| e-texts navigator |
| Wylie |
12b1 གསུང་དང་ཐུགས་རྣམ་པར་དག་པའི་རྡོ་རྗེ་ལས་སྔགས་འདི་ཕྱུང་ངོ་། །ོཾ་ན་མོ་གསང་སྔགས་རྒྱལ་པོ་སྨྲས་ཙམ་གྱིས། །ས་སྟེང་ས་རྣམས་བརྒྱལ་བར་འགྱུར། །ཀླུ་རྣམས་ཀུན་ཏུ་སྐྲག་ནས་ནི། །གསང་བདག་ཉིད་ལ་ཕྱག་འཚལ་ལོ། །སྙིང་རྗེ་ལྡན་ཞིང
12b2 མོས་པ་བརྟན། །གུས་ཤིང་བྱང་ཆུབ་སེམས་ལྡན་པའི། །ཕྱོགས་སུ་འགྲོ་བས་ཡིད་གནས་པའི། །ལྷ་དང་བླ་མ་མཉམ་མཆོད་ཅིང་། །བརྩོན་འགྲུས་ཤེས་རབ་ཆེ་བ་དེས། །རང་ཉིད་དང་ནི་གཞན་དག་ཏུ། །བདེ་ཞིང་ཉམས་དགའི་རི་ཕུག་གམ། །ཚལ
12b3 ལམ་མཚོ་འམ་ལྗོངས་རྣམས་སུ། །ས་ཡི་དཀྱིལ་འཁོར་རྣམ་དག་པར། །བྱས་ནས་དྲི་ཆུས་ལེགས་བྱུགས་ནས། །བདེ་བའི་སྟན་ལ་འདུག་བྱས་ཏེ། །གསང་བའི་བདག་པོ་བསྒྲུབ་པར་བྱ། །གཞན་དུ་རི་ཁྲོད་རྩུབ་པ་འམ། །དུར་ཁྲོད་ཡ་མའི་ཁང་པ་ཡང་། །
12b4 འཁྲུག་ཅིང་གཡེང་དང་བཅས་པ་དང་། །རྒྱལ་པོས་གཟུང་ཞིང་གཏུམ་མོ་རྒྱུ། །འཇིགས་པའི་ཕྱོགས་ནས་གང་དག་རྣམས། །རྒྱལ་བ་སྒྲུབ་པའི་གནས་ཡིན་ནོ། །དུས་འདིར་བྱུང་བའི་བློ་ཞན་རྣམས། །འཇིག་རྟེན་འདི་ཡི་གཡེང་བ་དང་། །ཚོགས་པ་ཐམས་ཅད་སྐྱེད
12b5 པར་བྱེད། །ཆགས་པའི་སྟོབས་ཀྱི་ཆོས་ཉིད་ནི། །ཡང་དག་མི་རྟོག་དེ་ནི་སྐྱོན། །སྤྲུལ་པའི་གླང་པོ་དང་མཚུངས་སོ། །སྟོང་ཉིད་སྤྲོས་མེད་རང་བཞིན་ལས། །སྒྱུ་མའི་སྐུ་ནི་ཡོངས་འབྱུང་ཞིང་། །དང་པོ་སྟོང་ཉིད་རྡོ་རྗེ་སྟེ། །གཉིས་པ་ལ་ནི་ཡི་གེ་ཧཱུ~ཾ། །གསུམ
12b6 པ་རྡོ་རྗེ་རྩེ་དགུ་པ། །བཞི་པ་བཅོམ་ལྡན་གསང་བའི་བདག་།ལྔ་པ་ལྷ་ནི་ཡོངས་སུ་རྫོགས། །མེ་ལོང་དང་ནི་མཉམ་ཉིད་དང་། །ཆོས་དབྱིངས་ཡེ་ཤེས་ལས་གྲུབ་པའི། །སྐུ་ནི་ཡེ་ཤེས་བདག་ཉིད་དོ། །དེ་རྫོགས་ཡེ་ཤེས་ཆེན་པོའོ། །ཡེ་ཤེས་སྐུ་ལས་ཡེ་ཤེས
12b7 ཀྱིས། །སྤྲུལ་པའང་ཡེ་ཤེས་ཉིད་དུ་གནས། །འཁོར་བའི་ཉོན་མོངས་ལས་འདས་ནས། །མི་རྟོག་ཡེ་ཤེས་མེ་ཕུང་ལ། །གསང་བའི་བདག་ཉིད་ལེགས་པར་བཞུགས། །རྣམ་གྲོལ་རྣམ་དག་གྲོལ་བའི་རྒྱུ། །སྔགས་དབྱིབས་ཆོས་བདག་དོན་རྣལ་འབྱོར། །སྐད
iiif viewer powered by OpenSeadragon
