| e-texts navigator |
| Wylie |
85b1 པར་བྱ། །འདི་དེ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་སྒྲུབ་པ་པོ། །སྒྲུབ་པོ་རྣམས་ཀྱི་དེ་ཉིད་འདི། དངོས་གྲུབ་བསྒྲུབ་ལ་དམ་ཚིག་མཆོག་།སངས་རྒྱས་གཟུགས་སུ་རྣམ་བསྒོམས་ནས། རལ་པའི་ཅོད་པན་འཛིན་བཞིན་པ། སངས་རྒྱས་སློབ
85b2 དཔོན་ཡང་དག་བསྐྱེད། སྙིང་གར་དེ་ནི་དགོད་པར་བྱ། རང་སྔགས་མཆོག་གི་ཕྱག་རྒྱ་ནི། བསམས་ནས་དེ་ཡི་སྙིང་གར་དགོད། འཐུང་དང་ཟ་བའི་དུས་རྣམས་སུ། ཉེ་བར་ལོངས་སྤྱོད་བྱེད་རྣམས་སུའང་། དྲི་དང་གཟུགས་སོགས་བྱ་བ་རྣམས།
85b3 འདི་ནི་དེ་ཁོ་ན་ཉིད་བརྗོད། ལྷ་སྦྱོར་སངས་རྒྱས་སློབ་དཔོན་གྱི། རང་གི་བདེ་བ་རྟག་ཏུ་ནི། ཆོ་ག་ཤེས་པས་དབུལ་བར་བྱ། གཞན་དུ་འགྲུབ་པར་བྱེད་མིན་ཉིད། འདི་ནི་སྔགས་རྣམས་ཐམས་ཅད་ཀྱིས། བསམ་པ་ཐམས་ཅད་ཡོངས་རྫོགས་བྱེད།
85b4 ཡེ་ཤེས་རྣམས་ནི་ཀུན་གྱི་གསང་། སྔགས་ཀྱི་དངོས་གྲུབ་བྱེད་དེ་ཉིད། རང་གཞན་སེམས་ཅན་ཐམས་ཅད་ཀྱི། འཆི་བ་དེ་བཞིན་འཕྲོག་པར་བྱེད། དེ་བཞིན་རང་གཟུགས་བསམས་ལ་སོགས། བསྟེན་དང་ཡོན་རྣམས་ཀུན་དང་ལྡན། འདི་དེ་སངས
85b5 རྒྱས་ཐམས་ཅད་ཀྱི། སངས་རྒྱས་ཡེ་ཤེས་རབ་སྒྲུབ་པའོ། །རྡོ་རྗེ་སེམས་དཔའ་རབ་སྒྲུབ་པས། རྡོ་རྗེ་ཡེ་ཤེས་སྤྲུལ་པའོ། །གནས་བཞི་རྣམས་ཀྱི་ཀུན་སྦྱོར་གྱིས། ལྷ་ཡི་སྦྱོར་བ་མཚུངས་པ་ལ། ཆོ་ག་ཤེས་པས་གཟུང་བར་བྱ། རིག་པ་འཛིན་པར་དེ
85b6 བརྗོད་བྱ། འདི་དེ་སངས་རྒྱས་ཐམས་ཅད་ཀྱི། དེ་ཉིད་བྱ་བ་དྲི་མེད་བཟང་། དེ་ཡི་སྔགས་ཀྱི་སྐུ་བྱེད་པ། བསྡུས་པ་ཡིས་ནི་བསྒོམ་པར་བྱ། ཐུན་བཞིར་བསམ་གཏན་འདི་ཉིད་ནི། དེ་ཉིད་དམ་ཚིག་གར་མཁན་ནོ། །ཐམས་ཅད་དུ་ནི་རིགས་དབྱེ་བ།
85b7 བསྡུས་པ་ཡིས་ནི་བསྒོམ་པར་བྱ། སངས་རྒྱས་གཟུགས་ནི་རྣམ་བསྒོམས་ནས། འཁོར་ལོ་དེ་ཡིས་རྣམ་བསྒོམ་བྱ། རང་ལག་ཏུ་ནི་ཡང་དག་བསྐྱེད། ཇི་སྲིད་སྲོག་དེ་གཏང་མི་བྱ། རྡོར་སེམས་ལ་སོགས་སྒོམ་བྱེད་པ། བསྡུས་པ་ཡིས་ནི་རིགས་གསུམ
iiif viewer powered by OpenSeadragon
