| e-texts navigator |
| Wylie |
129b1 འདི་ནི་སྐུ་གསུམ་ལས་བྱུང་བའི། །ལྷ་དང་མི་ཀུན་མནན་པར་འགྱུར། །སྔགས་ལ་མཁས་པའི་བདག་ཉིད་ནི། །ཁ་དོག་དམར་པོ་རྡོ་རྗེ་ཅན། །འདོད་ཆགས་ཆེ་དང་ལྡན་པའི་གཟུགས། །འདོད་པའི་ལྷ་དང་ལྷན་ཅིག་བསམ། །སྐུ་གསུམ་ལྡན་པ་མདའ་ཐོགས་ཤིང་། །གཡོན
129b2 པ་ཡིས་ནི་གཞུ་ཡང་གཟུང་། །ོ~ཾ་ཧཱུ~ཾ་བུད་མེད་སྤྱི་བོར་བསམས་ནས་ནི། །འདོད་པས་སྙིང་ཟགས་དྲེགས་བདོ་བ། །མདོག་དམར་ཐལ་མོ་སྦྱར་ནས་ནི། །འདུད་བཞིན་དུ་ནི་མདུན་བཞག་སྟེ། །རྡོ་རྗེ་མདའ་ཡིས་བསྣུན་ན་ནི། །པདྨ་དག་ལས་ཟིལ་པ་འཛག་།རྡོ་རྗེ་མདའ་ཡི་སྦྱོར་བ་ཡིས། །
129b3 འདོད་ཆགས་ཅན་མ་འཛག་པར་འགྱུར། །རྣལ་འབྱོར་ཅན་གྱིས་དབང་བྱའི་ཕྱིར། །འདོད་ཆགས་རྡོ་རྗེ་ཅན་ཡང་བསྒོམ། །མི་ཐོད་ལས་བྱས་ཅང་ཏེའུ་ལ། །སྤྲེའུའི་པགས་པས་གཡོགས་ནས་ནི། །ངོས་གཉིས་ལ་ནི་པདྨ་བྲི། །བུད་མེད་ཁྲག་གིས་འཛག་པར་བྱ། །དེ་ཡི་དཀྱིལ་དུ་བྲེཾ
129b4 བྲིས་ཏེ། །མི་ཡི་སྐྲ་ཡིས་བཏགས་ནས་ནི། །མཐིང་རིལ་གྱི་ནི་རྐང་རུས་ཀྱིས། །ཕྲེཾ་ཧཱུ~ཾ་མིང་ནས་བརྗོད་ཅིང་བརྡུང་། །ལམ་གྱི་བཞི་མདོར་དཀྱིལ་འཁོར་ནི། །རྐང་པ་གཡོན་པའི་མཐེ་བོས་བྲིས། །གྲཝར་ནི་བུ་མོ་ཟས་སྦྱིན་མ། །འགུགས་པར་བརྩོན་པའི་ལྕགས་ཀྱུ་བྱ། །གཙོ་བོ
129b5 ཁྲག་འཐུང་ཆ་ལུགས་ཀྱི། །གཟུགས་ཅན་གྱིས་ནི་རྟིང་བས་བརྡུང་། །འདིས་ནི་ཁམས་གསུམ་རྣམ་གནས་པའི། །བུ་མོ་ཟས་སྦྱིན་འགུགས་པར་འགྱུར། །གང་ཡང་རུང་བའི་གཟུགས་བརྙན་ལ། །གནས་པ་ཡི་ནི་ང་རྒྱལ་གྱིས། །རྣལ་འབྱོར་འཁོར་ལོ་རྫོགས་གྱུར་ན། །ཚིག་གི
129b6 རྣམ་པ་ཙམ་གྱིས་ཀྱང་། །ལྷ་དང་ལྷ་མིན་མི་ལ་སོགས། །རྣལ་འབྱོར་ཅན་གྱིས་ཐམས་ཅད་བྱེད། །གང་ཚེ་དབང་ཉིད་ལ་གནས་པ། །དེ་ཚེ་ཐམས་ཅད་མངག་གཞུག་འགྱུར། །བལྟས་པ་ཙམ་གྱིས་འཆི་བ་འམ། །མེ་ཙམ་གྱིས་ཀྱང་གཅོད་པའི་མཆོག་།སྒྱུ་མའི་ཡེ་ཤེས་ཀྱིས
129b7 བསྐུལ་ནས། །རྣལ་འབྱོར་ཅན་གྱིས་གླུ་དང་གར། །ཅི་ལྟར་ཅི་ལྟར་བསྒོམས་བྱས་པ། །དེ་ལྟར་འགྲོ་བ་རབ་ཏུ་བྱེད། །སྦྱིན་སྲེག་དེ་ཉིད་ལ་གནས་པའི། །མེ་ཡི་ལྷ་ནི་ཞལ་ཡིན་པས། །སྣ་ཚོགས་ལས་རྣམས་གྲུབ་བྱེད་པའི། །སྦྱིན་སྲེག་ལས་ནི་རབ་ཏུ་བཤད། །སྦྱིན་སྲེག
iiif viewer powered by OpenSeadragon
