| e-texts navigator |
| Wylie |
93b1 ག་ཤེས་པས་སྐྲོད་པར་བྱེད། །ཐོད་པ་གསུམ་ལ་ཀུན་བཞག་ནས། །ལྷོ་ཡི་ཕྱོགས་ཀྱི་དུར་ཁྲོད་དུ། །འདོད་པ་འདི་ནི་ཡང་དག་བརྩམ། །རྡོ་དང་ཤིང་གི་སྦྱོར་བ་ཡིས། །དངོས་པོ་མེད་པས་ཡང་དག་བརྩམ། །རྡོ་དང་ཕུབ་མ་ཡང་དག་ལྡན། །བཟའ་དང
93b2 གསལ་བྱེད་རྣམ་པར་སྤངས། །ཁྲག་དང་ཕབས་སུ་ཡང་དག་ལྡན། །ནི་མ་པའི་འདབ་མས་བཟའ་བྱ་བ། །ཏ་ལའི་འདབ་མ་ལ་བྲི་བྱ། །སྔགས་པས་འཁྲུལ་འཁོར་སྨད་པར་བྱ། །ཚེར་མ་ཅན་གྱིས་བྲིས་ནས་ནི། །ནི་མ་པའི་འདབ་མ་ཁར་བཅུག་ནས། །སྦྱོར
93b3 བའི་གནས་སུ་གཞག་པར་བྱ། །ལྷ་ཆེན་པོ་ཡི་འོག་ཏུ་ནི། །དྲི་མ་མེད་པ་ཀུན་གཟུང་བྱ། །ཆོ་ག་ཤེས་པས་ལན་བདུན་དུ། །མངོན་པར་སྔགས་ཏེ་ཡང་དག་བརྩམ། །དགྲ་ཡི་སྒོའམ་ཡང་ན་གྲོང་། །གྲོང་ཁྱེར་རམ་ནི་ཀུན་འབྱུང་བའི། །གནས་འདི
93b4 རྣམས་སུ་ཕུང་པོ་ནི། །ཀུན་ནས་སྐྲོད་པར་བྱེད་པ་ཡིན། །སྙིང་པོ་དེ་ལ་མདོར་བསྡུས་པས། །བྱ་བ་ཙོག་བུའི་སྟན་ལ་འདུག་།དྲི་མ་མེད་པའི་གཟུགས་བྱས་ནས། །ཁྲོ་བོ་ཁྲོ་བོའི་མཆོག་འབྱུང་བ། །ཡོན་ཏན་སྟོང་ཕྲག་ཀྱང་བསྐྱེད་ནས། །རྟག་ཏུ་སངས
93b5 རྒྱས་ཀྱང་ཐོབ་བྱེད། །ཉི་མ་བདུན་ནམ་སོ་སོར་བྱས། །གལ་ཏེ་འགའ་ཞིག་མི་འགྲོ་ན། །མགོ་བོ་ཚལ་པ་བདུན་དུ་འགས། །མི་ཕྱེད་རྡོ་རྗེ་རང་གིས་གསུངས། །དེ་བཞིན་གཤེགས་པ་ཐམས་ཅད་སྐྲོད་པའི་ལེའུ་སྟེ་བཅུ་བདུན་པ་རྫོགས་སོ།། །།དེ་ནས
93b6 བཅོམ་ལྡན་འདས་ཀྱིས་རྣམ་པར་སྣང་མཛད་ཆེན་པོ་རྡོ་རྗེ་སེམས་དཔའ་མཉེས་པར་བྱེད་པའི་ལས་འདི་གསུངས་སོ། །སངས་རྒྱས་སློབ་དཔོན་འདབ་བཟང་ཉིད། །རྡོ་རྗེའི་སྐྱིལ་ཀྲུང་དུ་གནས་ཏེ། །བྱ་དཀའི་ཉེ་བར་ལོངས་སྤྱོད་ཀྱིས། །གང་དེ་འཚོ་ཞིང་གནས
93b7 པར་བྱེད། །བརྗོད་པའི་ལྷག་མ་བསྟན་པར་བཤད། །འགྲོ་བ་དང་ནི་གར་ཉིད་དང་། །དེ་བཞིན་འབེལ་གཏམ་དུ་མི་འགྱུར། །མཐོན་པོ་མིན་ཉིད་སློབ་མ་ཡིས། །ཆོས་ཀྱི་དུས་སུའང་སྡིག་པ་སོགས། །གནས་བྱ་གལ་ཏེ་རྨོངས་པ་དེ། །མནར་མེད
iiif viewer powered by OpenSeadragon
