| e-texts navigator |
| Wylie |
92b1 ཁྲོ་གཉེར་རིམ་པར་ལྡན་གྱུར་གང་། །རྡོ་རྗེ་སེམས་དཔའ་རང་ཉིད་ཀྱང་། །ཁྲོ་བོ་འདི་ཡིས་འཇོམས་པར་བྱེད། །སྟོབས་ཆེན་བདུད་རྩི་ཞེས་གྲགས་དག་།མི་ཤེས་འཇིག་ཅིང་འཕྲོག་བྱེད་པ། །ནམ་མཁའི་ཁམས་དང་མཚུངས་པ་ཡང་། །ཐེ་ཚོམ་མེད་པར་འཇོམས
92b2 པར་བྱེད། །འབུམ་དུ་བཟླས་པའི་སྦྱོར་བ་ཡིས། །ཀུན་དུ་སོན་པར་བྱེད་པ་ཡིན། །བློ་ལྡན་སངས་རྒྱས་ཉིད་ཐོབ་པའང་། །འགུགས་པར་བྱེད་པར་ཐེ་ཚོམ་མེད། །ཁྲོ་གཉེར་ཙཻ་ཀ་ཊ་རིག་མ། །འཇིགས་པ་ཡང་ནི་འཇིགས་པར་བྱེད། །ལྷ་མིན་ཆེན་པོ
92b3 སོགས་སྦྱོར་བས། །གཡུལ་དུ་རྒྱལ་བར་བྱེད་པ་ཡིན། །ཁྲོ་བོ་གཟེགས་མའི་མཆོག་རྩེར་སྐྱེས། །སྔགས་པས་འབུམ་ཕྲག་གཅིག་བཟླས་བྱ། །ཁྲོ་བའི་སེམས་ཀྱིས་སྦྱར་བྱས་ན། །ངེས་པར་སངས་རྒྱས་ཀྱང་འཇིགས་བྱེད། །ལག་པར་དེ་ནི་ཡང་དག
92b4 བསྐྱེད། །མི་སྨྲ་དེར་སོན་བསམ་པ་ཡིས། །ཕ་རོལ་དཔུང་ནི་རེངས་པར་བྱེད། །བརྒྱ་བྱིན་གྱི་ཡང་ཐེ་ཚོམ་མེད། །གཟི་བརྗིད་ཕུང་པོ་བཟླས་ནས་ནི། །འབུམ་ཕྲག་གསུམ་དུ་ལེགས་བསྐོར་ན། །བརྒྱ་བྱིན་སྡེ་ཡང་རེངས་པར་བྱེད། །འགའ་ཞིག
92b5 མིན་པར་འཇོམས་པར་བསྟན། །སྒྲོལ་མ་སྒྲོལ་ལེན་ཡང་དག་འབྱུང་། །འབར་བའི་ཡེ་ཤེས་དགེ་འབྱུང་བ། །འོག་གི་སྦྱོར་བ་བསྒོམས་པ་ཡིས། །རྡོ་རྗེའི་སྡེ་ཡང་རེངས་པར་བྱེད། །དེ་ཡི་སྙིང་པོའི་མཆོག་སྐྱེས་གང་། རིགས་དང་རིགས་དབང་རིག
92b6 པར་བྱེད། །དེ་དང་ཡང་ན་འདི་ཉིད་དུ། །སྦྱོར་བར་བསམས་ནས་བསམ་གཏན་གྱི། །ཏིང་འཛིན་བསྒོམ་པས་སེར་པོའམ། །གཞན་དུ་དམར་པོར་ངེས་སྦྱར་བྱ། །བཅོམ་ལྡན་འདས་རྣམ་པར་སྣང་མཛད་ཀྱིས་དེ་སྐད་ཅེས་གསུངས་སོ། །སྔགས་ཐམས
92b7 ཅད་ཀྱི་རྡོ་རྗེ་འབྱུང་བ་ཞེས་བྱ་བའི་ལེའུ་ལྔ་པ་རྫོགས་སོ། ། །།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་སྔགས་ཐམས་ཅད་ཀུན་ལས་བཏུས་པའི་ལེའུ་གསུངས་སོ། །ཞི་བ་རྒྱས་པ་སོགས་ལས་ལ། །རང་གཟུགས་རྣམ་པ་བསྒོམ་པ
iiif viewer powered by OpenSeadragon
