| e-texts navigator |
| Wylie |
13a1 ཅིག་སྐད་ཅིག་ཡེ་ཤེས་ལས། །སྒྱུ་མ་ལྟ་བུའི་སྒྱུ་མའི་སྐུ། །སྒྱུ་མ་ཉིད་ལ་རྣམ་གྲོལ་ཚེ། །ཀྱེ་ཀྱེ་ཧ་ཧ་དཔའ་བོ་ཆེ། །ཀླུ་ཡི་དགྲར་གྱུར་འཇིགས་བྱེད་པོས། །གསང་བའི་བདག་པོ་རྡོ་རྗེ་ཅན། །ཉོན་མོངས་ལས་རྒྱལ་འཇིགས་སུ་རུང་། །དབང
13a2 ཕྱུག་ཁམས་གསུམ་ལས་རྒྱལ་བའི། །དེ་བས་བརྩོན་ལྡན་གང་ཡིན་དེས། །ཤིན་ཏུ་སྒྲུབ་པས་བསྒྲུབ་པར་བྱ། །བརྟན་པའི་ཡིད་སོས་པར་བྱེད་པས། །རྒྱལ་བ་གསང་བའི་བདག་པོའོ། །དེ་ནས་གསང་བའི་བདག་པོ་ཉིད། །དངོས་གྲུབ་ངེས་པར་འབྱུང་བ་རྡོ་རྗེ་ཞེས
13a3 བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་དང་ཐུགས་རྣམ་པར་དག་པའི་རྡོ་རྗེ་ལས་བྱུང་བ། ཨོཾ་བཛྲ་པཱ་ཎི་སརྦ་ཨརྠ་སིད་དྷི་ཀུ་རུ་ཀུ་རུ་སྭཱ་ཧཱ། ལྷ་ཀླུ་མི་མིན་དྲི་ཟ་འམ། །ཡང་ན་མི་ཡི་བུ་མོ་ཡི། །དཔྲལ་བར་ཐིག་ལེ་བྲིས་ནས་ནི། །ལག་ཏུ
13a4 ལྕགས་ཀྱུ་ཐོགས་ལ་གཞག་། དཀྱིལ་འཁོར་གྲུ་བཞི་ལྷམ་པ་ལ། །བརྟེན་ནས་བུམ་པས་བསྒྲུབ་པར་བྱ། །རྣམ་པར་རྒྱལ་བའི་བུམ་པར་ནི། །སྨན་ལ་སོགས་པས་ལེགས་བཀང་ནས། །རས་ཀྱིས་དཀྲིས་ལ་གཞག་པར་བྱ། །རྒྱུན་དུ་དེ་ལས་བསྒྲུབ་གྱུར་ན། །
13a5 ཞི་དང་རྒྱས་སོགས་དངོས་གྲུབ་དང་། །གཞན་ཡང་དངོས་གྲུབ་འགྲུབ་པར་འགྱུར། །དེ་ནས་ཡང་གསང་བའི་བདག་པོ་མི་འགྱུར་བར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དུག་ཐམས་ཅད་ཞི་བར་བྱེད་པའི་སྔགས་འདི་ཉིད་ཀྱིས་སྐུ་དང་གསུང
13a6 དང་ཐུགས་རྡོ་རྗེ་ཡང་དག་པ་ལས་ངེས་པར་ཕྱུང་ངོ་། །ོཾ་ན་གུ་ནཱ་གེ་པྲོ་ཏཾ་ག་མ་ནི། ཙ་ར་པོ་ར~ཾ་ཡ་ར་བ་རཱ་ཧྱཻད་ཧ་རི་ན~ཾ་བྲ~ཾ། རིན་ཆེན་སྣོད་དུ་ཆུ་བླུགས་ནས། །སྔགས་ཀྱི་རྒྱལ་པོ་འདི་ལ་ནི། །བརྒྱ་ནས་ཇི་སྲིད་སྟོང་གི་བར། །བརྗོད་ན་འགྲོ་བའི་དུག་ནད་སེལ། །གཞན
13a7 ཡང་གསང་སྔགས་རྒྱལ་པོ་ནི། །གསང་བའི་བདག་པོའི་སྦྱོར་བ་དང་། །བཅས་པས་མང་དུ་བརྗོད་བྱས་ནས། །སྒྲུབ་པས་ཅི་ཡང་འགྲུབ་པར་འགྱུར། །ཟླ་བ་སྤྱང་ཀིས་བཟུང་དུས་སུ་དཔྲལ་བར་གོ་རོ་ཙ་ནས་ཐིག་ལེ་བྱས་ཏེ་ཁ་ཤར་ཕྱོགས་སུ་གྱུར་ནས་གསང་སྔགས་འདི
iiif viewer powered by OpenSeadragon
