| e-texts navigator |
| Wylie |
127b1 འཛུམ་བསྟན་ནས། །ཐུགས་ཀྱི་སེམས་ནི་དགའ་བར་མཛད། །དགའ་བར་མཛད་པའི་མོད་ལ་ནི། །སངས་རྒྱས་མཆོག་ཀུན་གྱིས་མཆོད་པ། །ཤེས་རབ་ཆེན་པོའི་ཐོག་འདྲེན་པས། །བསྒྲིམས་ཏེ་སོ་སོར་གསོར་ནས་དེས། །བདེ་ཆེན་ཏིང་འཛིན་ལ་གནས་ཏེ། །ལྡེམ་བག་འཇོ
127b2 ཚུལ་གྱིས་བལྟས་ནས། །ལག་གཉིས་པདྨའི་ཚུལ་གྱུར་ཏེ། །སྤྱི་བོར་ཐལ་མོ་སྦྱར་བྱས་ནས། །ཡེ་ཤེས་ལམ་ནི་རབ་སྟོན་པ། །རྒྱལ་ཆེན་རྣམ་པར་སྣང་མཛད་ལ། །ལག་ན་རྡོ་རྗེ་སྟོབས་པོ་ཆེ། །ཡིད་རྒྱས་པ་ཡིས་ཚིག་གསོལ་པ། །ཅི་སླད་རྣམ་པ་ཐམས་ཅད་དུ། །ཟུར་གྱིས
127b3 རྣམ་པར་གཟིགས་པ་དང་། །སྨིན་མ་བསྐྱོད་བྱས་འཛུམ་མཛད་པ། །ཡེ་ཤེས་རྣམ་པར་བསྒྱིངས་བས་གསུངས། །བྱང་ཆུབ་ཆེན་པོའི་རྡོ་རྗེ་ཅན། །ལག་ན་རྡོ་རྗེས་གསོལ་མོད་ལ། །བརྟན་ཞིང་ཟབ་པའི་གསུང་གིས་ནི། །སངས་རྒྱས་རྣམས་ཀྱི་རོལ་པ་བཤད། །བསྒོམ་པའི
127b4 ལམ་ལ་ལེགས་བྱུང་བ། །རྡོ་རྗེ་ཡེ་ཤེས་རྣམས་ཀྱི་ཐབས། །བདེ་བའི་བྱང་ཆུབ་ཐོབ་འགྱུར་བ། །སངས་རྒྱས་ཀུན་དང་སངས་རྒྱས་ཀྱི། །རྗེས་སུ་འབྲང་བའི་འཁོར་ཉོན་ཅིག་།གང་ལ་དངོས་རྣམས་དངོས་མེད་ཅིང་། །མཐའ་གཉིས་ཀྱི་ནི་མཚན་མ་མེད། །དབུས་ལའང་སྤྱོད
127b5 པ་མེད་པ་དག་། དུས་གསུམ་འདས་པའི་ནམ་མཁའ་འདྲ། །ཐབས་དང་ཤེས་རབ་རྣམ་སྤངས་པ། །དེ་ལ་བྱང་ཆུབ་ཇི་ལྟར་རྟོགས། །རྟོགས་པར་འདོད་པ་དེ་དག་ནི། །ཐབས་རྣམས་ང་ཡིས་བཤད་པར་བྱ། །ཕུང་པོ་དངོས་པོ་ཡོང་མེད་པའི། །བྱང་ཆུབ་སེམས་ནི་གྲོགས
127b6 གྱུར་པ། །སྤྲོ་བ་དང་ནི་བཏུང་བ་ཡིས། །སྐུ་གསུམ་མཆོག་ནི་མཆོད་པར་བྱ། །སེམས་ཀྱིས་སྐུ་ནི་ཐོབ་འགྱུར་ཞིང་། །སེམས་ཀྱིས་ཆོས་རྣམས་བསྟན་པ་ཡིན། །སེམས་ཀྱིས་བྱང་ཆུབ་འཐོབ་འགྱུར་བས། །དེ་བཞིན་ཉིད་ཀྱི་རྣམ་པར་བསྒོམ། །སེམས་ནི་སྒྱུ་མའི་རྣམ་པ་སྟེ། །
127b7 བྱང་ཆུབ་ཀྱང་ནི་སྒྱུ་མ་འདྲ། །དཔེར་ན་སྒྱུ་མའི་མཁན་པོ་འགས། །གྱོ་མོ་ལ་ནི་སྔགས་བཟླས་ཏེ། །ལེགས་པར་བྱས་པའི་གཟུགས་དག་ལ། །སྦྱོར་བ་གོམས་པས་བསྣུན་ན་ནི། །རྐང་བཞི་པ་ལ་སོགས་པའི་གཟུགས། །ཞེན་པའི་སེམས་ལ་སྣང་བར་འགྱུར། །དེ་བཞིན
iiif viewer powered by OpenSeadragon
