| e-texts navigator |
| Wylie |
112b1 ཏུ་བདུད་ཀྱི་རིས་ཐམས་ཅད་དང་། སངས་རྒྱས་ཀྱི་ཞིང་རྣམས་རབ་ཏུ་གཡོས་ཏེ་སྐུ་གསུམ་གྱི་མཆོག་གཙོ་བོ་རྣམ་པར་སྣང་མཛད་དྲན་པར་གྱུར་ཏོ། །སངས་རྒྱས་ཐམས་ཅད་ཀྱི་སྦྱོར་བའི་ཚོགས་བསྐུལ་ན་བརྒྱ་རྩ་བརྒྱད་བཟླས་བརྗོད་བྱས་པ་ཙམ་གྱིས་མོད་ལ
112b2 ཁྲོ་བོ་ཆེན་པོས་གསོད་པར་བྱེད་དོ། །དེ་ནས་བཅོམ་ལྡན་འདས་རྡོ་རྗེའི་དེ་བཞིན་གཤེགས་པ་མི་འཁྲུགས་པས་བཀོད་པ་ཀུན་ཏུ་རྣམ་པར་འཕྲོ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྟོབས་པོ་ཆེ་རྡོ་རྗེ་འདི་སྐུ་གསུམ་ལས་ཕྱུང་ངོ་། །ན་མཿ
112b3 ས་མནྟ་བུདྡྷཱ་ནཱ~ཾ། ཨོ~ཾ་ཧཱུ~ཾ་ཧཱུ~ཾ་ཧཱུ~ཾ། ཕཊ་ཕཊ་ཕཊ། ཨུ་གྲ་ཤཱུ་ལ་པཱ་ཎི་ཧཱུ~ཾ་ཧཱུ~ཾ་ཧཱུ~ཾ་ཕཊ་ཕཊ་ཕཊ། ཨོ~ཾ་ཛྱ་ཏི་ནི་རནཱ་ད་ཧཱུ~ཾ་ཧཱུ~ཾ་ཧཱུ~ཾ་ཕཊ་ཕཊ་ཕཊ། ཨོ~ཾ་མ་ཧཱ་བ་ལཱ་ཡ་སྭཱ་ཧཱ། དེ་ནས་ཁྲོ་བོ་གསུངས་ཙམ་གྱིས། །གདེངས་ཀ་ཡིས་ནི་བསྐོར་བ་ཀུན། །ཡིད་ནི་ཤིན་ཏུ་འཇིགས་སྐྲག་སྟེ། །
112b4 རྡོ་རྗེ་རྣམ་པར་སྣང་མཛད་དྲན། །གསང་སྔགས་རྒྱལ་པོ་བཟླས་པ་ཡིས། །ལས་ཀུན་རབ་ཏུ་གྲུབ་པར་བྱེད། །ཆར་པ་ཆེ་ན་གཅོད་འགྱུར་ལ། །ཆར་པ་ཆུང་ན་རབ་ཏུ་འབེབས། །དེ་ནས་བཅོམ་ལྡན་འདས་ཀྱིས་ཀུན་ཏུ་འབར་བའི་སྙིང་པོ་རྡོ་རྗེ་ཞེས་བྱ་བའི་ཏིང་ངེ
112b5 འཛིན་ལ་སྙོམས་པར་ཞུགས་ནས་ཁྲོ་བོ་ཆེན་པོ་འདོད་པའི་ཁྲོ་བོ་འདི་རྡོ་རྗེ་སྐུ་གསུམ་རྣམས་ལས་ཕྱུང་ངོ་། །ན་མཿས་མནྟ་བུདྡྷ་ནཱ། ཊཀྐི་ཧཱུ~ཾ་ཛཿ། དེ་ནས་ཁྲོ་བོ་གསུངས་པ་ཡིས། །སངས་རྒྱས་ཐམས་ཅད་རབ་ཏུ་འདར། །བྱང་ཆུབ་སེམས་དཔའ་རྣམས་ཀྱང་སྐྲག་།
112b6 བདུད་ཀྱི་དཔུང་རྣམས་ལྟུང་བར་འགྱུར། །རྐང་གཡས་སྣ་ཚོགས་རྡོ་རྗེ་ཡི། །སྦྱོར་བས་མཚན་ནི་མནན་ནས་སུ། །སྐུ་གསུམ་ཡེ་ཤེས་སྟོབས་ལྡན་པས། །ཁྲོ་གཉེར་རིམ་པར་གཉེར་བྱས་ཏེ། །གསང་སྔགས་ཀུན་གྱིས་བཀུག་ནས་སུ། །སེམས་ཅན
112b7 ཐམས་ཅད་དབང་དུ་བྱེད། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས་རྡོ་རྗེ་རབ་ཏུ་འབར་ཞིང་ཁྲོ་བའི་ཡེ་ཤེས་རབ་ཏུ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་ཁྲོ་བོ་མི་གཡོ་བ་གཏུམ་པོ་འདི་རྡོ་རྗེ་སྐུ་གསུམ
iiif viewer powered by OpenSeadragon
