| e-texts navigator |
| Wylie |
87a1 རིག་པ་འཛིན་པར་འགྱུར། །རང་ཉིད་རྣམ་པར་སྣང་མཛད་ཅེས། །དེར་ནི་བདག་ཉིད་ཡང་དག་བསྐྱེད། །རང་སྔགས་ཏྲི་ཤཱུ་ལཾ་ཞེས་བརྗོད། །རྩེ་གསུམ་རིག་པ་འཛིན་པར་འགྱུར། །རྣམ་པར་སྣང་མཛད་ཅེས་བཤད་པར། །དེར་ནི
87a2 བདག་ཉིད་ཡང་དག་བསྐྱེད། །རང་སྔགས་བཛྲཾ་ཞེས་བརྗོད་ན། །རྡོ་རྗེའི་རིག་པ་འཛིན་པར་འགྱུར། །རང་ཉིད་རྣམ་པར་སྣང་མཛད་ཅེས། །དེར་ནི་བདག་ཉིད་ཡང་དག་བསྐྱེད། །རང་སྔགས་ཨཾ་ཀུ་ཤཾ་བྱས་ན། །ལྕགས་ཀྱུ་ཞེས་པར་མངོན་བརྗོད་འགྱུར། །
87a3 རང་ཉིད་རྣམ་པར་སྣང་མཛད་ཅེས། །དེར་ནི་བདག་ཉིད་ཡང་དག་བསྐྱེད། །རང་སྔགས་པཱ་ཤཾ་ཞེས་བརྗོད་ན། །ཞགས་པའི་རིག་པ་འཛིན་པར་འགྱུར། །ཕྱག་རྒྱ་ཆེ་སོགས་མཚན་ཉིད་ཀྱིས། །རང་གི་གཟུགས་ནི་ཡང་དག་བསྐྱེད། །དེ་ཉིད་ཡིད་བཞིན་ནོར
87a4 བུ་མཆོག་། རིགས་གཞན་དབྱེ་བས་རྟོགས་པར་བྱ། །འདི་ནི་དམ་ཚིག་སྒྲུབ་ཐབས་ཏེ། །སྒྲུབ་པ་པོ་ཡིས་བསྒྲུབ་པར་བྱ། །སྐྱེ་བ་འདིར་ནི་གྲུབ་པར་འགྱུར། །རང་སྔགས་དྲིལ་བུའི་ཚུལ་གྱིས་ནི། །རང་ཉིད་བདག་པོ་རང་ཉིད་དུ། །ཁྲུ་གང་ཙམ་དུ་ཡང
87a5 དག་བསྐྱེད། །སངས་རྒྱས་ཀྱིས་ཀྱང་མཐོང་མི་འགྱུར། །ཆོ་ག་ཤེས་པས་གཞི་རྣམས་ཀྱིའང་། །དེ་ཉིད་སྦྱོར་བས་བསྒོམ་པར་བྱ། །གཟུགས་ཀྱི་དབུས་སུ་རྣམ་བསྒོམས་ནས། །མྱུར་དུ་འགྲུབ་འགྱུར་གཞན་དུ་མིན། །གཟུགས་སུ་སྦྱོར་བའི་མཚན་ཉིད
87a6 ཀྱིས། །དེར་ནི་བདག་ཉིད་ཡང་དག་བསྐྱེད། །རང་སྔགས་ཨུཏྤལ་ལ~ཾ་བྱས་ནས། །ཡེ་ཤེས་རིག་པ་འཛིན་པར་འགྱུར། །ཟླ་བའི་དབུས་སུ་རྣམ་བསྒོམས་ནས། །ནམ་མཁའི་སྟེང་དུ་ཡང་དག་བརྩམ། །སྙིང་གར་རྡོ་རྗེ་ཡང་དག་བསྐྱེད། །ཡེ་ཤེས་རིག་པ་འཛིན
87a7 པར་འགྱུར། །ཟླ་བའི་གཟུགས་ནི་ཡང་དག་བསྐྱེད། །རྡོ་རྗེ་རིན་ཆེན་རྣམ་བསྒོམ་བྱ། །ཇི་སྲིད་དག་པའི་བདག་ཉིད་འདོད། །དེ་སྲིད་མཁའ་ལ་འགྲོ་བར་འགྱུར། །ཟླ་བའི་གཟུགས་སུ་ཡང་དག་བསྐྱེད། །རྡོ་རྗེ་པདྨ་ལག་པར་དགོད། །པདྨའི་སྤྱན་ནི་བསྒོམ
iiif viewer powered by OpenSeadragon
