| e-texts navigator |
| Wylie |
124b1 མཆོད་པར་བྱ། །རྣམ་པ་ཀུན་དང་ལྡན་པར་ནི། །བདག་ཉིད་ཀྱི་ནི་ལུས་བསྒོམས་ནས། །མྱུར་ཆེས་པ་དང་བུལ་བ་དང་། །མི་གསལ་གུག་སྐྱེད་ཉམས་པ་དང་། །རྟོག་པ་ངན་པ་རྣམ་སྤངས་ནས། །དེ་ནས་གསང་སྔགས་བཟླས་བརྗོད་བྱ། །བཟླས་པས་སྐྱོན་ལག་གཡས
124b2 ཀྱིས། །བསྒྲིམས་ཏེ་རྡོ་རྗེ་གསོར་ནས་ཀྱང་། །གཡོན་པས་རྡོ་རྗེ་དྲིལ་གསིལ་ཞིང་། །རྡོ་རྗེ་གླུ་ཚུལ་སྣ་ཚོགས་དང་། །བ་དན་ཚུལ་དུ་བྱ་བས་མཆོད། །བཟླས་པའི་མཇུག་ནི་བརྟུལ་ནས་ཀྱང་། །གཤེགས་སུ་གསོལ་ཏེ་བདག་ཉིད་བསྲུང་། །ལུས་དང་ངག་དང་སེམས་བསྒོམས
124b3 ཏེ། །བརྟན་པོར་ཅི་བདེར་འགྲོ་བར་བྱ། །བར་ཆད་དུ་ནི་གྱུར་ན་ཡང་། །ཡི་གེ་བརྒྱ་པས་བྱིན་གྱིས་བརླབ། །དེ་ལྟར་སྒོམ་པས་སྒོམ་བྱེད་པ། །རྡོ་རྗེ་ཐེག་པས་རབ་རྫོགས་པའི། །བྱང་ཆུབ་དེས་ནི་མྱུར་ཐོབ་ནས། །ཟླ་ཉའི་དཀྱིལ་འཁོར་ལྟ་བུར་སྣང་། །སྣ་ཚོགས་ལས་ཀྱིས་ཐོག
124b4 འདྲེན་ཅིང་། །རིན་ཆེན་རྒྱལ་མཚན་རབ་དགའ་བྱེད། །ཆགས་ཆེན་པདྨའི་གདུང་རྒྱུད་ཅན། །གནས་ཆེན་འཇིག་རྟེན་དབང་ཕྱུག་འགྱུར། །དཔལ་ལྡན་རིག་སྔགས་ཀུན་གྱི་གཙོ། །དགའ་ཆེན་རྡོ་རྗེ་ལྕགས་ཀྱུར་འགྱུར། །སྒྱུ་མ་བཤིག་པ་ཀུན་ཤེས་ཤིང་། །དྲེགས་པ་འཇོམས
124b5 བྱེད་ཁྲོ་བོར་འགྱུར། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་འདི་ནི་བྱང་ཆུབ་ཀྱི་སེམས་སྒོམ་པའི་ཡེ་ཤེས་སྒྲུབ་པ་རིམ་པར་ཕྱེ་བའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས་དེ་བཞིན་གཤེགས་པ་ཐམས་ཅད་ཀྱི་བཀའི
124b6 འཁོར་ལོ་རབ་ཏུ་སྒྲུབ་པའི་ཡེ་ཤེས་ཀྱི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཕྱི་ནང་གི་འཁོར་ལོ་ཐམས་ཅད་རབ་ཏུ་སྒྲུབ་པའི་ཡེ་ཤེས་ཀྱི་ལས་ཀྱི་སྦྱོར་བ་རབ་འབྱམ་འདི་བཀའ་སྩལ་ཏོ། །ལྷ་ནི་གང་ཡང་རུང་བ་ཞིག་།འཁོར་ལོའི་དབུས་སུ་བཞག་ན་ནི། །དེ་ཡི
124b7 མིང་སྨོས་རྡོ་རྗེ་ཡི། །དཀྱིལ་འཁོར་ཡིན་ཞེས་སངས་རྒྱས་གསུང་། །ཞི་དང་རྒྱས་དང་དྲག་ཤུལ་དང་། །རང་གི་ལས་ལ་སྦྱོར་བ་ན། །འཁོར་ལོའི་རྒྱལ་པོ་རྣམ་བསྒོམས་ནས། །བདག་པོ་ཉིད་ཀྱིས་རབ་ཏུ་བྱ། །ཞི་བ་སྤྱན་དང་སྐུལ་བྱེད་མས། །རྒྱས་ལ་རིན་ཆེན་གོས་དཀར་མོ། །
iiif viewer powered by OpenSeadragon
