| e-texts navigator |
| Wylie |
84b1 བར་མཚུངས་བསམས་ནས། །དབུས་སུ་བདག་ཉིད་རྣམ་བསམ་བྱ། །འབད་པས་གནས་ལྔ་རྣམས་སུ་ནི། །རྣམ་སྣང་མཛད་ཆེན་གཟུགས་བསམས་ནས། །ཉི་མའི་དཀྱིལ་འཁོར་དབུས་གནས་པར། །དེ་རྣམས་ཐམས་ཅད་ཡོངས་བརྟག་བྱ། །སྙིང་གར
84b2 རྡོ་རྗེ་སེམས་དཔའ་ནི། །ཡང་དག་བསྐྱེད་ནས་རྣམ་བསྒོམ་བྱ། །ཆོ་ག་ཤེས་པས་ཉི་རྣམ་པར། །ནམ་མཁའི་ཁམས་ནི་གང་བར་བྱེད། །ལྷ་ལ་སོགས་པའི་སྦྱོར་བ་ཡིས། །སླར་ཡང་དེ་ནི་རབ་གཞུག་བྱ། །དེ་ཉིད་ཚུལ་ནི་དགེ་བ་འདི། །རིགས་ཀྱི་དབྱེ་བས
84b3 རྟོགས་པར་བྱ། །གཞན་དུ་གསང་བའི་བསམ་གཏན་ནི། །རྣམ་པར་སྤངས་པས་འགྲུབ་མི་འགྱུར། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་རིག་མའི་ལས་ཀྱི་ལེའུ་སྟེ་བཅུ་བཞི་པ་རྫོགས་སོ།། །།དེ་ནས
84b4 བཅོམ་ལྡན་འདས་རྣམ་པར་སྣང་མཛད་ལྷ་ཐམས་ཅད་ཀྱི་དེ་ཁོ་ན་ཉིད་ཀྱི་ཚུལ་བཟླས་པའི་ཆོ་ག་སྟོན་པར་མཛད་དོ། །ནམ་མཁར་འཕྲུལ་ནི་སྟོན་པར་རམ། །གང་དུ་སེམས་ནི་རབ་དགྱེས་བྱེད། །དབང་ཆེན་དཀྱིལ་འཁོར་བསམས་ནས་ནི། །རང་གི་དཀྱིལ་འཁོར
84b5 མཆོད་བསྒོམ་བྱ། །མེ་ཏོག་བཟང་པོ་དེ་དབུས་སུ། །དེ་ཉིད་སྦྱོར་བས་བསྒོམ་པར་བྱ། །རང་གཟུགས་ཕྱག་རྒྱ་ཆེན་པོ་ནི། །བསྒོམ་བྱ་གཞན་དུ་བརྩོན་མི་བྱ། །སྙིང་གའི་དབུས་སོན་ཕྲ་མོ་ནི། །དྲི་མེད་ཡེ་ཤེས་དཀྱིལ་འཁོར་ནི། །གསལ་བ་འོད་དཀར་འབར
84b6 ལ་སོགས། །ཆུ་ཡི་རྣམ་པར་དགོད་པར་བྱ། །དེ་ལ་སྔགས་ཀྱི་ཡི་གེའི་ཚིག་།དང་པོ་གསང་བ་རྣམ་བསྒོམ་བྱ། །རྩེ་མོ་ལྔ་བ་རྣམ་བསྒོམས་ནས། །སླར་ཡང་དེ་ཉིད་ལ་སྦྱར་བྱ། །བློ་དང་ལྡན་པས་གནས་ལྔ་རུ། །གཟུགས་བརྙན་ཡང་ནི་ཡང་དག་བསྐྱེད། །
84b7 དེ་ཉིད་ཡི་གེའི་ཚུལ་མཐུན་པས། །བསམ་གཏན་འབྱུང་བ་བསྒོམ་པར་བྱ། །ཆོ་ག་ཤེས་པས་ཡིག་རྣམས་ཀྱི། །ཕྲེང་བ་བསྐྱེད་ནས་བསྒོམ་པར་བྱ། །ནས་ཀྱི་ཚད་འདི་ཐམས་ཅད་དུ། །བསམ་གཏན་འབྱུང་བ་བསྒོམ་པར་བྱ། །རབ་ཏུ་འབད་པས་འོག་དེར་ནི། །
iiif viewer powered by OpenSeadragon
