| e-texts navigator |
| Wylie |
94b1 འགྱུར་འདིར་ནི་ཐེ་ཚོམ་མེད། །སློབ་དཔོན་གང་ཞིག་སློབ་མའི་ཕྱིར། །ཕྱག་འཚལ་བ་ནི་བསྒྲུབ་པར་བྱ། །བསྐལ་པ་དྲུག་ཅུར་དེ་དམྱལ་བའི། །སྡུག་བསྔལ་མྱོང་བར་འཚེད་པར་འགྱུར། །དེ་ལྟར་ཡོན་ཏན་ཁྱད་འཕགས། །ཟླ་བ་དྲུག་གིས་ར་བ་གསལ་བྱ། །
94b2 གལ་ཏེ་གཞན་དུ་བདག་རྨོངས་ན། །མནར་མེད་ལྟ་བུར་འཚེད་པར་འགྱུར། །གང་ཉིད་སློབ་དཔོན་ཚོལ་བྱེད་པ། །དེ་ཉིད་སོ་སོར་བསྒྲུབ་པར་བྱ། །རྡོ་རྗེ་ཡེ་ཤེས་རབ་བསྐུལ་བས། །དངོས་གྲུབ་ཡངས་པར་དེར་འགྲོ་འགྱུར། །ཡོན་ཏན་འདི་རྣམས་གང་གིས
94b3 འགས། །བསོད་ནམས་འབྱུང་བར་ཤེས་པར་བྱ། །སློབ་དཔོན་འདི་ཡི་རྒྱུད་ལ་སོགས། །དེ་ལྟ་བུ་སོགས་གསལ་བྱ་མིན། །དེ་ལྟར་བདག་ཉིད་དག་པ་ཐོབ། །ཆོས་ཀྱི་དེ་ཉིད་ཆོ་གས་གནས། །དེ་ཡིས་སློབ་དཔོན་རབ་གསལ་བྱ། །མྱུར་དུ་འགྲུབ
94b4 འགྱུར་གཞན་དུ་མིན། །སངས་རྒྱས་གནས་ལ་གནས་པ་ཡིས། །གང་དེ་མགུ་ནས་རྡོར་སེམས་མཆོག་།མྱུར་དུ་འགྲུབ་བྱེད་གཞན་དུ་མིན། །སངས་རྒྱས་སངས་རྒྱས་ཉིད་ཐོབ་པ། །དེ་མགུ་བྱེད་པ་མཆོག་འབྱུང་འགྱུར། །དེ་ཡིས་འཇིག་རྟེན་གསུམ
94b5 འགྲུབ་སྟེ། །སངས་རྒྱས་ཡེ་ཤེས་རང་ཉིད་ཀྱང་། །དེ་བཞིན་གཤེགས་པའི་གསང་བ་རྡོ་རྗེ་སེམས་དཔའ་མཉེས་པར་བྱེད་པའི་ལེའུ་སྟེ་བརྒྱད་པ་རྫོགས་སོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྔགས་ཐམས་ཅད་ཀྱི
94b6 ལེའུ་གསུངས་སོ། །སྐྱེད་མོས་ཚལ་དང་རྣམ་པར་དབེན། །ཆུ་ཀླུང་རབ་ཏུ་འབབ་པ་དང་། །རི་དང་རྣམ་པར་བཀྲ་བ་རུ། །སྒྲུབ་པའི་གོ་འཕང་གིས་བསྒྲུབ་བྱ། །ཟླ་བ་གཅིག་གིས་འགྲུབ་པར་འགྱུར། གལ་ཏེ་མིན་ན་དེ་འགྲུབ་མིན། །དབེན་དང
94b7 གཞན་པའི་ཡུལ་རྣམས་སུ། །སེམས་ནི་གང་དུ་རབ་དགྱེས་བྱེད། །གསང་སྔགས་འབར་བས་བྱིན་བརླབས་པ། །དེ་ལ་སངས་རྒྱས་ཉིད་འགྲུབ་འགྱུར། །རྒྱ་མཚོ་དང་ནི་ཆུ་ཀླུང་ཆེ། །རི་བོ་ཆེན་པོའི་རྩེ་རྣམས་སུ། །ཡན་ལག་ཐ་དད་མིན་སྔགས་བཟླས། །
iiif viewer powered by OpenSeadragon
