| e-texts navigator |
| Wylie |
82a1 ནི་བྱ། །མང་པོ་ཕན་ཚུན་ཡང་དག་སྦྱོར། །ཕྱག་རྒྱ་དེར་ནི་རྣམ་བསྒོམ་བྱ། །བློ་ལྡན་ཡེ་ཤེས་རིགས་ལ་ནི། །སོར་མོའི་རྣམ་པ་སྦྱོར་བར་བཤད། །རྡོ་རྗེའི་རྣམ་པས་ཀུན་སྦྱར་ནས། །རིན་ཆེན་རྣམ་པས་སྦྱར་བར་བྱ། །པདྨའི་རྣམ་པས་ཀུན
82a2 སྦྱར་ནས། །འདི་ནི་ཆོས་ཀྱི་རིགས་སུ་བརྗོད། །རྩེ་གསུམ་རྣམ་པའི་དབྱེ་བ་ཡིས། །དེ་ཉིད་དུ་ནི་བཅིང་བར་བྱ། །བཅོམ་ལྡན་འདས་བྱང་ཆུབ་ཀྱི་སེམས་ཀྱིས་དེ་སྐད་ཅེས་གསུངས་སོ། །བསམ་གཏན་གྱི་དཀྱིལ་འཁོར་ཞེས་བྱ་བ་སེམས་དཔའ་ཆེན་པོ་སྐྱེད་པར
82a3 བྱེད་པའི་ལེའུ་བཅུ་གཉིས་པ་རྫོགས་སོ། ། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་བསམ་པ་ཐམས་ཅད་ཡོངས་སུ་རྫོགས་པའི་དམ་ཚིག་འབྱུང་བ་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཆེན
82a4 པོའི་དངོས་གྲུབ་ཀྱི་དཀྱིལ་འཁོར་ཆེན་པོ་འདི་གསུངས་སོ། །དེ་ནས་ཡང་དག་རབ་བཤད་བྱ། །དཀྱིལ་འཁོར་ཆེན་པོ་དམ་པ་འདི། །རྡོ་རྗེ་ཡེ་ཤེས་ལྟ་བུས་ཏེ། །དངོས་གྲུབ་ཆེན་པོ་ཞེས་བཤད་དོ། །སར་པ་ལེགས་པར་བཀལ་བ་ཡི། །ཚད་དང་ལྡན
82a5 པ་མཛེས་པ་ཡི། །ཐིག་གིས་མཁས་པས་ཅི་ནུས་ཀྱིས། །དཀྱིལ་འཁོར་ལ་ནི་ཐིག་གདབ་པོ། །གྲུ་བཞི་པ་ལ་སྒོ་བཞི་པ། །རྟ་བབས་བཞི་ཡིས་བརྒྱན་པ་དང་། །ཐིག་བཞི་དང་ནི་ཡང་དག་ལྡན། །དར་དང་མེ་ཏོག་ཆུན་པོས་བརྒྱན། །གྲཝ་ཡི་ཆ་རྣམས
82a6 ཐམས་ཅད་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ཆེན་གྱིས་སྤྲས་པར། །ཕྱི་ཡི་དཀྱིལ་འཁོར་ཐིག་གདབ་བོ། །རྟག་ཏུ་བསྡུས་པའི་ཆོ་ག་ཡིས། །རིམ་པ་གསུམ་ནི་བྱ་བ་ཡིན། །ཆོ་ག་ཤེས་པས་ཤར་དུ་ནི། །ཡེ་ཤེས་ཞེས་ནི་དགོད
82a7 པར་བྱ། །ལྷོར་ནི་འབད་པས་བསྡུས་པ་ཞེས། །བརྗོད་པ་རྟག་ཏུ་བྱ་བའོ། །ཆོ་ག་ཡིས་ནི་བྱང་ཕྱོགས་སུ། །ཆོས་ཀྱི་རིགས་ནི་རྟག་ཏུ་བྱ། །སྔགས་པས་འདོད་པ་ཀུན་རིགས་ལ། །གསུམ་པ་རུ་ཡང་མཉམ་པར་བྲི། །ཤར་དུ་སངས་རྒྱས་བཅོམ
iiif viewer powered by OpenSeadragon
