| e-texts navigator |
| Wylie |
97b1 ཆོ་ག་ཤེས་པས་གཟུགས་བྱས་ནས། །ངོས་སུ་ཧ~ཾ་ཡིག་ཡང་དག་སྦྱར། །དབུས་སུ་རང་གི་རྣམ་པ་བསྒོམ། །འཛམ་བུ་ནཱ་ད་མཚུངས་པའི་འོད། །འདོད་མཆོད་གཟུགས་ནི་བསྐྱེད་པར་བྱ། །ལག་ཏུ་མདུང་རྩེ་གསུམ་བསྒོམས་ནས། དེ་ཡི་སྙིང་གར
97b2 དཀྱིལ་འཁོར་དགོད། ཆོས་ཀྱི་དབང་ཕྱུག་གཟུགས་བསྒོམས་ནས། །ཕྱི་ནས་བྱ་བ་ཡང་དག་བརྩམ། །སྒྲོན་མ་འབྱུང་བ་ཞེས་བྱ་བ་བཅོམ་ལྡན་འདས་འདོད་པའི་མཆོད་པའི་ཏིང་ངེ་འཛིན་རྫོགས་སོ།། །།ཡང་ན་བརྟུལ་ཞུགས་ཅན་གྱིས་ནི། །བསྡུ
97b3 བས་སངས་རྒྱས་གཟུགས་བསྒོམ་བྱ། །གཙུག་ཏོར་སྔགས་དང་ཁྲོ་བོ་དང་། །རིག་པའི་རྒྱལ་པོ་རིགས་བཅས་པས། །ལས་རྣམས་ཐམས་ཅད་པ་ཡི་སྔགས། །བཞིན་དུ་དེ་བཟླས་བྱ། །དབུས་སུ་བདག་པོ་བསྒོམས་ནས་ནི། །ངོས་སུ་ལྷ
97b4 རྣམས་དགོད་པར་བྱ། །སྙིང་པོ་སྦྱོར་བ་དེ་རྣམས་སུ། །ཟླ་བའི་དཀྱིལ་འཁོར་བསྒོམ་པར་བྱ། །སྔགས་ཀྱི་ཡི་གེ་མཆོད་བསྒོམས་ནས། །དེ་ཡིས་ལྷ་རྣམས་རྣམ་བསྒོམ་པ།།ཐམས་ཅད་ཀྱི་ནི་ལག་པར་ནི།།རྡོ་རྗེ་འཁོར་ལོ་པདྨ་བསྒོམ། །མདུང
97b5 དང་ཡིད་བཞིན་ནོར་བུ་ཡང་། །བསྒོམས་ནས་མྱུར་དུ་སྒྲུབ་བར་བྱེད། །སྔགས་པས་རང་སྔགས་བཟླས་བྱ་སྟེ། །ཟླ་བའི་དཀྱིལ་འཁོར་བསྒོམས་པ་ཡིས། །ངོས་སུ་ཟླ་བ་ཡང་དག་སྦྱོར། །དབུས་སུ་སེར་པོ་རྣམ་བསྒོམ་བྱ། །བསྡུས་ཏེ་གོང་བུའི་ཚུལ་གྱིས་ནི། །
97b6 རང་གི་ལུས་ལ་དགོད་པར་བྱ། །སངས་རྒྱས་ཐམས་ཅད་རབ་བསྐུལ་བས། །འདི་ནི་རེངས་པར་བྱེད་པའི་མཆོག་།དུས་རྣམས་ཀུན་དུ་རྣམ་བསྒོམས་ནས། །ངེས་པར་བསྐལ་པར་དེ་གནས་འགྱུར། །ཆོ་ག་ཤེས་པས་མི་བསྐྱོད་སོགས། །ཉི་མའི་དཀྱིལ་འཁོར
97b7 ལ་དགོད་བྱ། །རིགས་ཀྱི་དབང་བྱུག་རྣམ་བསྒོམས་ནས། །ཟླ་བའི་དཀྱིལ་འཁོར་དགོད་པ་ནི། །ཐོག་མ་ཐ་མར་བསམ་གཏན་འདི། །བཞི་ཡི་དབུས་སུ་བསམ་པར་བྱ། །དེ་ཡིས་སངས་རྒྱས་ཉིད་བསྒྲུབས་ན། །ཡུན་མི་རིང་བར་སངས་རྒྱས་འགྱུར། །དེ་ཡི
iiif viewer powered by OpenSeadragon
