| e-texts navigator |
| Wylie |
116b1 གི་མཆོག་། ཀྱེ་མའོ་གསང་བ་ཀུན་འདུས་པ། །ཀྱེ་མའོ་ཞི་བ་ཆོས་ཀྱི་ཚིག་།ཡེ་ཤེས་རྡོ་རྗེ་ཕུར་བུ་རྨད། །གསང་སྔགས་ཀུན་གྱི་ཕུར་བུས་འདི། །བདེ་གཤེགས་བཀའ་ཡི་རྗེས་སུ་བྱེད། །འདི་དག་སངས་རྒྱས་ཀུན་གྱི་སྟེ། །ཕུར་བུ་དེ་ཉིད་རྣམས་ལས་བྱུང་། །དེ་ནས་བཅོམ
116b2 ལྡན་འདས་ཀྱིས་ཆོམ་རྐུན་ཐམས་ཅད་མདོངས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་སྔགས་ཀྱི་རྒྱལ་མོ་ཆེན་མོ་འོད་ཟེར་ཅན་འདི་གསུངས་སོ། །ོ~ཾ་མཱ་རཱི་ཙྱཻ་དེ་བ་ཏཱ་ཡཻ་སྭཱ་ཧཱ། རིག་སྔགས་གསུངས་པའི་མོད་ལ་ནི། །དབང་ཆེན་གྲགས
116b3 པའི་སངས་རྒྱས་ཀུན། །ཐུགས་ནི་དགྱེས་ཤིང་མགུ་བར་འགྱུར། །སྲས་རྣམས་ཀྱི་ནི་སྤྱན་ཡང་ཕྱེ། །འདི་ནི་ལས་རྣམས་ཐམས་ཅད་མ། །ཆོམ་རྐུན་སྡང་བ་འཆིང་མཛད་མ། །འདི་ཡི་སྦྱོར་བ་ལ་གནས་ན། །འགྲོ་བའི་ཚེ་ན་མཐོང་མི་འགྱུར། །དེ་ནས་བཅོམ་ལྡན
116b4 འ་དས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས་སྡང་བ་ཐམས་ཅད་རྣམ་པར་འཇོམས་པ་སེམས་ཅན་ཐམས་ཅད་སྒྲོལ་བར་བྱེད་པའི་ཡེ་ཤེས་ཆེན་པོའི་སྟོབས་ཀྱིས་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྟོང་ཆེན་པོ་རབ་ཏུ་འཇོམས
116b5 པའི་རིག་སྔགས་ཀྱི་རྒྱལ་མོ་འདི་གསུངས་སོ། །ོ~ཾ་མ་ཧཱ་ས་ཧ་སྲ་པྲ་མརྡ་ནཱ་བ་ར་སིདྡྷིཾ་ད་མཱི་གེ་མ་ཎི་བཛྲ་ཎི་ཧཱུ~ཾ་ཕཊ་སྭཱ་ཧཱ། དེ་ནས་རིག་སྔགས་ཆེ་གསུངས་པས། །སངས་རྒྱས་ཞིང་རྣམས་རབ་ཏུ་གཡོས། །བྱང་ཆུབ་སེམས་དཔའ་ཐམས་ཅད་དང་། །བདུད་ཀྱི་རིས་རྣམས་གཡོས
116b6 པར་འགྱུར། །གཙོ་བོ་རྡོ་རྗེ་སྣང་མཛད་པ། །ཐམས་ཅད་ཚིག་བཞིན་བཏུད་ནས་སུ། །བཅོམ་ལྡན་རིག་སྔགས་མཐུ་སྟོབས་ཀྱིས། །གནོད་བགྱིད་ཐམས་ཅད་གཟེར་ལགས་སོ། །གང་ན་རིག་སྔགས་སྟོབས་མོ་ཆེ། །ཕ་རོལ་གནོན་པ་འདི་ཟློས་པ། །དེར་ནི་བདག་ཅག་མི་མཆི་ཞིང་། །
116b7 དེར་ནི་སྲུང་བ་དག་ཀྱང་བགྱི། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས། བརྒྱ་བྱིན་མངོན་པར་མཐོ་བའི་སྟོབས་ལྷ་མ་ཡིན་རྣམ་པར་འཇོམས་པས་རྣམ་པར་རྒྱལ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྒྱལ་མཚན
iiif viewer powered by OpenSeadragon
