏུ་སྦྱོར་བ་ནི། བྱ་རོག་དང་འུག་པའི་གཤོག་པ་དང་། བྲམ་ཟེ་དང་གཏུམ་པོ་རྣམས་ཀྱི
154b5 སྐྲ་གཅིག་ཏུ་བྱས་ལ། དྷ་དུ་རའི་ཤིང་ལ་མེ་རབ་ཏུ་སྦར་ཏེ། དུ་བ་མེད་པའི་མེས་བསྲེགས་ལ། དེའི་ཐལ་བ་བླངས་ལ་ཡི་གེ་བཅུ་པའི་སྔགས་བཟླས་ནས་བུད་མེད་དང་སྐྱེས་པ་གཉིས་ཀྱི་བར་དུ་ཐལ་བ་བཞག་ན། དེ་སྐད་ཅིག་གིས་འབྱེད་པར་བྱེད་དོ། །དེ་ནས་དུར་ཁྲོད་ཀྱི་རས
154b6 བླངས་ལ་དུག་ལ་སོགས་པའི་རྫས་ཀྱིས་བྲན་པའི་བར་དུ་བསྒྲུབ་བྱའི་མིང་བྲིས་ལ་ཟེར་མོ་དང་སྦྲུལ་གྱི་སྤུ་དང་པགས་པ་བླངས་ཏེ། དེ་ལ་བཅུག་ནས་སྡོང་བུ་བྱས་ཏེ། གང་གི་ཁྱིམ་དུ་སྦར་བ་དེར་ཕན་ཚུན་འཐབ་པར་འགྱུར་རོ། །དེ་ནས་གསད་པར་འདོད་པ་ནི་བཤང་གཅི་ལ་གཟུགས
154b7 བརྙན་བྱས་ལ། དེའི་སྟེང་དུ་རུས་པ་ཕྱེ་མས་རབ་ཏུ་བྱུགས་ལ། དུར་ཁྲོད་ཀྱི་མེ་ལ་སྐྲ་བཤིག་པ་བྱས་ལ། ཁ་ལྷོར་བལྟས་ཏེ་མ་ཧེའི་གདོང་པའི་སྦྱོར་བས་ནམ་ཕྱེད་ན་དེ་གཏུབས་ལ་བསྲེག་གོ། །གང་གི་མིང་དང་བཅས་པར་བྱས་ན་དེ་སྐད་ཅིག་གིས་འཆིའོ། །རྡོ་རྗེ་འཇིགས
iiif viewer powered by OpenSeadragon
