| e-texts navigator |
| Wylie |
96b1 སྣང་མཛད་ཆེན་པོའི་ཐུགས་ཀར་གནས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་སྔགས་ཡིད་བཞིན་གྱི་ནོར་བུའི་ལེའུ་བསྟན་པར་བགྱིའོ། །དེ་བཞིན་གཤེགས་པ་ཐམས
96b2 ཅད་ཀྱིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ནི་གཡོ་བར་བྱེད་པ་ཞེས་བྱ་བ་བསྟན་དུ་གསོལ། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་དེ་བཞིན་གཤེགས་པ་ཐམས་ཅད་ཀྱི་གནས་ལྔར་ཡིད་བཞིན་གྱི་ནོར་བུའི་སྔགས་ཀྱི
96b3 ཏིང་ངེ་འཛིན་གྱི་ལེའུ་འདི་གསུངས་སོ། །བྱིན་རླབས་ལ་སོགས་སྔགས་སོགས་ཀྱིས། །དེ་ཉིད་སྣ་ཚོགས་རྣམ་བསྒོམ་པ། །ཆོ་ག་ཤེས་པས་དེ་སྟེང་དུ། །ཡི་གེ་བཞི་ནི་རྣམ་བསྒོམ་པ། །བདག་ཉིད་དབུས་སུ་སོན་བྱས་ནས། །རང་གི་གཟུགས་སུ་གཟུགས
96b4 མཚོན་པ། །རང་སེམས་བྱང་ཆུབ་ཡང་དག་འབྱུང་། །ཆོ་ག་ཤེས་པས་ཀུན་དགང་བྱ། །དེ་ཡིས་སངས་རྒྱས་ཉིད་འགྲུབ་འགྱུར། །སྒོམ་པ་འདི་ཉིད་རབ་སྒྲུབ་བྱེད། །ཟླ་བའི་དཀྱིལ་འཁོར་དབུས་གནས་པར། །ཤེལ་དང་ཟླ་བ་མཚུངས་པའི་འོད། །ཉི་མའི
96b5 དཀྱིལ་འཁོར་དབུས་སུ་ནི། །བཞི་ལྔའི་ཡི་གེ་རྣམ་བསྒོམས་ནས། །ཡི་གེ་ལྔ་ནི་རྣམ་བསྒོམ་བྱ། །སྔགས་པས་ལུས་ཀྱི་དབུས་སོན་པར། །ོཾ་ཡིག་སེར་པོ་དང་མཚུངས་པ། །འོད་ཟེར་ལྔ་པོ་ཀུན་དུ་འཁྲུགས། །དེར་སོན་བདག་ཉིད་སྔགས་པས་སྒོམ། །
96b6 དབུས་སུ་ཧཱུ~ཾ་ཡིག་ཡང་དག་སྦྱོར། །རང་གཟུགས་དགེ་བ་བསྒོམ་པར་བྱ། །འཛམ་བུ་རཱ་ད་མཚུངས་པའི་འོད། །གཟུགས་བརྙན་ཚུལ་གྱིས་བསྐྱེད་ནས་ནི། །མཚན་ཉིད་ཐམས་ཅད་ཡོངས་རྫོགས་པ། །ཡིད་དུ་འོང་བ་བསྒོམ་པར་གྱིས། །སངས་རྒྱས་གཟུགས
96b7 བརྙན་དེ་རྣམས་སུ། །འོད་ཟེར་ལྔ་ནི་རྣམ་བསྒོམ་བྱ། །རྣམ་སྣང་མཛད་གཟུགས་འོད་ཟེར་གྱིས། །ནམ་མཁའི་ཁམས་ནི་ཀུན་བཀང་བར། །བསམས་ནས་ཆོ་ག་ཤེས་པས་དེར། །བསྡུས་ནས་དེ་ལ་ལྟུང་བར་བྱ། །ཟླ་བ་འཆར་བས་མཚན་པ་ཡི། །མཉམ
iiif viewer powered by OpenSeadragon
