| e-texts navigator |
| Wylie |
14a1 པའི་སྟེང་དུ་བཞག་ན་རླུང་ཞི་བར་བྱེད་དོ། །གལ་ཏེ་ཡམས་ཞི་བར་འདོད་པས་གུར་གུམ་དང་། གི་ཝང་གི་རྩེ་མོ་བཅུ་གཉིས་པར་བྲིས་ནས་དང་པོའི་སྔགས་རྣམས་དང་། ཐ་མའི་སྔགས་རྣམས་རྩིབས་ལ་བྲིས་ཏེ། མུ་ཁྱུད་ལ་སྔགས་ལྷག་མ་བྲིས
14a2 ཏེ་མེ་ཏོག་དང་འབྲས་བུ་སེར་པོ་ཐམས་ཅད་མཆོད་ཅིང་གསོལ་པ་བཏབ་ནས་གཙུག་ལག་གི་རྩེ་མོ་འམ། དགེ་འདུན་གྱི་འདུ་བའི་སྒོ་གོང་ལ་བཏགས་ན་ཅི་འདོད་པ་འགྲུབ་ཅིང་ནད་ཡམས་ཐམས་ཅད་འཆད་པར་འགྱུར་རོ། །གལ་ཏེ་བུ་འདོད་པས་སེའུ་སྐྱ་དམར་པོའི་སྡོང
14a3 བུ་ལ་སྟེང་དུ་སྦྱིན་སྲེག་བྱས་ན་བུ་སྟེར་བར་ངེས་སོ། །གལ་ཏེ་གཏེར་འདོད་པས་སའམ། རིན་པོ་ཆེ་ལ་རྣམ་ཐོས་སྲས་ཀྱི་གཟུགས་ཁྲུ་གང་པ་བྱས་ནས་རིན་པོ་ཆེའམ་སྤང་ལེབ་ཀྱི་སྟེང་དུ་བཞག་ནས་མཆོད་པ་རྣམ་པ་སྣ་ཚོགས་ཕུལ་ནས་གསོལ་བ་བཏབ་ན་ཞག་བདུན་ནས་རིན
14a4 པོ་ཆེ་སྟེར་བར་བྱེད་དོ། །གལ་ཏེ་ཤི་བར་དོགས་པས་དཀྱིལ་འཁོར་ཁྲུ་གང་ཟླུམ་པོ་སེར་པོར་བྱས་ནས་དབུས་སུ་བུམ་པ་ལེགས་པར་བཞག་པའི་ནང་དུ་སྨན་སྣ་ཚོགས་བླུགས་ནས་རས་དཀར་པོས་ཁ་བཀབ་པར་བྱས་ཏེ། གསང་སྔགས་ཀྱི་རྒྱལ་པོ་མང་དུ་བརྗོད་ནས་ཕྱིས་བུམ་པ
14a5 ལ་དངོས་གྲུབ་བླངས་ན་ཅི་འདོད་པ་འགྲུབ་བོ། །དེ་ལྟར་ཡང་ཡང་བྱས་པས་ཚེའི་དངོས་གྲུབ་ཐོབ་པར་འགྱུར་རོ། །གལ་ཏེ་མཆོག་གྲུབ་པར་འདོད་པས་ས་འམ་རིན་པོ་ཆེ་ལ་ཕྱག་ན་རྡོ་རྗེ་ཞལ་གཅིག་ཕྱག་གཉིས་པ་གདན་པད་མ་དང་ཉི་མ་ལ་གནས་པར་བྱས་ནས་དེ་རིན་པོ་ཆེའི
14a6 སྣོད་དུ་བཞག་ལ་མཎ་ཌལ་དཀར་པོ་ཁྲུ་གང་པ་བྱས་པའི་སྟེང་དུ་ཁྲིའུའི་སྟེང་དུ་བཞག་ལ་མེ་ཏོག་དང་གོས་དཀར་པོས་མཆོད་ཅིང་ཙན་དན་དཀར་པོའི་ཆུས་ཅི་ནུས་པར་མཆོད་པར་བྱེད་ཅིང་། ཡང་ཚེས་བརྒྱད་དང་། བཅུ་བཞི་དང་། བཅོ་ལྔ་དང་། གནམ་སྟོང་ལ་དེའི་དུས
14a7 སུ་སྨྱུང་བ་བྱས་ནས། ཕྱིས་ནི་བརྒྱད་སྟོང་གི་གྲངས་སུ་གསང་སྔགས་འདོན་པར་བྱེད་ཅིང་རང་ཉིད་ཀྱི་སྤྱི་བོར་ཡི་གེ་ཨོཾ་དཀར་པོ་འོད་དང་ལྡན་པས་བདུད་རྩིའི་ཆུ་འབེབས་པར་བསམ་པས་ཁམས་གསུམ་པའི་ནད་ཐམས་ཅད་ཟད་པར་བསམ་ཞིང་སླར་རང་ཉིད་ལ་རིམས་ཀྱིས་ཞུ་བར
iiif viewer powered by OpenSeadragon
