| e-texts navigator |
| Wylie |
93a1 ཡིས། །ཐུགས་ཀར་ཡེ་ཤེས་ཡང་དག་འབྱུང་། །ཅོད་པན་ཡེ་ཤེས་ཆོས་དབང་ཕྱུག་།སངས་རྒྱས་གཟུགས་སུ་རྣམ་བསྒོམས་ནས། །རིན་ཆེན་སྣ་ཚོགས་མཚུངས་པའི་འོད། །རྣལ་འབྱོར་པས་བསྡུས་གོང་བུར་བྱ། །སངས་རྒྱས་གཟུགས་ནི
93a2 རྣམ་བསྒོམ་བྱ། །ཁྲོ་བོ་རྣམས་ཀྱི་སྟོན་པ་འདི། །རྡོ་རྗེ་འབྱུང་བ་སྒོམ་བྱེད་པ། །དེ་ཡིས་ངོ་བོ་རྣམ་བསྒོམས་པས། །རིགས་དང་རིགས་སུ་འདི་བསྟན་ནོ། །རིགས་ཀྱི་དབང་ཕྱུག་རྣམ་བསྒོམས་ནས། །ཁ་དོག་ལྔ་པ་ལེགས་མཛེས་པར། །སྒོམ་པའི་གོ་འཕང
93a3 གིས་བསྒོམ་བྱ། །སླར་ཡང་རིགས་ཀྱི་བདག་པོའི་སྔགས། །འདི་ཉིད་བསྒོམ་པར་བྱ་བ་སྟེ། །གཙུག་ཏོར་ཡང་ནི་རྣམ་བསྒོམ་བྱ། །འདི་ནི་སྔགས་རྣམས་ཐམས་ཅད་ཀྱི། །དགྱེས་དང་མགུ་བར་བྱེད་པར་བཤད། །དངོས་གྲུབ་ཐམས་ཅད་བྱེད་པར་འདོད། །
93a4 རྡོ་རྗེ་ཡེ་ཤེས་སོགས་རྫོགས་བྱེད། །རིག་མ་ལ་སོགས་ཐམས་ཅད་ཀྱིའང་། །རིག་པའི་རྒྱལ་པོ་རྣམ་འཇོམས་བྱེད། །ཕོ་ཉ་མོས་ཀྱང་ཐམས་ཅད་ཀྱི། །རྡོ་རྗེ་སེམས་དཔའ་རྣམ་སྒོམ་པ། །འདོད་འགྱུར་སྔགས་རྣམས་ཐམས་ཅད་ཀྱི། །རང་གཟུགས་རྣམ་པ
93a5 སྒོམ་པས་སོ། །འདི་ནི་སྔགས་རྣམས་ཐམས་ཅད་ཀྱི། །སྔགས་ཀྱི་དམ་ཚིག་འབྱུང་བ་སྟེ། །སངས་རྒྱས་ཀུན་གྱི་ཕན་འདོད་པས། །རྡོ་རྗེ་དཔའ་བོའི་མཆོག་གིས་གསུངས། །སྔགས་ཐམས་ཅད་ཀུན་ལས་བཏུས་པའི་ལེའུ་བཅུ་དྲུག་པ་རྫོགས་སོ།། །།
93a6 དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་སྐྲོད་པར་བྱེད་པའི་ལས་འདི་གསུངས་སོ། །སྐྲོད་པ་ལ་སོགས་བྱ་བ་ལ། །སངས་རྒྱས་དེ་ཉིད་ཡེ་ཤེས་ཅན། །ཁྲོ་བོ་གསུམ་པོ་བསྡུས་པ་ཡི། །རྡོ་རྗེ་འབྱུང་བས་གྲགས་པ་ཉིད། །གཤིན་རྗེ་གཤེད
93a7 ནི་ཡེ་ཤེས་རིགས། །བསྡུས་པའི་དོན་ལ་མཆོག་རྩེར་སྐྱེས། །ཁྲོ་བོ་ཆེན་པོ་རྟ་མགྲིན་ནི། །ཆོས་ཀྱི་ཡེ་ཤེས་རིགས་སུ་བཤད། །སྟོང་ཕྲག་གམ་ནི་བརྒྱ་ཡང་རུང་། །ཐེར་འབུམ་གཅིག་ཏུ་བཟླས་ནས་ནི། །རང་ཉིད་སངས་རྒྱས་ཤེས་པ་ཡང་། །ཆོ
iiif viewer powered by OpenSeadragon
