| e-texts navigator |
| Wylie |
96a1 བཅུ་དགུ་པ་རྫོགས་སོ། ། །།དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྒྲུབ་པ་པོ་ཐམས་ཅད་ཀྱི་སྡོམ་པའི་ལེའུ་གསུངས་སོ། །བཤང་དང་གཅི་བ་བཟའ་བར་བྱ། །སེམས་ཅན་ཀུན་ལ་བདེ་བ་སྦྱིན། །རྡོ་རྗེ་འཆང་རྒྱལ་དེ
96a2 ཉིད་ནི། །ཀུན་མཆོག་ས་ཡི་དབང་ཕྱུག་གོ། །རྨ་དགུ་ལས་ནི་ཡང་དག་བྱུང་། །འགའ་ཞིག་ཏུ་ནི་བཟའ་བར་བྱ། །རྡོ་རྗེ་འཛིན་པ་ཀུན་གྱི་རྒྱལ། །ཀུན་མཆོག་ས་ཡི་དབང་ཕྱུག་གོ། །འདོད་ཆགས་བཟའ་བར་བྱ་བ་ནི། །ཕན་དང་བདེ་བ་ཐམས་ཅད་སྦྱིན། །
96a3 དེ་ནི་རྡོ་རྗེ་འཆང་རྒྱལ་པོ། །ཀུན་མཆོག་ས་ཡི་དབང་ཕྱུག་གོ། །ཞེ་སྡང་བཟའ་བར་བྱ་བ་ནི། །རྡོ་རྗེ་ཡེ་ཤེས་རབ་རྟོགས་བྱེད། །དེ་ཉིད་རྡོ་རྗེ་འཆང་རྒྱལ་པོ། །ཀུན་མཆོག་ས་ཡི་དབང་ཕྱུག་གོ། །གཏི་མུག་བཟའ་བར་བྱ་བ་ནི། །ཡེ་ཤེས་ཐམས་ཅད་རྟོགས་པ་པོ། །
96a4 དེ་ཉིད་ཞི་བ་འཛིན་རྒྱལ་པོ། །སངས་རྒྱས་རྣམ་པར་སྣང་མཛད་གཞི། །བདེ་སྡུག་བཟའ་བར་བྱ་བ་ནི། །སློབ་དཔོན་ཇི་སྲིད་འཚོ་ཡི་བར། དེ་ཉིད་ཞི་བ་འཛིན་རྒྱལ་པོ། །སངས་རྒྱས་རྣམ་པར་སྣང་མཛད་གཞི། སློབ་དཔོན་ཇི་སྲིད་འཚོ་ཡི་བར། ཆོས་དང་ཆོས་མིན
96a5 བཟའ་བར་བྱ། དེ་ཉིད་རྡོ་རྗེ་འཆང་རྒྱལ་པོ། །ཀུན་མཆོག་དེ་ཉིད་སྟོན་པ་པོ། །ཇི་སྲིད་འཚོ་བར་འགའ་ཞིག་ཏུ། །སེམས་ཅན་ཁམས་ནི་བཟའ་བར་བྱ། །དེ་ཉིད་རྡོ་རྗེ་འཛིན་རྒྱལ་པོ། །ཀུན་མཆོག་ས་ཡི་དབང་ཕྱུག་གོ། །ཇི་སྲིད་འཚོ་བར་སྨད་པ་ཡི། །
96a6 བྱ་བ་ཐམས་ཅད་མི་བྱའོ། །དེ་ཉིད་པདྨ་འཆང་རྒྱལ་པོ། །ཀུན་མཆོག་ས་ཡི་དབང་ཕྱུག་གོ། །དེ་ནས་དེ་བཞིན་གཤེགས་པ་རྣམས་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཆོས་ཉིད་དང་ཡི་གེ་ཐོས་ནས་ངོ་མཚར་ཐོབ་ནས་རྡོ་རྗེ་འཆང་ཐམས་ཅད
96a7 ལ་འདི་སྐད་ཅེས་གསོལ་ཏོ། །རིགས་ཀྱི་བུ་འདི་ནི་ངོ་མཚར་ཏེ་གང་དུ་ཐམས་ཅད་མཁྱེན་པའི་ཡེ་ཤེས་ཀྱི་བདག་པོ་དེ་དག་གི་མིང་ཡང་ཤེས་པར་བྱ་བ་མ་ཡིན་ན། གཞན་ལྟ་ཅི་སྨོས་ཞེས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་བཅོམ་ལྡན་འདས་རྣམ་པར
iiif viewer powered by OpenSeadragon
