| e-texts navigator |
| Wylie |
95a1 ངེས་པར་ཟླ་བས་འགྲུབ་པར་བྱེད། །སྐེ་ཚེ་དུག་དང་ཡང་དག་ལྡན། །ཏིག་ཏའི་ཤིང་གི་སྦྱིན་སྲེག་གིས། །བསྙེན་པ་སོགས་ནི་དེ་བསྐྱེད་ནས། །གསང་སྔགས་སྒྲུབ་པ་ཀུན་སྤྱད་བྱ། །དེ་ལ་སྡོམ་པ་བཟུང་ནས་ནི། །ངེས་པར་འགྲུབ་བྱེད་གཞན་དུ
95a2 མིན། །གསང་སྔགས་ཆོ་ག་ཀུན་ཐོབ་ནས། སྔགས་པས་བསྙེན་པ་འགྲུབ་པར་བྱེད། དེ་ཕྱིར་སྔགས་པས་ཁྱད་པར་གྱི། །སྡོམ་པ་སོ་སོར་བསྒྲུབ་པར་བྱ། །གང་ཉིད་སྡོམ་པར་ཡང་དག་བརྗོད། །དེ་ཉིད་བརྟུལ་ཞུགས་ཅན་གྱིས་བསྲུང་། །གཞན་དུ
95a3 ནམ་མཁའ་ཇི་སྲིད་པར། །མནར་མེད་དམྱལ་བར་ཀུན་ཏུ་འབྱུང་། །ཇི་སྲིད་འཚོ་བར་ཆོ་ག་བཞིན། །སློབ་དཔོན་སྡོམ་པ་སྲུང་བ་ལ། །དེ་ཡིས་སངས་རྒྱས་ཉིད་དུ་འགྲུབ། །སྣ་ཚོགས་འཛིན་པ་ཀུན་གཞི་ཡི། །མཉམ་མེད་གསང་སྔགས་བཟླས་ནས་ནི། །
95a4 སྒྲུབ་པའི་བདག་ཉིད་ཅན་གྱིས་བསྒྲུབ། །ཟླ་བ་གཅིག་གིས་འཇིག་རྟེན་གསུམ། །དེ་ཡིས་འགྲུབ་འགྱུར་ཐེ་ཚོམ་མེད། །རྣམ་ཤེས་ལས་ཀྱང་བྱུང་བའི་སྔགས། །འབུམ་ཕྲག་དྲུག་ཏུ་བཟླས་ནས་ཀྱང་། །རྡོ་རྗེ་སེམས་དཔར་ཕྱག་བྱས་ནས། །ཟླ་བ་ཉ་ལ་དེ་འགྲུབ
95a5 འགྱུར། །སྔགས་དང་ཕྱག་རྒྱའི་རབ་དབྱེ་བས། །ངེས་པར་སངས་རྒྱས་ཀྱང་ཐོབ་བྱེད། །ཕྱག་རྒྱའི་དབྱེ་བ་རབ་བཀོད་པ། །ངེས་པར་ལྷ་རྣམས་སྤྱན་དྲངས་མེད། །ངག་བདག་གང་ཉིད་ཚོལ་བྱེད་པ། །དེ་ཉིད་རྟག་ཏུ་འབད་བྱའོ། །མཁས་པས་རབ་མཆོག
95a6 སངས་རྒྱས་ལ། །སོགས་པའི་ཕྱག་རྒྱ་བཅིང་བྱས་ནས། །དེ་རྣམས་སྔགས་ནི་བཟླས་ནས་ནི། །རྟག་ཏུ་ངེས་པར་སྦྱིན་པར་བྱ། །སྔགས་པས་རྒྱལ་པོའི་བུ་མོ་གང་། །གལ་ཏེ་སངས་རྒྱས་བུ་མོའང་རུང་། །བཟུང་ནས་ཉེ་བར་ལོངས་སྤྱད་བྱ། །ཇི་སྲིད་ཡིད་ནི
95a7 ཚིམ་པར་འགྱུར། །དུག་དང་སྐེ་ཚེ་ཡང་དག་ལྡན། །ཡུངས་ཀར་ཏིལ་མར་བསྲེས་པ་དང་། །རུས་པ་རྡོ་བར་ཡང་དག་ལྡན། །མ་ཏྲི་ཏྲཾ་དེ་ཕྱེ་མར་བྱ། །བཤང་དང་གཅི་བ་རབ་བཅུག་ནས། །བརྟུལ་ཞུགས་ཅན་གྱི་ཁྱད་པར་གྱིས། །ཟུར་གསུམ་མགྲིན་པའི
iiif viewer powered by OpenSeadragon
