| e-texts navigator |
| Wylie |
97a1 མེད་གཟུགས་ནི་བསྐྱེད་ནས་ནི། །གསལ་བའི་རལ་པ་འཆང་ཞི་བ། །ཅོད་པན་ལྔ་ནི་འཛིན་པ་པོ། །སྣ་ཚོགས་འོད་ཟེར་མཉམ་པའི་འོད། །སངས་རྒྱས་གཟུགས་སུ་རྣམ་བསྒོམས་ནས། །དཀྱིལ་འཁོར་དུ་བཞུགས་བསམས་ནས་ནི། །དེ་ཡི
97a2 སྔགས་ནི་རྣམ་བསྒོམ་བྱ། །སངས་རྒྱས་གཟུགས་ནི་དེ་རྣམས་སུ། །རྡོ་རྗེ་སེམས་དཔའ་རྣམ་བསྒོམས་པས། །གཙུག་ཏོར་དེ་ཡི་བཟླས་པ་བྱ། །ཁྲོ་བོ་གང་གཞན་འབྱུང་བས་ཀྱང་། །རིགས་རྣམས་ཐམས་ཅད་ཉིད་ཀྱི་ཡང་། །བསྐྱེད་པའི་ཆོ་གར་འགྱུར་བ་ཡིན། །རྡོ
97a3 རྗེ་གསུམ་ཀུན་དུ་འབྱུང་བ་ཞེས་བྱ་བའི་ཏིང་ངེ་འཛིན་རྫོགས་སོ། ། །།དེ་ནས་བཅོམ་ལྡན་འདས་ཀྱིས་རྡོ་རྗེ་འཆང་ཆེན་པོ་རྡོ་རྗེ་གསུམ་གྱི་ཡེ་ཤེས་ཞེས་བྱ་བའི་ཏིང་ངེ་འཛིན་གསུངས་སོ། །ཆོ་ག་ཤེས་པས་དེ་ཐམས་ཅད། །ོཾ་ཡིག་དབུས་སུ་རྣམ་བསྒོམ་བྱ། །
97a4 འབར་བའི་ཕྲེང་བས་རྣམ་བརྒྱན་པའི། ཧཱུ~ཾ་ཡིག་མཐར་ནི་རྣམ་བསྒོམས་ནས། །དབུས་སུ་རྡོ་རྗེ་འཆང་བསམས་ནས། །ིནྡྲ་ནཱི་ལ་མཚུངས་པའི་འོད། ཞི་བ་རལ་པའི་ཅོད་པན་འཆང་། ཕྱག་ན་རྡོ་རྗེ་རྣམ་བསྒོམ་བྱ། རྣམ་པར་སྣང་མཛད་རྣམ་བསྒོམས
97a5 ནས། འོད་ཟེར་སྣ་ཚོགས་མཚུངས་པའི་འོད། བསམས་ནས་དེ་ཡི་ཐུགས་ཀ་རུ། །ཟླ་བར་སྔགས་ཀྱི་ཡི་གེ་བསྒོམ། །བཅོམ་ལྡན་འདས་རྡོ་རྗེ་སེམས་དཔའི་ཏིང་ངེ་འཛིན་རྫོགས་སོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་བཅོམ་ལྡན
97a6 འདས་སྤྱན་རས་གཟིགས་དབང་ཕྱུག་གི་ཏིང་ངེ་འཛིན་འདི་གསུངས་སོ། །དེ་བཞིན་ཉིད་དུ་ཀུན་བྱས་ནས། །དབུས་སུ་ཧ~ཾ་ཡིག་སྒོམ་པ་ནི། །ངོས་སུ་རང་གི་གཟུགས་ལྟར་བྱས། །རྡོ་རྗེ་དམར་པོ་རྣམ་བསྒོམ་བྱ། །དབུས་སུ་ཆོས་འཆང་བསམས་ནས་ནི། །པདྨ
97a7 རཱ་གའི་དབང་མཚུངས་པ། །ཕྱག་ན་པདྨ་འདབ་བརྒྱད་པ། །དེ་ཡི་དབུས་སུ་རྣམ་བསྒོམ་པ། །ཐུགས་ཀར་ཟླ་བའི་དཀྱིལ་འཁོར་ནི། །བསམས་ནས་སྔགས་ནི་རྣམ་བསྒོམ་བྱ། །བཅོམ་ལྡན་འདས་ཆོས་ཀྱི་དབང་ཕྱུག་གི་ཏིང་ངེ་འཛིན་གྱི་ཆོ་ག་རྫོགས་སོ།། །།
iiif viewer powered by OpenSeadragon
