| e-texts navigator |
| Wylie |
98a1 རང་གི་སྔགས་ཀྱི་མཆོག་། ཕྱག་རྒྱ་ཤེས་ནས་སྒྲུབ་པ་པོ། །ཆོ་ག་ཤེས་པས་བསྐྱེད་པར་བྱ། །མྱུར་དུ་འགྲུབ་བྱེད་གཞན་དུ་མིན། །ཕྱག་རྒྱ་ཆེན་པོར་རབ་བསྒོམས་ནས། །ནམ་མཁའི་ལམ་གྱི་དབུས་ལས་ནི། །དབུས་སུ་ཉི་མ་དང་མཚུངས
98a2 པའི། །དཀྱིལ་འཁོར་དགེ་བ་བསྒོམ་པར་བྱ། །སྔགས་པས་དཀྱིལ་འཁོར་ལས་ངོས་སུ། །ཟླ་བའི་དཀྱིལ་འཁོར་བསྒོམ་པར་བྱ། །བདག་པོའི་གཟུགས་ནི་ཡང་དག་བསྐྱེད། །དེ་ཡིས་མི་གཡོ་བསྒོམ་པར་བྱ། །རིན་ཆེན་བཞི་བྱུང་སྒོ་ང་རུ། །སྦྲང་རྩི་མར
98a3 གྱིས་རབ་ཏུ་དགང་། །སྔགས་ཀྱི་ཡི་གེ་རྣམ་བསྒོམས་ནས། །བསམ་པ་དེ་ཡིས་སྦྱིན་སྲེག་བྱ། །དཀྱིལ་འཁོར་ལྔ་ཡི་ཚུལ་གྱིས་ནི། །དབུས་སུ་ཧཱུ~ཾ་གི་ཡི་གེ་འགེངས། །འབར་བའི་ཕྲེང་བ་འཐིབས་པ་ནི། །ཀུན་ནས་རྣམ་པར་འཕྲོ་བར་བྱེད། །དེ་ལ་གནས་པས
98a4 ལྷ་ཡི་གཟུགས། །ཚིམ་པའི་དམ་ཚིག་གསུམ་འབྱུང་བས། །ཆོ་ག་ཤེས་པས་གཙུག་ཏོར་གྱིས། །གཙུག་ཏོར་རྣམས་ནི་བསྒོམ་པར་བྱ། །བདག་པོའི་སྔགས་ནི་ཡང་དག་བསྐྱེད། །མཉམ་པར་བཞག་པས་བསྒོམ་པར་བྱ། །ཀུན་ནས་སོར་མོ་བཅུ་གཉིས
98a5 པའི། །ུཏྤལ་ཆེན་པོ་འདབ་བརྒྱད་པ། །ཆོས་ཀྱི་དཀྱིལ་འཁོར་དབུས་གནས་པར། །དེ་ཉིད་ཀྱིས་ནི་བསྒོམ་པར་བཤད། །རྩེ་མོ་ལྔ་པའི་རྡོ་རྗེ་ཆེ། །ུཏྤལ་སྔོན་པོ་མཚུངས་པའི་འོད། །ཱ་ལི་བཅུ་དྲུག་ཡང་དག་ལྡན། །རྟག་ཏུ་བསྒོམ་བྱ་འགྲུབ་པར
98a6 འགྱུར། །སྔགས་པས་སོར་མོ་ཉི་ཤུ་པའི། །རྩེ་གསུམ་སེར་པོ་དང་མཚུངས་པ། །ཆོ་ག་ཉིད་ཀྱིས་བསྒོམས་བྱས་ན། །འགྲུབ་འགྱུར་འདིར་ནི་ཐེ་ཚོམ་མེད། །པདྨ་ལས་ཀྱི་རྡོ་རྗེ་དང་། །ཡིད་བཞིན་ནོར་བུ་གསུམ་པ་ཅན། །བདག་པོའི་སྔགས་ནི
98a7 ཡང་དག་བསྐྱེད། །མྱུར་དུ་སྒྲུབ་བྱེད་གཞན་དུ་མིན། །འཁོར་ལོ་དེ་བཞིན་པད་རྡོ་རྗེ། །བསམས་ནས་རྡོ་རྗེའི་ཆོ་ག་ལས། །སྒོམ་པའི་གོ་འཕང་གིས་བསྒྲུབ་བྱ། །གཞན་དུ་འདི་ནི་འགྲུབ་མི་འགྱུར། །རྡོ་རྗེ་ཆེན་པོ་མདུང་སོགས་བཅས། །འབར་བའི
iiif viewer powered by OpenSeadragon
