| e-texts navigator |
| Wylie |
82b1 ལྡན་འདས། །རྒྱལ་བའི་གཙུག་ཏོར་གདུགས་དཀར་དང་། །རིག་མ་ཆེན་མོ་སྤྱན་དང་ནི། །མཛོད་སྤུ་ཡང་ནི་ཉེ་བར་རོ། །རྡོ་རྗེ་འཆང་གི་ལྷོ་རུ་ནི། །བདུད་རྩི་ཞེས་དང་སྟོབས་པོ་ཆེ། །རྡོ་རྗེ་ཁུ་ཚུར་མཱ་མ་ཀཱི། །ཉེ་བ་ཉིད་དུ་གཞག་པར་བྱ། །བཅོམ་ལྡན་འདས
82b2 ཀྱི་བྱང་དུ་ནི། །པདྨ་འཆང་བ་ཞི་བ་བསྐྱེད། །ཁྲོ་གཉེར་རིམ་པར་ལྡན་པ་དང་། །རིག་མ་ཆེན་མོ་དཀར་ཞེས་དང་། །ཁྲོ་གཉེར་ཅན་མའང་མཉམ་པར་བྲི། །ཆོ་ག་ཤེས་པས་དེ་དབུས་སུ། །རིག་མ་མི་ཐུབ་ཅན་མ་བྲི། །ཕྱག་རྒྱ་ཐམས་ཅད་ཉིད་དུ་ནི། །རྩེ་མོ
82b3 ལྔ་པ་རྣམ་བསྒོམ་བྱ། །དཀྱིལ་འཁོར་གསུམ་པར་སློབ་དཔོན་གྱིས། །ཡ་དྲི་ཙྪ་ཡས་སཱུ་ཏྲཾ་བྲི་བར་བྱ། །སྒོ་རྣམས་ཐམས་ཅད་ཉིད་དུ་ནི། །རྡོ་རྗེ་ལྕགས་སྒྲོག་ལ་སོགས་བྲི། །ཇི་ལྟར་རིགས་པར་ཕྱོགས་ཀུན་དུ། །འཇིག་རྟེན་སྐྱོང་བ་དགོད་པར་བྱ། །ཤར
82b4 ཕྱོགས་དབང་པོ་ལྷ་རྒྱལ་དང་། །འདོད་པ་སྤྱོད་པའི་ལྷ་རྣམས་དང་། །གནས་གཙང་མ་ཡང་དགོད་པར་བྱ། །མེ་ཕྱོགས་ཀུན་དུ་མེ་ཡི་ལྷ། །དྲང་སྲོང་ཆེན་པོ་ལྔ་མངོན་ཤེས། །ལྷོ་ཕྱོགས་རྣམས་ཀྱི་བདག་།གཤིན་རྗེ་དང་ནི་མ་མོ་བདུན། །བདེན་བྲལ
82b5 ཕྱོགས་སུ་ཀྱི། །དབང་པོ་དང་ནི་འབྱུང་བོ་ཀུན། །ནུབ་ཀྱི་ཕྱོགས་སུ་ཀླུ་ཡི་བདག་།ཆུ་ལྷ་དང་ནི་ཀླུ་རྣམས་ཀུན། རླུང་གི་ཕྱོགས་སུ་རླུང་ལྷ་དང་། །རིག་པ་འཛིན་པ་ཐམས་ཅད་དང་། །བྱང་གི་ཕྱོགས་སུ་གནོད་སྦྱིན་བདག་།ལུས་ངན་དང་ནི
82b6 གནོད་སྦྱིན་ཀུན། །དབང་ལྡན་ཕྱོགས་སུ་དབང་ཕྱུག་ནི། །འབྱུང་པོ་ཀུན་གྱི་བདག་པོ་དང་། །ཇི་སྐད་གསུངས་པའི་ཆོ་ག་ཡིས། །བུམ་པ་དགོད་དང་གདན་སོགས་བྱ། །ལྷ་རྣམས་ཀུན་གྱི་རྒྱལ་པོ་ནི། །དེར་ནི་དགོད་པར་བྱ་བ་ཡིན། །མཁས་པས་མེ
82b7 ཏོག་དྲི་སོགས་ཀྱིས། །མཆོད་པའི་ཆོ་ག་བྱས་ནས་ནི། །མཉེས་པའི་རིགས་པས་མཉེས་པར་བྱ། །དེ་ལྟར་རྒྱས་འགྱུར་གཞན་དུ་མིན། །འདིར་ནི་སྔོན་མཐར་དེ་རྣམས་ཀྱི། །ཉ་དང་ཆང་སོགས་རབ་སྦྱིན་བྱ། །ཆོ་ག་ཤེས་པས་གསང་བའི་མཆོད། །སྒོ་བཞི
iiif viewer powered by OpenSeadragon
