| e-texts navigator |
| Wylie |
98b1 ཕྲེང་བ་མཚུངས་པའི་འོད། །ཀུན་གྱི་ལས་ཅན་གསང་སྔགས་ཀྱི། །རྗོད་པ་རྣམས་ཀྱིས་བརྗོད་བྱས་ནས། །རལ་གྲི་འབར་བས་འཁྲུགས་པའི་སེམས། །འཕྲོ་ཞིང་འཐིབས་པ་ཀུན་དུ་འཁྲུགས། །ཁྲུ་གང་ཙམ་དུ་ཡང་དག་བསྐྱེད། །ཁྲོ་བར་བྱེད་པའི་ཁྱད་པར་བྱ། །
98b2 ཕོ་ཉ་མངག་གཞུག་སོགས་སྔགས་རྣམས། །རྡོ་རྗེའི་དཀྱིལ་འཁོར་སྒོམ་པའོ། །ཉི་མའི་དཀྱིལ་འཁོར་སྦྱོར་བ་ལས། །སྒོམ་པས་མཆོག་ཏུ་མཐོང་བར་འགྱུར། །དབྱུག་པ་ཐོ་བ་དགྲ་སྟ་དང་། །ཞགས་པ་པཊྚི་ས་སྒོམ་པའི། །ཆོ་གས་བསྒོམ་པར་བྱས
98b3 ནས་ནི། །རྡོ་རྗེ་འཆང་རྣམས་མཉེས་པར་བྱེད། །འདི་དེ་སྔགས་རྣམས་ཐམས་ཅད་ཀྱི། །སྐུ་གསུང་ཐུགས་ཀྱི་སྒོམ་པ་སྟེ། །རྡོ་རྗེ་ཡེ་ཤེས་ཅན་གྱིས་གསང་། །ཡེ་ཤེས་དངོས་གྲུབ་ཅན་དུ་བརྗོད། །བཅོམ་ལྡན་འདས་རྡོ་རྗེ་སེམས་དཔས་དེ་སྐད་ཅེས
98b4 གསུངས་སོ། །གང་ཞིག་དངོས་གྲུབ་མཆོག་འདོད་ན། །ཆོ་ག་ཤེས་པས་སྦྱིན་སྲེག་བྱ། །དེ་ཉིད་གསང་བའི་ཏིང་འཛིན་གནས། །རྣམ་པ་སྣ་ཚོགས་སྦྱིན་སྲེག་བརྩམ། །དཀྱིལ་འཁོར་བཞི་ཡི་སྦྱོར་བ་ལས། །རིགས་ཀྱི་ལས་ནི་སྒྲུབ་པར་བྱེད། །ོཾ
98b5 ཡིག་སྔགས་ཀྱི་དབྱེ་བ་ཡིས། །སྒོམ་པས་དངོས་གྲུབ་ཐོབ་པར་འགྱུར། །ཞི་བ་ཅན་ལ་དཀྱིལ་འཁོར་ཟླུམ། །རྒྱས་པ་ཅན་ལ་ཟུར་བཞི་པ། །མངོན་སྤྱོད་ལ་ནི་གྲུ་གསུམ་མཆོག་།དབང་བྱ་གཞུ་ཡི་རྣམ་པའོ། །ཞི་ལ་མེ་ཡི་དབུས་སོན་པར། །
98b6 བདུད་རྩི་ལྟ་བུར་བསྒོམ་པར་བྱ། །དེ་ཉིད་ལ་ནི་ལྷ་ཡི་གཟུགས། །རང་གི་ཚུལ་གྱིས་བསྒོམ་པར་བྱ། །བདག་ཉིད་བདག་པོའི་ཚུལ་གྱིས་ནི། །འདི་ནི་རྡོ་རྗེའི་ཚུལ་ལས་བྱུང་། །ཁ་ནི་རབ་ཏུ་གདངས་བྱས་ནས། །མེ་སྟག་འཐིབས་པས་འཁྲུགས་པ་ཡི། །
98b7 སྔགས་པས་ལྕེ་ཡི་དབུས་སོན་པར། ཧཱུ~ཾ་ཡིག་དེ་ཡིས་བསམ་པར་བྱ། །བཅོམ་ལྡན་འདས་སྦྱིན་སྲེག་རྡོ་རྗེས་དེ་སྐད་ཅེས་གསུངས་སོ། །ཆོ་ག་ཤེས་པས་འོ་མ་སྦྲང་། །མར་ནི་ཞི་བའི་རིགས་ལ་སྤྱད། །མར་ཁུ་ཆེན་པོའི་བྱེ་བྲག་ལས། །ཡེ་ཤེས་རྡོ་རྗེའི་རིགས
iiif viewer powered by OpenSeadragon
