| e-texts navigator |
| Wylie |
13b1 བརྗོད་ན་ཅི་འདོད་པ་དབང་དུ་བྱེད་དོ། །ཡང་ཟླ་བའམ་ཉི་མ་གཟས་བཟུང་པའི་ཚེ་ཀླུའི་གན་ནས་མི་ཁྲག་གིས་ལུས་བྱུགས་ཏེ་སྔགས་འདི་བརྗོད་ན་ཀླུ་ཐམས་ཅད་དབང་དུ་འགྱུར་རོ། །འདི་ལ་ཐེ་ཚོམ་མེད་དོ། །གཞན་ཡང་སྦྱོར་བ་བཤད་པར་བྱ། །གུར་གུམ་དང་ནི་གི
13b2 ཝང་གིས། །རྩིབས་བརྒྱད་པ་ཡི་འཁོར་ལོ་ལ། །དང་པོའི་སྔགས་བཞི་དག་དང་ནི། །ཐ་མའི་སྔགས་རྣམས་བྲི་བར་བྱ། །མུ་ཁྱུད་གཉིས་ལ་རྩ་བ་ཡི། །གསང་སྔགས་རྒྱལ་པོ་རིམ་གྱིས་བྲི། །རིན་ཆེན་སྣོད་བཞག་མཆོད་བྱས་ནས། །གསང་སྔགས་སྟོང
13b3 སོགས་བརྗོད་ནས་ནི། །རྒྱལ་མཚན་རྩེ་ལ་གདགས་པར་བྱ། །གཞན་གྱི་རིག་སྔགས་གཅོད་པར་བྱེད། །གལ་ཏེ་ཆར་པ་དབབ་པར་འདོད་ན་སའི་དཀྱིལ་འཁོར་གྲུ་བཞི་པར་བྱས་ཏེ། དབུས་སུ་པད་མ་འདབ་མ་བརྒྱད་པ་བྲིས་ལ་དེའི་སྟེང་དུ་ཀླུའི་རྒྱལ་པོ་བརྒྱད་ཀྱི
13b4 གཟུགས་བྱས་ཏེ་གཞག་ལ་རང་ཉིད་ཁྲོ་བོའི་རྒྱལ་པོ་གོས་སྔོན་པོ་ཅན་དུ་བྱས་ཏེ། སྨན་སྣ་ཚོགས་དང་། འོ་མ་དང་འབྲས་ཆན་དང་། ཞོ་ལ་སོགས་པ་རྣམས་དང་། ཀ་ར་དང་བུ་རམ་ལ་སོགས་པས་མཆོད་ནས་གོས་དཀར་པོ་བགོས་ཏེ་ཧཱུ~ཾ་འབྲུག་གི་སྒྲ་ལྟ་བུ་བརྗོད
13b5 པས་མགོ་འདྲེན་པའི་གསང་སྔགས་ཀྱི་རྒྱལ་པོ་བརྗོད་པས་ཆར་འབེབས་པར་བྱེད་དོ། །གལ་ཏེ་མ་འབེབས་ན་ཀླུ་རྣམས་བསྡིགས་པའི་ཕྱིར། དཀྱིལ་འཁོར་དེའི་སྟེང་དུ་ཁྲག་སྣ་ཚོགས་དང་། དུག་ཤིང་ལ་སོགས་པས་སྦྱིན་བསྲེག་བྱའོ། །དེས་མྱུར་དུ་ཆར་འབེབས་པར
13b6 བྱེད་དོ། །གལ་ཏེ་ཆར་ཆེས་པའམ་སེར་བ་གཅོད་པར་འདོད་པས་ཉེར་ཤིང་དང་དུག་ཀ་ད་པའི་རྩ་བ་ལ་ཡི་གེ་བྲིས་ཏེ། དཀྱིལ་འཁོར་དཀར་པོའི་དབུས་སུ་བཙུགས་ལ་ཡུངས་ཀར་དང་ཐལ་བ་ལ་མང་དུ་བཟླས་པར་བྱའོ། །གལ་ཏེ་མི་འདོད་ན་བསྔགས་པ་ཙམ་གྱིས་ཀྱང
13b7 ངེས་པར་འབྱུང་ངོ་། །རྟའི་ཁྲག་དང་དུག་སྣ་ཚོགས་ཀྱིས་བརྒྱལ་བ་ལས་སོས་པར་བྱེད་དོ། །རླུང་ཞི་བར་འདོད་ན་དབང་ཕྱུག་གི་གོས་ལ་ཙ་ཏ་བ་ལ་རི་རྩེ་བས་སྔགས་བྲིས་ཏེ་དཀྱིལ་འཁོར་གྱི་སྟེང་དུ་བཞག་ནས། སྔགས་ཀྱི་རྒྱལ་པོ་སྟོང་ལ་སོགས་པ་ཅི་ནུས་པ་བརྗོད་ནས་ཁང
iiif viewer powered by OpenSeadragon
