| e-texts navigator |
| Wylie |
85a1 རྟག་ཏུ་ནམ་མཁའ་གང་བར་བྱ། །དེ་ཉིད་སངས་རྒྱས་ཐམས་ཅད་ཀྱི། །གང་བ་དེ་ལ་གྲགས་པ་ཡིན། །ཡི་གེ་གཅིག་གི་གསང་སྔགས་ཀྱི། །རང་གཟུགས་རྣམ་པར་བསྒོམ་པར་བྱ། །རིགས་ཀྱི་བདག་པོ་འབྱུང་བ་ནི། །ཡི་གེ་གསུམ་གྱི་རྟག
85a2 ཤེས་བྱ། །ཡི་གེ་ལྔ་ལ་སོགས་གཟུང་བས། །ཇི་སྲིད་ཡི་གེ་འབྱུང་བའོ། །འོད་དཀར་འབར་བའི་ཕྲེང་བ་སོགས། འབར་བའི་ཕྲེང་བ་མཉམ་པའི་འོད། །རིགས་ཀྱི་དབྱེ་བས་ལས་རྣམས་ཀྱི། །ཐོག་མ་ཐ་མ་འདི་བྱའོ། །ུཏྤལ་སྔོན་པོའི་འདབ་རྣམ་པར། །
85a3 ཨིནྡྲ་ནཱི་ལ་མཚུངས་པའི་འོད། །འོད་ཟེར་འབར་འཁྲུགས་གཙོ་བོའི་ཡུམ། །ཡིད་ཀྱིས་བསམས་པས་འགྲུབ་པར་འགྱུར། །པདྨ་རཱ་ག་དབང་མདོག་འོད། །དམར་པོ་འབར་བ་མཚུངས་པའི་འོད། །འཇིག་རྟེན་ཁམས་ནི་ཀུན་ནས་སུ། །ཆོ་ག་ཤེས་པས་སྣང་བར
85a4 བྱ། །གེ་སར་སེར་པོ་དང་མཚུངས་པ། །སེར་པོ་འོད་ཟེར་འབར་ལ་སོགས། །སྒོམ་པའི་གོ་འཕང་གིས་བསྒོམ་བྱ། །ཐེ་ཚོམ་མེད་པར་བསྒྲུབ་པར་བྱ། །དེ་ཉིད་འབྱུང་བ་གང་གསུངས་པ། །རང་གཟུགས་ཡང་དག་བསྐྱེད་ནས་ནི། །སྙིང་གར་མེ་ཏོག
85a5 བསམས་ནས་ནི། །དཀྱིལ་འཁོར་དེ་ལ་བསྒོམ་པར་བྱ། །ཆོ་ག་ཤེས་པས་དེའི་སྟེང་དུ། །སྙིང་པོ་ཕྱག་རྒྱ་རྣམ་བསྒོམ་བྱ། །ཇི་ལྟའི་གོ་འཕང་ཀུན་བསྐྱེད་ནས། །ཡེ་ཤེས་དེ་ཉིད་རྣམ་བསྒོམ་བྱ། །བྷ་གར་ཨ་ཡིག་ངེས་ཕྱུང་ནས། །སངས་རྒྱས་མཆོད
85a6 པ་ལ་སོགས་བྱ། །འཇིག་རྟེན་ཁམས་ནི་ཀུན་ནས་སུ། །ཆོ་ག་ཤེས་པས་སྤྲོ་བར་བྱ། །ཐོག་མ་བར་དང་ཐ་མར་ནི། །སླར་ཡང་བསྡུ་བར་བསམ་པར་བྱ། །ཟླ་འོད་ལྟ་བུར་ཡང་དག་སྦྱོར། །རང་ལུས་སུ་ཡང་བསྒོམ་པར་བྱ། །འདི་ནི་དེ་ཉིད་ཚུལ་དགེ་བ། །
85a7 རིགས་གསུམ་དུ་ཡང་རྟོགས་པར་བྱ། །བྱ་དང་བྱེད་པ་ཡང་དག་སྦྱོར། །སྒོམ་པ་དེ་ནི་འགྲུབ་པར་བྱེད། །སེམས་ཀྱི་ཀུན་སྦྱོར་མཚན་ཉིད་ཀྱིས། །གལ་ཏེ་ཆགས་ལ་ཆགས་པར་འགྱུར། །བསམ་གཏན་འདུས་ལ་རབ་ཞུགས་ནས། །དེ་ལ་གཞུག་པར་བསྒོམ
iiif viewer powered by OpenSeadragon
