| e-texts navigator |
| Wylie |
94a1 གནས་སུ་འཚེད་པར་འགྱུར། །སྔགས་ཙམ་གལ་ཏེ་ཚངས་པ་ལ། །ལག་པ་གཉིས་ཀྱིས་ཡང་དག་བརྩམ། །ཇི་སྲིད་ནམ་མཁའ་ཡང་དག་འབྱུང་། །མནར་མེད་གནས་སུ་འཚེད་པར་འགྱུར། །བུད་མེད་གསང་མིན་བརྗོད་བྱ་མིན། །
94a2 གང་ཞིག་ལ་ལ་སློབ་དཔོན་ཆེད། །བདེ་དང་ལུས་སེམས་སྡུག་བསྔལ་བ། །སྦྱོར་བ་ཇི་སྲིད་འཚོ་ཡི་བར། །གལ་ཏེ་སློབ་དཔོན་རྣམས་ཀྱི་བཀའ། །དགའ་བའི་སེམས་ཀྱིས་བྱས་གྱུར་ན། །དེ་ཚེ་བདག་ལ་སངས་རྒྱས་སོགས། །འགྲུབ་འགྱུར་འདིར
94a3 ནི་ཐེ་ཚོམ་མེད། །དེ་ལ་ཇི་སྲིད་འཚོ་ཡི་བར། །བརྡ་ཡིས་ཀུན་དུ་གནས་པར་བྱ། །དཀུ་རུ་བརྟེན་པའི་ལག་པ་སོགས། །ཇི་སྲིད་འཚོ་བར་མི་བྱའོ། །དངོས་གྲུབ་འབྲས་བུ་དོན་གཉེར་བས། །སློབ་དཔོན་མིང་ནས་སྨོས་མི་བྱ། །ཇི་སྲིད་ནམ་མཁའ་ཡང་དག
94a4 འབྱུང་། །མནར་མེད་དམྱལ་བར་འཚེད་པར་འགྱུར། །དེ་བཞིན་གཤེགས་པ་ཇི་ལྟ་བ་དེ་བཞིན་དུ་བྱའོ་ཞེས་སོ། །བཟའ་བ་ལ་ཡང་རང་སློབ་ཤེས། །སངས་རྒྱས་གཟུགས་སུ་རྣམ་བསྒོམ་བྱ། །དེ་ཡི་མིང་གི་ཡི་གེ་གང་། །ཇི་སྲིད་འཚོ་བར་བརྗོད་མི་བྱ། །
94a5 སངས་རྒྱས་གྲངས་མེད་བསད་བྱས་ན། །སྡིག་པ་འདི་ནི་ཁྱད་པར་འཕགས། །གང་ཚེ་ཁ་ཅིག་ཡོན་ཏན་འདིས། །བསྟོད་ན་བསོད་ནམས་ཡང་དག་འབྱུང་། །དེ་ཚེ་སློབ་དཔོན་རྟོག་མེད་པས། །གཞན་དུ་གལ་ཏེ་རྨོངས་པ་བདག་།དེ་ཚེ་ངུ་འབོད་དུ་འཚེད
94a6 འགྱུར། །གང་ཚེ་དེ་བེ་མཱ་པཱ་ཏི། །གུས་པས་ཉན་སོགས་བསྙེན་པ་གང་། །དེ་ཚེ་སློབ་མ་སྔགས་ཞུ་དང་། །ཇི་ལྟར་ཁ་ཅིག་སློབ་དཔོན་རྣམས། །བདེ་བ་དངོས་སུ་མཐོང་བར་འགྱུར། །གང་ཞིག་ལ་ལ་སློབ་དཔོན་རྣམས། །བདག་ཉིད་ཐིག་ནག་འཚོད་ཅིང
94a7 འཚེང་། །དེ་དག་ངུ་འབོད་དུ་འཚེད་འགྱུར། །སློབ་དཔོན་གང་ཞིག་ཚོལ་བྱེད་པ། །དེ་ནི་དེ་ལ་དབུལ་བར་བྱ། །གཞན་དུ་དངོས་གྲུབ་མེད་པ་ཉིད། །སློབ་མའི་མ་བརྟག་སློབ་དཔོན་གྱི། །ཆུང་མའི་དོན་དུ་བསྒྲུབ་པར་བྱ། །ཡང་ན་སྲིང་མོ་དེ་བྱིན་ནས། །འགྲུབ
iiif viewer powered by OpenSeadragon
