| e-texts navigator |
| Wylie |
83a1 རྣམས་སུ་བརྟག་པར་བྱ། །ཁུ་བ་དེར་ནི་གཟུང་བྱས་ནས། །ཐམས་ཅད་དུ་ནི་དབུལ་བར་བྱ། །རིག་མའི་ཚུལ་གྱིས་ཆོ་ག་ཡིས། །དེ་ནི་ཡང་ཡང་དགྱེས་པར་བྱ། །མཁས་པས་དགའ་བའི་རྣམ་པ་ཡིས། །ཐོག་མར་གཏོར་མ
83a2 སྦྱིན་པར་བྱ། །ཆོ་ག་ཤེས་པས་འཕྲོག་མ་ཡི། །གཉིས་པ་རུ་ནི་ཡང་དག་གཟུང་། །སྔགས་པས་ཁྱད་པར་གསུམ་པ་རུ། །སངས་རྒྱས་རྣམས་ཀྱི་སྦྱིན་པར་བྱ། །དེ་ཉིད་བརྗོད་པ་དེ་ཡིས་ནི། །གང་གསུངས་སྦྱིན་སྲེག་ལས་རྣམས་བྱ། །དེ་ཚེ་སློབ
83a3 མ་དབང་བསྐུར་བའི། །ལས་རྣམས་སོ་སོར་བསྒྲུབ་པར་བྱ། །དེ་གཞན་བསམ་པས་བུམ་པ་རུ། །རྡོ་རྗེ་སེམས་དཔའི་རབ་སྦྱོར་གྱིས། །ལྷག་མའི་སངས་རྒྱས་ཞེས་བྱ་བར། །དེ་ཉིད་རིགས་པར་ཡང་དག་བསྐྱེད། །རྟག་ཏུ་སངས་རྒྱས་སློབ་དཔོན་གྱིས། །
83a4 དེ་ཡི་ཚུལ་འདི་སྨྲ་བར་བྱ། །སངས་རྒྱས་ཀུན་གྱི་དམ་ཚིག་གང་། །ལམ་གསུམ་ལམ་ནི་འཇུག་བྱེད་པ། །དབང་བསྐུར་ཆེན་པོ་དེ་ཡི་ནི། །ནམ་མཁའ་ཇི་སྲིད་ཡང་དག་འབྱུང་། །ཁྱད་པར་དུ་ཡང་འདིར་སྨྲས་པ། །བདག་གི་ཡང་འདི་ཡང་དག་འབྱུང་། །ཡིད
83a5 བཞིན་རིན་ཆེན་ནོར་བསྟེན་ནས། །དེ་ཉིད་འབྱུང་བས་འདིར་དབང་བསྐུར། །གཞན་ཡང་གལ་ཏེ་སེམས་ཅན་གང་། །མཐོང་བར་འགྱུར་ཞེས་བྱ་བ་ཉོན། །སྐྱེ་བ་བདུན་གྱི་ནང་དུ་ས། །ཐོབ་ཅིང་ཕྱག་འོས་མཆོག་ཏུ་འགྱུར། །སངས་རྒྱས་སློབ་དཔོན་གང་ཉིད་དུ། །
83a6 ཡེ་ཤེས་རྒྱ་མཚོ་གནས་པར་འགྱུར། །ཐུབ་ཆེན་དེ་ཉིད་ཤེས་པ་གང་། །རྟག་ཏུ་སངས་རྒྱས་མཆོད་པར་བྱེད། །སངས་རྒྱས་སློབ་དཔོན་ཇི་གསུངས་པ། །དེ་ཡིས་རང་གི་སློབ་མ་དེའི། །དམ་ཚིག་ལྔ་པོ་བྱིན་ནས་ནི། །རབ་ཏུ་འབད་པས་སྨྲ་བར་བྱ། །སངས
83a7 རྒྱས་ཀུན་གྱི་དམ་ཚིག་ཆེ། །དཀྱིལ་འཁོར་དེ་ཉིད་ཤེས་དཀྱིལ་འཁོར། །སྒྲུབ་པོ་རྣམས་ཀྱིས་ཅི་འདྲ་དེར། །ཡིད་བཞིན་ནོར་བུ་ལྟ་བུར་བླང་། །དམ་ཚིག་ཆེན་པོའི་དཀྱིལ་འཁོར་རྫོགས་སོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར
iiif viewer powered by OpenSeadragon
