| e-texts navigator |
| Wylie |
86a1 དུའམ། རྡོ་རྗེ་སེམས་དཔས་བྱིན་བརླབས་པས། སྒྲུབ་པོས་རྟག་ཏུ་བསྒྲུབ་པར་བྱ། འདི་དེ་སངས་རྒྱས་ཐམས་ཅད་ཀྱི། དངོས་གྲུབ་ཐམས་ཅད་རབ་སྒྲུབ་པའོ། །སྔགས་རྣམས་ཀུན་གྱི་མཉེས་པ་དང་། དངོས་གྲུབ་དམ་ཚིག་སྟོན་པ
86a2 པོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་ཡིད་བཞིན་གྱི་ནོར་བུའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་འབྱུང་བའི་རྡོ་རྗེ་ཞེས་བྱ་བའི་དཀྱིལ་འཁོར་འདི་སྟོན
86a3 པར་མཛད་དོ། །དམ་ཚིག་དཀྱིལ་འཁོར་དུ་གསུངས་པ། གང་དེ་ཐམས་ཅད་ཉིད་བྱ་དེ། ཤར་དུ་རང་གི་ཕྱག་རྒྱ་ཡིས། མི་བསྐྱོད་པ་ནི་དགོད་པར་བྱ། ལྷོ་རུ་དེ་ལ་ཆོ་ག་ལས། རིན་ཆེན་འབྱུང་ལྡན་བྲི་བར་བྱ། ཆོ་ག་ཤེས་པས་ནུབ་ཏུ་ནི། འོད
86a4 དཔག་མེད་ནི་མཉམ་པར་བྲི། ཆོ་ག་ཤེས་པས་བྱང་ཕྱོགས་སུ། དོན་ཡོད་གྲུབ་པ་མཉམ་པར་བྲི། དབུས་སུ་རྟག་ཏུ་བསྡུས་པ་ཡིས། སངས་རྒྱས་སློབ་དཔོན་ཀུན་ཏུ་བྲི། རྩེ་མོ་ལྔ་པའི་རྡོ་རྗེ་ཆེ། འབར་བའི་ཕྲེང་བས་རྣམ་བརྒྱན་པ། རྣམ་ཀུན
86a5 སངས་རྒྱས་སློབ་དཔོན་གྱིས། རབ་ཏུ་འབད་པས་བསྒྲུབ་པར་བྱ། ཕྱག་རྒྱ་རྣམས་ནི་ཐམས་ཅད་དུ། ཨུཏྤལ་སྔོན་པོ་མཚུངས་པའི་འོད། །རྩེ་མོ་བཅུ་གཅིག་ཆེན་པོ་ཡི། །རྡོ་རྗེའི་རྣམ་པར་ཀུན་ཏུ་བྲི། ཟླ་བའི་དཀྱིལ་འཁོར་དབུས་གནས་པར། ཕྱག
86a6 རྒྱ་ཐམས་ཅད་ཀུན་ཏུ་བྲི། །མཁས་པས་ཕྱག་རྒྱ་ཆེན་པོ་ནི། །འཁོར་ལོས་སྒྱུར་བ་ཞེས་བཤད་དོ། །སྙིང་པོའི་དཀྱིལ་འཁོར་གྲཝ་རྣམས་སུ། །པདྨ་དང་ནི་ཨུཏྤལ་བྲི། །རིན་ཆེན་བཞི་ཡི་ཁ་དོག་ཏུ། །དེ་རྣམས་དབུས་སུ་མཉམ་པར་བྲི། །འདོད་པས་ལྷ་རྣམས་ཐམས
86a7 ཅད་ཀྱི། །ལྷ་གཞན་དེ་ནི་ཡང་དག་འབྱུང་། །སྒོ་རུ་བདུད་རྩི་འབྱུང་བ་དང་། །མཐུན་པ་རུ་ནི་མཉམ་པར་བྲི། །དཀར་པོ་ནག་པོ་དེ་བཞིན་དམར། །སེར་པོ་ལྗང་གུ་ཉིད་དང་ཡང་། །རྟག་ཏུ་བསམ་གཏན་གདན་ལ་གནས། །དེ་ལ་དགོད་པར་བྱ་བ་ཡིན། །ཆོ
iiif viewer powered by OpenSeadragon
