| e-texts navigator |
| Wylie |
125a1 དབང་ལ་སྒྲོལ་མ་ལུ་གུ་རྒྱུད། །ཡམས་དང་གནོད་པ་གཞིག་པའི་ཕྱིར། །འོད་ཟེར་ཅན་དང་རི་ཁྲོད་མས། །དྲག་ཤུལ་སྤྱད་ལ་མཱ་མ་ཀཱི། །ཁྲོ་གཉེར་ཅན་མ་དག་གིས་བྱ། །འདི་དག་ཤེས་རབ་རོལ་པ་སྟེ། །ཆགས་པའི་རྡོ་རྗེས་རྗེས་ཆགས་པ། །གསང་སྔགས་དེ
125a2 ཉིད་ཀྱིས་བསྐུལ་ན། །གདོན་མི་ཟ་བར་ཕྲིན་ལས་མཛད། །སྤྱན་དང་ལྷ་མོ་སྐུལ་བྱེད་མ། །དབང་པོ་ཞི་བ་ཟླ་འདྲ་བ། །ཕྱག་གཉིས་ན་ནི་བགྲང་ཕྲེང་དང་། །རིལ་བ་སྤྱི་བླུགས་ཀྱིས་བརྒྱན་པ། །དང་པོར་ཏིང་འཛིན་གྱིས་སྤྲུལ་ནས། །བུམ་པ་ཟླ་བའི་མདངས་ལྡན་པ། །བདུད
125a3 རྩིའི་འོ་མས་རབ་བཀང་སྟེ། །ལག་གཉིས་པདྨའི་གདུབ་མཆོག་གིས། །རྣམ་པར་སྣང་མཛད་ཞབས་དྲུང་དུ། །ནད་པ་ལ་ནི་བདུགས་པར་བསམས། །རིན་ཆེན་མ་དང་གོས་དཀར་ཅན། །སྐུ་ཆེ་ཁ་དོག་སེར་པོ་སྟེ། །ལྷ་མོ་སེར་མོ་སྣང་བ་ལ། །ཕྱག་ན་རིན་ཆེན་པདྨ་ཅན། །
125a4 དང་པོར་ཏིང་འཛིན་གྱིས་སྤྲུལ་ནས། །ཡིད་འོང་རྒྱལ་བའི་འདོད་པ་ཡིས། །རིན་ཆེན་འབྱུང་བའི་ཞབས་དྲུང་དུ། །བདུད་རྩིའི་རབ་ཏུ་དགང་བ་དང་། །བླ་མེད་རིན་ཆེན་ཁར་བབ་ན། །རྒྱས་པ་མཚུངས་མེད་མཛེས་པར་འགྱུར། །ལྷ་མོ་སྐུ་ཆེན་མདོག་དམར་བ། །སྒྲོལ་མ་དེ
125a5 བཞིན་ལུ་གུ་རྒྱུད། །ཀུན་ནས་འོད་དམར་འབར་བ་ཅན། །ལྷ་རྫས་ལྕགས་ཀྱུ་ཞགས་ཐོགས་པ། །རབ་ཏུ་བཞད་ཅིང་སྤྱན་ཕྱེ་བས། །འོད་དཔག་མེད་པའི་ཞབས་དྲུང་དུ། །བསྒྲུབ་བྱ་རྒྱགས་པས་མྱོས་པ་དག་།བཀུག་སྟེང་མདའ་ཡིས་བསྣུན་ན་ནི། །སྐད་ཅིག་ཉིད་ལ་དབང་དུ
125a6 མཛད། །མི་ངས་གནོད་པ་གཞིག་པའི་ཕྱིར། །སྐུ་ཆེན་ནམ་མཁའི་ཁ་དོག་ཅན། །འོད་ཟེར་ཅན་དང་རི་ཁྲོད་མས། །རྡོ་རྗེ་དོན་ཡོད་ཞབས་དྲུང་དུ། །མཁས་པས་སྔར་བཤད་ཚུལ་དུ་ནི། །བདུད་རྩི་ཡིས་ཀྱང་རྣམ་པར་བཟློག་།ལྷ་མོ་ཁྲོ་གཉེར་མཱ་མ་ཀཱི། །མ་རྒད་ལྟ་བུའི་མདོག
125a7 ཅན་མ། །ཧཱུ~ཾ་ཞེས་བྱ་བའི་སྒྲ་སྒྲོགས་པ། །རྡོ་རྗེས་བསྡིགས་པར་བརྩོན་པ་ཡིས། །རྡོ་རྗེ་མི་འཁྲུགས་ཞབས་དྲུང་དུ། །ཁྲོས་ནས་རྡོ་རྗེའི་མེ་ཡི་ཆར། །འབེབས་པར་རྣམ་པར་བསམ་པར་བྱ། །རྡོ་རྗེ་རབ་ཏུ་འབར་བ་དེས། །བསྒྲུབ་བྱ་ཚིག་ནས་མོག་ཅེས་བྱེད། །སྦྱོར་བ་འདི་ཡི་མོད་ལ
iiif viewer powered by OpenSeadragon
