| e-texts navigator |
| Wylie |
95b1 མེ་ལ་བསྲེག་། ངེས་པར་མྱུར་དུ་འགྲུབ་པར་བྱེད། །ལྷ་སྦྱིན་ཞེས་ནི་བྱས་ནས་ནི། །གང་གིས་འདི་ནི་རབ་གསལ་བྱེད། །གལ་ཏེ་འདིར་ནི་སངས་རྒྱས་རུང་། །གང་དེ་ཐལ་བར་བྱེད་པར་འགྱུར། །མཁས་པས་མཚན་མོ་ཕྱེད་ལ་ཡང་། །ཉི་མའི་གུང་ལ་སྦྱིན་སྲེག
95b2 བྱ། །བསྐལ་པ་གཅིག་གི་བར་གྱི་ཡང་། །སྦྱིན་བྱེད་གཞན་དུ་ནམ་ཡང་མིན། །གལ་ཏེ་སངས་རྒྱས་སམ་འགའ་ཞིག་།རྨོངས་པའི་སེམས་ཀྱིས་འདས་ན་ནི། །མགོ་བོ་ཚལ་པ་བདུན་དུ་འགས། །བྱང་ཆུབ་སེམས་ནི་རང་གིས་གསུངས། །རེངས་དང
95b3 འབེབས་པ་དང་པོར་གྲགས། །གཉིས་པས་ཞེས་བྱ་བར་བརྗོད། །གསུམ་པ་ལྷ་ཡི་མཆོག་ཡིན་ནོ། །བཞི་པ་འཕགས་པའི་ཡུལ་དུ་ཡང་། །ཕྱག་ན་རྡོ་རྗེར་གྲགས་པ་ཡིན། སྙིང་པོ་ཀུན་གྱི་སྦྱོར་བ་ཡིས། བྱ་བ་མྱུར་དུ་འགྲུབ་པར་བྱེད། རེག་པ་སྣ
95b4 ཚོགས་སོགས་དང་གནས། །སྐྱེད་མོས་ཚལ་དང་དགའ་སྟོན་ཆེ། །དཀྱིལ་འཁོར་དེ་ལ་བྱ་བ་ནི། །བདུག་པ་བྱིན་ནས་ཡང་དག་བརྩམ། །ག་ལ་ཏེ་བརྒྱ་བྱིན་ནམ་ཚངས་པ། །སངས་རྒྱས་སམ་ཡང་བློ་གྲོས་ཆེ། །ཆོ་ག་ཤེས་པས་ཞག་བདུན་གྱིས། །
95b5 འཇོམས་འགྱུར་འདིར་ནི་ཐེ་ཚོམ་མེད། །ཆོ་ག་ཤེས་པས་ཁྲག་གིས་བྱུགས། །རང་ཉིད་རང་གི་ལུས་སུ་བྱ། །སྐྲ་གྲོལ་གཙུག་ཏོར་གྱུར་ནས་ནི། །མི་སྡུག་མ་ཆེ་གཙིགས་འཇིགས་པར་བྱེད། །དུར་ཁྲོད་ཁྱིམ་དུ་ཡང་དག་སྦྱོར། །རང་གིས་དེ་ཡི་མིང་བྲི་བྱ། །
95b6 སྟོང་ཕྲག་གཅིག་ཏུ་བཟླས་ནས་ནི། །ངེས་པར་སངས་རྒྱས་ཀྱང་འཛིན་བྱེད། །ཆོ་ག་ཤེས་པས་གཤེར་བའི་གོས། །ཁྲོ་བོའི་སེམས་ཀྱིས་རབ་ཞུགས་ནས། །ལིང་ག་རྐང་པས་མནན་ནས་ནི། །སངས་རྒྱས་ཀྱང་ནི་ངེས་པར་འཇོམས། །ཁྱབ་འཇུག་ལྷ་མིན་ལ
95b7 སོགས་ལྷ། །རྐང་པར་བྱས་ནས་བརྩམ་པར་བྱ། །ཆོ་ག་ཤེས་པས་ཉིན་བདུན་གྱིས། །ཁམས་གསུམ་པོ་ཡང་འཇོམས་པར་བྱེད། །བཅོམ་ལྡན་འདས་རྣམ་པར་སྣང་མཛད་ཆེན་པོ་སྔགས་ཐམས་ཅད་འཆད་བས་དེ་སྐད་ཅེས་གསུངས་སོ། །གསང་བ་ཆེན་པོའི་ལེའུ
iiif viewer powered by OpenSeadragon
