| e-texts navigator |
| Wylie |
83b1 ཡང་དེ་བཞིན་གཤེགས་པ་ཐམས་ཅད་ཀྱི་ཐུགས་སུ་བཞུགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ནམ་མཁའི་ཁམས་ཐམས་ཅད་དུ་སྤྲོ་བའི་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བཅོམ
83b2 ལྡན་འདས་དེ། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ་ནམ་མཁའི་ཁམས་ཐམས་ཅད་དུ་སེམས་ཀྱིས་གང་བར་བྱས་ནས། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱིས་བཅོམ་ལྡན་འདས་རྣམ་པར་སྣང་མཛད་ལ་རབ་ཏུ་སྩལ་ཏོ། །དེ་ནས
83b3 བཅོམ་ལྡན་འདས་རྣམ་པར་སྣང་མཛད་ཆེན་པོ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྒྲུབ་པའི་མཆོག་ཅེས་བྱ་བ་རིག་མའི་ཚུལ་ལ་སོགས་པའི་ལས་ཅན་གསུངས་པ། ཁྲུ་ནི་སུམ་ཅུའི་ཁྱོན་ཙམ་དུ། །ཀུན་ནས་ཡོངས་སུ་ཟླུམ་པོར་ནི། །ིནྡྲ་ནཱི་ལ་མཚུངས
83b4 པའི་འོད། །འོད་ཟེར་འབར་བ་དེ་ཕྱུང་ནས། །ནམ་མཁའ་རུ་ནི་འདི་བྱ་བ། །བསམ་གཏན་སྦྱོར་བས་བསམ་པར་བྱ། །འཛམ་བུའི་གླིང་ནི་ཐམས་ཅད་དུ། །འོ་མ་དང་ཞོས་ཀུན་དུ་འཁྲུགས། །ཤིང་རྟའི་འཁོར་ལོའི་ཚད་ཀྱིས་ནི། །པདྨས་གཡོགས་པར་རྣམ
83b5 བསྒོམ་བྱ། །ཁྲོ་བོ་ཆེན་པོ་གཤིན་རྗེ་གཤེད། །དྲག་ཏུ་དགོད་པ་ཆེན་པོ་སོགས། །རྟག་ཏུ་དེ་ཡི་དཀྱིལ་འཁོར་གྱི། །དེ་ཡི་གཟུགས་ནི་རྣམ་བསྒོམས་ནས། །ཁྲོ་ཆེན་ཁྲོ་གཉེར་རིམ་པར་ལྡན། །འབར་བའི་ཕྲེང་བ་འཁྲུགས་པའི་འོད། །ཇི་ལྟར་རིགས་པར
83b6 ཀུན་བསྐྱེད་ནས། །སྒོམ་པར་བྱེད་པ་དེ་དེར་བཤད། །ཁྲོ་བོ་ཆེན་པོ་དབྱུག་པ་སྔོ། །འཇིག་རྟེན་གསུམ་འཇིག་འཕྲོག་བྱེད་པ། །སངས་རྒྱས་ཀུན་གྱི་ཡེ་ཤེས་སུ། །འཇོམས་པ་པོ་ནི་རབ་ཏུ་གནས། །ཇི་སྐད་གསུངས་པའི་གཟུགས་གསུམ་གྱིས། །
83b7 ནམ་མཁའི་ཁམས་ནི་ཀུན་དུ་གང་། །ཡི་གེའི་གཟུགས་ནི་ཀུན་བསྐྱེད་ནས། །བདག་ཉིད་སྙིང་གར་རྣམ་བསམ་བྱ། །སྙིང་གའི་གཟུགས་ནི་དེ་རྣམས་སུ། །ལྷ་ཡི་རྣམ་པར་སྒོམ་པར་བྱེད། །སླར་ནི་སྔགས་པས་བསྡུ་བར་བྱ། །དེ་ཉིད་ལ་ནི་གཞུག
iiif viewer powered by OpenSeadragon
